ਮੁੰਬਈ(ਬਿਊਰੋ)- ਮੁੰਬਈ ਵਿਚ ਹੋਏ ਅੱਤਵਾਦੀ ਹਮਲੇ ਨੂੰ ਬੀਤੇ ਦਿਨ ਯਾਨੀ ਮੰਗਲਵਾਰ ਨੂੰ 11 ਸਾਲ ਹੋ ਗਏ। ਇਨ੍ਹੇ ਸਾਲਾਂ ਬਾਅਦ ਵੀ ਉਹ ਭਿਆਨਕ ਮੰਜ਼ਰ ਅੱਜ ਵੀ ਲੋਕਾਂ ਦੀ ਯਾਦ ਵਿਚ ਤਾਜ਼ਾ ਹੈ। 26 / 11 ਨੂੰ ਇਸ ਦੀ ਬਰਸੀ ਮੌਕੇ ’ਤੇ ਹਰ ਕੋਈ ਭਾਵੁਕ ਹੋ ਗਿਆ। ਇਸ ਅੱਤਵਾਦੀ ਹਮਲੇ ਵਿਚ ਕਈ ਮਾਸੂਮ ਲੋਕਾਂ ਨੇ ਆਪਣੀ ਜਾਨ ਗੁਆਈ ਸੀ। ਮੁੰਬਈ ਵਿਚ ਉਨ੍ਹਾਂ ਦੀ ਯਾਦ ਵਿਚ ਮੰਗਲਵਾਰ ਨੂੰ ਇਕ ਪਰੋਗ੍ਰਾਮ ਆਯੋਜਿਤ ਕੀਤਾ ਗਿਆ, ਜਿੱਥੇ ਅਮਿਤਾਭ ਬੱਚਨ ਨੇ ਵੀ ਪ੍ਰਫਾਰਮ ਕੀਤਾ। ਇਸ ਪਰੋਗ੍ਰਾਮ ਵਿਚ ਸ਼ਹੀਦਾਂ ਦੀ ਬਹਾਦਰੀ ਨੂੰ ਯਾਦ ਕੀਤਾ ਗਿਆ ਜਿਸ ਨੂੰ ਸੁਣ ਕੇ ਸਭ ਦੀ ਅੱਖਾਂ ਨਮ ਹੋ ਗਈਆਂ। ਇਸ ਪਰੋਗ੍ਰਾਮ ਵਿਚ ਵੱਖ-ਵੱਖ ਖੇਤਰਾਂ ਦੀਆਂ ਦਿੱਗਜ ਹੱਸਤੀਆਂ ਸ਼ਾਮਿਲ ਸਨ। ਅਭਿਸ਼ੇਕ ਬੱਚਨ ਅਤੇ ਐਸ਼ਵਰਿਆ ਰਾਏ ਨੇ ਵੀ ਇਸ ਪਰੋਗ੍ਰਾਮ ਵਿਚ ਹਿੱਸਾ ਲਿਆ। ਉਥੇ ਹੀ ਬਿੱਗ ਬੀ ਅਮਿਤਾਭ ਬੱਚਨ ਨੇ ਰੰਗ-ਮੰਚ ’ਤੇ ਦਿਲ ਛੂਹ ਲੈਣ ਵਾਲੀ ਪ੍ਰਫਾਰਮੈਂਸ ਦਿੱਤੀ।