ਮੁੰਬਈ(ਬਿਊਰੋ)— ਪ੍ਰੋਡਿਊਸਰ ਤੇ ਲੰਬੇ ਸਮੇਂ ਤੱਕ ਅਮਿਤਾਭ ਬੱਚਨ ਦੇ ਸਕੱਤਰ ਰਹੇ ਸ਼ੀਤਲ ਜੈਨ ਦਾ ਅੰਤਮ ਸਸਕਾਰ ਸ਼ਨੀਵਾਰ ਸ਼ਾਮ ਵਿਲੇ ਪਾਰਲੇ ਸਥਿਤ ਪਵਨ ਹੰਸ ਸ਼ਮਸ਼ਾਨ ਭੂਮੀ 'ਤੇ ਕੀਤਾ ਗਿਆ। ਉਨ੍ਹਾਂ ਨੂੰ ਅੰਤਮ ਵਿਦਾਈ ਦੇਣ ਬਿੱਗ ਬੀ ਦੇ ਬੇਟੇ ਅਭਿਸ਼ੇਕ ਅਤੇ ਨੂੰਹ ਐਸ਼ਵਰਿਆ ਵੀ ਪਹੁੰਚੀ। ਸ਼ਨੀਵਾਰ ਨੂੰ ਬਿੱਗ ਬੀ ਨੇ ਭਾਵੁਕ ਬਲਾਗ 'ਚ ਲਿਖਿਆ। ਦੱਸ ਦੇਈਏ ਕਿ ਸ਼ੀਤਲ ਕਰੀਬ 40 ਸਾਲ ਤੋਂ ਅਮਿਤਾਭ ਨਾਲ ਕੰਮ ਕਰ ਰਹੇ ਸਨ। ਉਨ੍ਹਾਂ ਨੇ ਅਮਿਤਾਭ ਅਤੇ ਗੋਵਿੰਦਾ ਦੀ 1998 'ਚ ਆਈ ਫਿਲਮ 'ਬੜੇ ਮੀਆਂ ਛੋਟੇ ਮੀਆਂ' ਦਾ ਨਿਰਮਾਣ ਵੀ ਕੀਤਾ ਸੀ। ਅਮਿਤਾਭ ਨੇ ਸ਼ੀਤਲ ਨੂੰ ਇਕ ਸਾਦਗੀਪੂਰਨ ਵਿਅਕਤੀ ਦੱਸਿਆ। ਉਨ੍ਹਾਂ ਲਿਖਿਆ ਕਿ ਸ਼ੀਤਲ ਨੇ 40 ਸਾਲ ਤਕ ਮੇਰੇ ਕੰਮ ਦਾ ਬੋਝ ਚੁੱਕਿਆ। ਉਨ੍ਹਾਂ ਦੇ ਜਾਣ ਨਾਲ ਮੇਰੇ ਦਫਤਰ 'ਚ ਇਕ ਸੁੰਨਾਪਨ ਆ ਗਿਆ ਹੈ। ਅਨੁਪਮ ਖੇਰ ਅਤੇ ਮਧੁਰ ਭੰਡਾਰਕਰ ਨੇ ਵੀ ਟਵੀਟ ਕਰ ਕੇ ਸ਼ੀਤਲ ਦੇ ਦਿਹਾਂਤ ਦਾ ਅਫਸੋਸ ਕੀਤਾ।