ਮੁੰਬਈ (ਬਿਊਰੋ) - ਬਾਲੀਵੁੱਡ ਮਹਾਨਾਇਕ ਅਮਿਤਾਬ ਬੱਚਨ ਨੂੰ ਵੀ ਮੁੰਬਈ ਦੇ ਮੀਂਹ ਨੇ ਬੇਹਾਲ ਕਰ ਦਿੱਤਾ ਹੈ ਕਿਉਂਕਿ ਜੁਹੂ 'ਚ ਬਣੇ ਉਨ੍ਹਾਂ ਦੇ ਬੰਗਲੇ 'ਚ ਮੀਂਹ ਦਾ ਪਾਣੀ ਵੜ੍ਹ ਆਇਆ ਹੈ, ਜਿਸ ਸੜਕ ਦੇ ਕਿਨਾਰੇ 'ਤੇ ਬਿੱਗ ਬੀ ਦਾ ਘਰ ਹੈ ਉਹ ਸੜਕ ਜਲ-ਥਲ ਨਾਲ ਇਕ ਹੋ ਗਈ ਹੈ। ਅਮਿਤਾਬ ਬੱਚਨ ਦੇ ਘਰ 'ਚ ਪਾਣੀ ਵੜਣ ਦਾ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਦੇ ਵਾਇਰਲ ਹੋਣ ਤੋਂ ਬਾਅਦ ਅਮਿਤਾਬ ਦੇ ਪ੍ਰਸ਼ੰਸਕ ਇਹ ਕਹਿ ਰਹੇ ਹਨ ਕਿ ਘਰ ਸਾਰੇ ਠੀਕ ਹਨ ਜਾਂ ਨਹੀਂ। ਇਸ ਕੁਮੈਂਟ ਤੋਂ ਬਾਅਦ ਅਮਿਤਾਬ ਬੱਚਨ ਦੇ ਪ੍ਰਸ਼ੰਸਕਾਂ ਨੂੰ ਉਨ੍ਹਾਂ ਦੇ ਜ਼ਵਾਬ ਦਾ ਇੰਤਜ਼ਾਰ ਹੈ।
ਦੱਸ ਦਈਏ ਕਿ ਅਦਾਕਾਰ ਅਰਜੁਨ ਰਾਮਪਾਲ ਨੇ ਵੀ ਮੀਂਹ ਦਾ ਇਕ ਵੀਡੀਓ ਸ਼ੇਅਰ ਕੀਤਾ ਹੈ। ਅਰਜੁਨ ਨੇ ਵੀਡੀਓ ਸ਼ੇਅਰ ਕਰਦੇ ਹੋਏ ਲਿਖਿਆ ਹੈ ''ਸਿਰਫ ਭਾਰਤੀ ਹੀ ਇਸ ਮੌਸਮ 'ਚ ਖੁਦ ਨੂੰ ਬਚਾਅ ਸਕਦੇ ਹਨ, ਸੁਰੱਖਿਅਤ ਰਹੋ ਤੇ ਭਾਰਤੀਆਂ ਵਾਂਗ ਡਰਾਈਵ ਕਰੋ।''
ਦੱਸਣਯੋਗ ਹੈ ਕਿ ਅਮਿਤਾਬ ਬੱਚਨ ਜਲਦ ਹੀ ਫਿਲਮ 'ਬ੍ਰਹਮਾਸਤਰ' 'ਚ ਨਜ਼ਰ ਆਉਣ ਵਾਲੇ ਹਨ। ਇਸ ਤੋਂ ਇਲਾਵਾ ਉਹ ਫਿਲਮ 'ਗੁਲਾਬੋ ਸਿਤਾਬੋ' 'ਚ ਵੀ ਅਦਾਕਾਰੀ ਕਰਦੇ ਦਿਸਣਗੇ।