ਮੁੰਬਈ (ਬਿਊਰੋ) — ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਲਗਜ਼ਰੀ ਕਾਰਾਂ ਦੇ ਸ਼ੌਕੀਨ ਹਨ। ਬਿੱਗ ਹੀ ਦੇ ਕਾਰ ਕਲੈਕਸ਼ਨ 'ਚ ਮਰਸਡੀਜ਼ ਬੇਂਜ ਜੀ. ਐੱਲ. ਐੱਸ. ਯੂ. ਵੀ, ਬੈਨਟਲੇ ਆਰਨੇਜ. ਆਰ, ਬੀ. ਐੱਮ. ਡਬਲਯੂ 7 ਸੀਰੀਜ਼ 760 ਐੱਲ. ਆਈ, ਲੈਕਸਸ, ਮਿਨੀ ਕਪੂਰ ਐੱਸ, ਰੇਂਜ ਰੋਵਰ ਵਰਗੀਆਂ ਲਗਜ਼ਰੀਆਂ ਗੱਡੀਆਂ ਹਨ।
ਹੁਣ ਉਨ੍ਹਾਂ ਨੇ ਇਕ ਹੋਰ ਨਵੀਂ ਕਾਰ ਆਪਣੇ ਕਲੈਕਸ਼ਨ 'ਚ ਜੋੜ ਲਈ ਹੈ। ਇਸ ਗੱਡੀ ਦਾ ਨਾਂ ਮਰਸਡੀਜ਼ ਬੇਂਜ ਵੀ-ਕਲਾਸ ਹੈ। ਇਹ ਕਾਰ ਇੰਡੀਆ 'ਚ ਇਸੇ ਸਾਲ ਜਨਵਰੀ 'ਚ ਲਾਂਚ ਹੋਈ ਸੀ, ਜਿਸ ਨੂੰ ਬਿੱਗ ਬੀ ਨੇ ਖਰੀਦ ਲਿਆ ਹੈ। ਇਸ ਕਾਰ ਦੀ ਡਿਲੀਵਰੀ ਲੈਂਦੇ ਹੋਏ ਬਿੱਗ ਬੀ ਦੀਆਂ ਤਸਵੀਰਾਂ ਵੀ ਸਾਹਮਣੇ ਆਈਆਂ ਹਨ। ਇਸ ਦੀ ਕੀਮਤ 68.4 ਲੱਖ ਤੋਂ 81.9 ਦੇ ਵਿਚਕਾਰ ਹੁੰਦੀ ਹੈ।
ਕੁਝ ਦਿਨ ਪਹਿਲਾ ਵੇਚੀ ਸੀ ਲਗਜ਼ਰੀ ਗੱਡੀ
ਬਿੱਗ ਬੀ ਨੇ ਕੁਝ ਦਿਨ ਪਹਿਲੇ ਹੀ ਆਪਣੀ ਰੋਲਸ ਰਾਇਲ ਫੈਂਟਸ ਕਾਰ ਵੇਚ ਦਿੱਤੀ ਸੀ। ਮੀਡੀਆ ਰਿਪੋਰਟਰਸ ਮੁਤਾਬਕ, 3.5 ਕਰੋੜ ਦੀ ਕੀਮਤ ਵਾਲੀ ਇਹ ਕਾਰ ਬਿੱਗ ਬੀ ਨੇ ਮੈਸੂਰ ਦੇ ਇਕ ਬਿਜ਼ਨੈੱਸਮੈਨ ਰੁਮਾਨ ਖਾਨ ਨੂੰ ਵੇਚੀ ਸੀ। ਬਿੱਗ ਬੀ ਨੂੰ ਇਹ ਕਾਰ ਪ੍ਰੋਡਿਊਸਰ ਵਿਧੁ ਵਿਨੋਦ ਚੋਪੜਾ ਨੇ ਸਾਲ 2007 'ਚ ਫਿਲਮ 'ਏਕਲਵਯ' ਦੀ ਸ਼ੂਟਿੰਗ ਦੌਰਾਨ ਤੋਹਫੇ 'ਚ ਦਿੱਤੀ ਸੀ।
ਦਰਅਸਲ ਫਿਲਮ 'ਚ ਅਮਿਤਾਭ ਬੱਚਨ ਦੀ ਐਕਟਿੰਗ ਤੋਂ ਖੁਸ਼ ਹੋ ਕੇ ਵਿਧੁ ਨੇ ਉਨ੍ਹਾਂ ਨੂੰ ਇਹ ਕਾਰ ਤੋਹਫੇ 'ਚ ਦਿੱਤੀ ਸੀ। ਫੈਂਟਮ ਵੀ. ਆਈ. ਸੀਰੀਜ਼ 2003 'ਚ ਲਾਂਚ ਹੋਈ ਸੀ ਪਰ ਸਾਲ 2017 'ਚ ਕੰਪਨੀ ਨੇ ਇਸ ਨੂੰ ਬੰਦ ਕਰ ਦਿੱਤਾ। ਇਸ ਦੇ 10,000 ਮਾਡਲਸ ਮਾਰਕਿਟ 'ਚ ਉਤਾਰੇ ਗਏ ਸਨ।