ਮੁੰਬਈ(ਬਿਊਰੋ)— ਬਾਲੀਵੁੱਡ ਅਤੇ ਟੀ.ਵੀ. ਇੰਡਸਟਰੀ 'ਚ ਇਨ੍ਹੀਂ ਦਿਨੀਂ ਵਿਆਹਾਂ ਦਾ ਦੌਰ ਚੱਲ ਰਿਹਾ ਹੈ। ਇਸ ਸਾਲ ਕਈ ਬਾਲੀਵੁੱਡ ਅਤੇ ਟੀ.ਵੀ. ਸਿਤਾਰੇ ਵਿਆਹ ਦੇ ਬੰਧਨ 'ਚ ਬੱਝੇ ਹਨ। ਅਜਿਹੀ ਹਾਲਤ 'ਚ ਬਾਲੀਵੁੱਡ ਦੀ ਫੇਮਸ ਸਿੰਗਰ ਅਲਕਾ ਯਾਗਨਿਕ ਦੀ ਧੀ ਕਿਵੇਂ ਪਿੱਛੇ ਰਹਿ ਸਕਦੀ ਸੀ। ਅਲਕਾ ਯਾਗਨਿਕ ਦੇ ਧੀ ਨੇ ਹਾਲ ਹੀ 'ਚ ਵਿਆਹ ਕਰਵਾ ਲਿਆ ਹੈ। ਇਹ ਵਿਆਹ ਉਨ੍ਹਾਂ ਨੇ ਬੀਤੇ ਬੁੱਧਵਾਰ ਨੂੰ ਕੀਤਾ। ਸਾਇਸ਼ਾ ਨੇ ਆਪਣੇ ਬੁਆਏਫਰੈਂਡ ਅਮਿਤ ਦੇਸਾਈ ਨਾਲ ਵਿਆਹ ਕਰਵਾ ਲਿਆ ਹੈ। ਵਿਆਹ 'ਚ ਸਾਇਸ਼ਾ ਲਾਲ ਰੰਗ ਦੇ ਲਹਿੰਗੇ 'ਚ ਕਾਫੀ ਖੂਬਸੂਰਤ ਲੱਗ ਰਹੀ ਸੀ। ਇਸ ਦੇ ਨਾਲ ਹੀ ਅਲਕਾ ਨੇ ਆਪਣੀ ਧੀ ਦੇ ਵਿਆਹ 'ਚ ਇਕ ਭਾਵੁਕ ਗੀਤ ਵੀ ਗਾਇਆ। ਦੱਸ ਦੇਈਏ ਕਿ ਸਾਇਸ਼ਾ ਦੀ ਪ੍ਰੀ-ਵੈਡਿੰਗ ਪ੍ਰੋਗਰਾਮ 10 ਅਤੇ 11 ਦਸੰਬਰ ਨੂੰ ਹੋਏ ਸਨ। ਇਸ ਦੌਰਾਨ ਸਾਇਸ਼ਾ ਦੀ ਹਲਦੀ ਅਤੇ ਮਹਿੰਦੀ ਸੈਰੇਮਨੀ ਵੀ ਹੋਈ। ਦੱਸ ਦੇਈਏ ਕਿ ਪਿੱਛਲੇ ਸਾਲ ਕ੍ਰਿਸਮਸ ਵਾਲੇ ਦਿਨ ਸਾਇਸ਼ਾ ਅਤੇ ਅਮਿਤ ਦੀ ਰਿੰਗ ਸੈਰੇਮਨੀ ਹੋਈ ਸੀ। ਮਾ ਅਲਕਾ ਦੇ ਬਾਲੀਵੁੱਡ 'ਚ ਲੰਬੇ ਸਮੇਂ ਤੱਕ ਹਿੱਟ ਰਹਿਣ ਤੋਂ ਬਾਅਦ ਵੀ ਸਾਇਸ਼ਾ ਨੇ ਫਿਲਮ ਜਗਤ ਤੋਂ ਦੂਰੀ ਬਣਾਈ ਰੱਖੀ। ਇਕ ਵਾਰ ਸਿੰਗਿੰਗ ਦੀ ਟ੍ਰੇਨਿੰਗ ਵੀ ਲਈ ਪਰ ਮਨ ਨਹੀਂ ਮੰਨਿਆ। ਸਾਇਸ਼ਾ ਨੇ ਲੰਡਨ ਆਫ ਮਾਰਕੇਟਿੰਗ ਤੋਂ ਐੱਮ.ਬੀ.ਏ. ਕੀਤੀ ਹੈ। ਉੱਥੇ ਹੀ ਦੂਜੇ ਪਾਸੇ ਗਾਇਕਾ ਅਲਕਾ ਨੇ ਸ਼ਿਲਾਂਗ ਬੇਸਡ ਬਿੱਜਨਸਮੈਨ ਨੀਰਜ਼ ਕਪੂਰ ਨਾਲ 1989 'ਚ ਵਿਆਹ ਕੀਤਾ ਸੀ ਪਰ ਵਿਆਹ ਦੇ 26 ਸਾਲ ਹੋਣ ਦੇ ਬਾਅਦ ਦੋਵੇਂ ਵੱਖ ਹੋ ਕੇ ਰਹਿ ਰਹੇ ਹਨ। ਦੋਵਾਂ ਦੇ ਵੱਖ ਰਹਿਣ ਦਾ ਕਾਰਨ ਕੋਈ ਲੜਾਈ ਜਾਂ ਤਲਾਕ ਨਹੀਂ ਹੈ ਸਗੋਂ ਦੋਵੇਂ ਕੰਮ ਨੂੰ ਲੈ ਕੇ ਅਜਿਹਾ ਕਰ ਰਹੇ ਹਨ।