FacebookTwitterg+Mail

ਆਲੀਆ ਨੇ ਛੁੱਟੀਆਂ 'ਤੇ ਜਾ ਕੇ ਭੁਲਾਇਆ ਸੀ ਗਮ

alia bhatt was forgotten grief by going on holiday
24 November, 2016 07:17:19 AM
ਨਵੀਂ ਦਿੱਲੀ— ਬਾਲੀਵੁੱਡ ਵਿਚ ਆਪਣੇ ਛੋਟੇ ਜਿਹੇ ਕੈਰੀਅਰ ਨਾਲ ਲੋਕਾਂ ਨੂੰ ਪ੍ਰਭਾਵਿਤ ਕਰਨ ਵਾਲੀ ਅਦਾਕਾਰਾ ਆਲੀਆ ਭੱਟ ਨੇ ਕਿਹਾ ਕਿ ਬ੍ਰੇਕਅਪ ਦਾ ਗਮ ਭੁਲਾਉਣ ਲਈ ਉਹ ਛੁੱਟੀਆਂ 'ਤੇ ਗਈ ਸੀ। ਜ਼ਿੰਦਗੀ ਦੇ ਫਲਸਫਿਆਂ 'ਤੇ ਬਣੀ ਫਿਲਮ 'ਡੀਅਰ ਜ਼ਿੰਦਗੀ' ਵਿਚ ਮੁੱਖ ਭੂਮਿਕਾ ਨਿਭਾ ਰਹੀ ਆਲੀਆ ਨੇ ਕਿਹਾ ਕਿ ਬ੍ਰੇਕਅਪ ਦੇ ਗਮ ਨੂੰ ਭੁਲਾਉਣ ਦਾ ਕੋਈ ਤੈਅ ਤਰੀਕਾ ਨਹੀਂ ਹੈ ਅਤੇ ਸਾਰਿਆਂ ਦੇ ਹਾਲਾਤ ਵੱਖਰੇ ਹੁੰਦੇ ਹਨ। ਮੈਂ ਛੁੱਟੀਆਂ 'ਤੇ ਜਾ ਕੇ ਅਤੇ ਦੋਸਤਾਂ ਨਾਲ ਗੱਲ ਕਰਕੇ ਆਪਣੇ ਬ੍ਰੇਕਅਪ ਦਾ ਗਮ ਭੁਲਾਇਆ ਸੀ।
ਅਦਾਕਾਰ ਸਿਧਾਰਥ ਮਲਹੋਤਰਾ ਨਾਲ ਨਜ਼ਦੀਕੀਆਂ ਨੂੰ ਲੈ ਕੇ ਸੁਰਖੀਆਂ ਬਟੋਰਨ ਵਾਲੀ ਆਲੀਆ ਨੇ ਕਿਹਾ ਕਿ ਇੰਨੀ ਵਾਰ ਵੀ ਮੇਰਾ ਬ੍ਰੇਕਅਪ ਨਹੀਂ ਹੋਇਆ ਕਿ ਮੈਂ ਇਸ ਵਿਸ਼ੇ 'ਤੇ ਜ਼ਿਆਦਾ ਬੋਲ ਸਕਾਂ। ਸ਼ਾਇਦ ਇਕ ਜਾਂ ਦੋ ਵਾਰ ਹੀ ਮੇਰਾ ਬ੍ਰੇਕਅਪ ਹੋਇਆ ਹੈ। ਉਸਨੇ ਕਿਹਾ ਕਿ ਅੱਜ ਦੀ ਜ਼ਿੰਦਗੀ ਕਾਫੀ ਗਤੀਸ਼ੀਲ ਹੋ ਗਈ ਹੈ ਅਤੇ ਲੋਕ ਚਾਹੁੰਦੇ ਹਨ ਕਿ ਉਨ੍ਹਾਂ ਨੂੰ ਚੀਜਾਂ ਤੋਂ ਤੁਰੰਤ ਛੁਟਕਾਰਾ ਮਿਲ ਜਾਵੇ ਪਰ ਮੈਨੂੰ ਲੱਗਦਾ ਹੈ ਕਿ ਬ੍ਰੇਕਅਪ ਵਰਗੀਆਂ ਚੀਜਾਂ ਨਾਲ ਨਜਿੱਠਣ ਲਈ ਤੁਹਾਨੂੰ ਸਮਾਂ ਦੇਣਾ ਹੋਵੇਗਾ।

Tags: ਡੀਅਰ ਜ਼ਿੰਦਗੀਆਲੀਆ ਭੱਟਛੁੱਟੀਆਂAlia bhattholidaydear zindagi