ਮੁੰਬਈ(ਬਿਊਰੋ)— ਧਰਮਾ ਪ੍ਰੋਡਕਸ਼ਨ ਦੇ ਬੈਨਰ ਹੇਠ 'ਸਟੂਡੈਂਟ ਆਫ ਦਿ ਈਅਰ 2' ਨਾਲ ਚੰਕੀ ਪਾਂਡੇ ਦੀ ਬੇਟੀ ਅਨੰਨਿਆ ਅਤੇ ਟੀ. ਵੀ. ਅਦਾਕਾਰਾ ਤਾਰਾ ਸੁਤਾਰੀਆ ਇਸ ਸਾਲ ਬਾਲੀਵੁੱਡ ਡੈਬਿਊ ਕਰ ਰਹੀਆਂ ਹਨ। ਹਾਲ ਹੀ 'ਚ ਫਿਲਮ ਦੇ ਫਰਸਟ ਲੁੱਕ ਵੀ ਆ ਚੁੱਕੇ ਹਨ।
ਉਂਝ ਕੁਝ ਸਮੇਂ ਪਹਿਲਾਂ ਸਲਮਾਨ ਖਾਨ ਦੀ ਭਾਣਜੀ ਐਲੀਜ਼ਾ ਅਗਨੀਹੋਤਰੀ ਨੂੰ ਲੈ ਕੇ ਵੀ ਅਜਿਹੀਆਂ ਹੀ ਖਬਰਾਂ ਆਈਆਂ ਸਨ ਕਿ ਉਹ ਜਲਦ ਬਾਲੀਵੁੱਡ 'ਚ ਡੈਬਿਊ ਕਰ ਸਕਦੀ ਹੈ ਹਾਲਾਂਕਿ ਇਸ 'ਤੇ ਕੋਈ ਆਫੀਸ਼ੀਅਲ ਅਨਾਊਸਮੈਂਟ ਨਹੀਂ ਹੋਈ।
ਸਲਮਾਨ ਦੇ ਪ੍ਰਸ਼ੰਸਕ ਉਨ੍ਹਾਂ ਦੇ ਪਰਿਵਾਰ ਦੇ ਵਧੇਰੇ ਮੈਂਬਰਾਂ ਨੂੰ ਜਾਣਦੇ ਹਨ।
ਉਨ੍ਹਾਂ ਦੇ ਪਿਤਾ ਸਲੀਮ ਅਤੇ ਭਰਾ ਅਰਬਾਜ਼, ਸੋਹੇਲ ਨਾਲ ਭੈਣ ਅਲਵੀਰਾ ਅਤੇ ਅਰਪਿਤਾ ਕਿਸੇ ਪਛਾਣ ਦੀ ਮੋਹਤਾਜ਼ ਨਹੀਂ ਹਨ ਪਰ ਹੁਣ ਉਨ੍ਹਾਂ ਦੀ ਭਾਣਜੀ ਐਲੀਜ਼ਾ ਵੀ ਆਪਣੇ ਗਲੈਮਰਸ ਲੁੱਕ ਕਾਰਨ ਸੁਰਖੀਆਂ 'ਚ ਆਉਣ ਲੱਗੀ ਹੈ।
ਸਲਮਾਨ ਦੀ ਇਸ ਭਾਣਜੀ ਨੂੰ ਫੋਟੋ ਖਿਚਵਾਉਣ ਦਾ ਬਹੁਤ ਸ਼ੌਕ ਹੈ। ਐਲੀਜ਼ਾ ਦਾ ਇੰਸਟਾਗਰਾਮ ਉਨ੍ਹਾਂ ਦੀਆਂ ਸਟਾਈਲਿਸ਼ ਤਸਵੀਰਾਂ ਨਾਲ ਭਰਿਆ ਹੋਇਆ ਹੈ।
ਸਲਮਾਨ ਦੀ ਭੈਣ ਅਲਵੀਰਾ ਖਾਨ ਦਾ ਵਿਆਹ ਐਕਟਰ-ਨਿਰਮਾਤਾ ਅਤੁੱਲ ਅਗਨੀਹੋਤਰੀ ਨਾਲ ਹੋਇਆ ਹੈ।
ਐਲੀਜ਼ਾ ਇਨ੍ਹਾਂ ਦੀ ਹੀ ਵੱਡੀ ਬੇਟੀ ਹੈ। ਦੋਹਾਂ ਦਾ ਇਕ ਬੇਟਾ ਅਯਾਨ ਅਗਨੀਹੋਤਰੀ ਹੈ।
ਐਲੀਜ਼ਾ ਫਿਲਹਾਲ ਪੜ੍ਹਾਈ ਕਰ ਰਹੀ ਹੈ।
ਉਨ੍ਹਾਂ ਨੂੰ ਅਕਸਰ ਫ੍ਰੈਂਡਸ ਨਾਲ ਮਸਤੀ ਕਰਦੇ ਹੋਏ ਦੇਖਿਆ ਜਾਂਦਾ ਹੈ।
ਹਾਲਾਂਕਿ ਉਹ ਮੀਡੀਆ ਦੀ ਲਾਈਮਲਾਈਟ ਤੋਂ ਦੂਰ ਹੀ ਰਹਿੰਦੀ ਹੈ।