ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਅਮਾਇਰਾ ਦਸਤੂਰ ਆਪਣੀ ਹਾਲ ਹੀ 'ਚ ਰਿਲੀਜ਼ ਹੋਈ ਫਿਲਮ 'ਕਾਲਾਕਾਂਡੀ' ਕਾਰਨ ਅੱਜਕਲ ਚਰਚਾ 'ਚ ਹੈ। ਉਹ ਇਸ ਫਿਲਮ 'ਚ ਕਾਫੀ ਗਲੈਮਰਸ ਦਿਖ ਰਹੀ ਹੈ। ਅਮਾਇਰਾ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਕਿ ਉਹ ਪਹਿਲਾਂ ਇੰਨੀ ਸ਼ਰਮੀਲੀ ਸੀ ਕਿ ਸ਼ੂਟਿੰਗ ਦੇ ਸਮੇਂ ਆਪਣੇ ਸਹਿ-ਅਦਾਕਾਰ ਨਾਲ ਗੱਲ ਵੀ ਨਹੀਂ ਕਰ ਪਾਉਂਦੀ ਸੀ।
ਅਮਾਇਰਾ ਇਮਰਾਨ ਹਾਸ਼ਮੀ ਨਾਲ ਫਿਲਮ 'ਮਿ. ਐਕਸ' 'ਚ ਨਜ਼ਰ ਆ ਚੁੱਕੀ ਹੈ। ਉਸ ਸਮੇਂ ਫਿਲਮ ਦੀ ਸ਼ੂਟਿੰਗ ਦੌਰਾਨ ਅਮਾਇਰਾ ਨੇ ਸੈੱਟ 'ਤੇ ਇਕ ਹਫਤੇ ਤੱਕ ਇਮਰਾਨ ਨਾਲ ਗੱਲ ਤੱਕ ਨਹੀਂ ਕੀਤੀ ਸੀ। ਉਹ ਸੈੱਟ 'ਤੇ ਆਉਂਦੀ ਤੇ ਸ਼ੂਟਿੰਗ ਕਰ ਕੇ ਚਲੀ ਜਾਂਦੀ ਸੀ। ਇਸ ਗੱਲ ਦਾ ਜ਼ਿਕਰ ਖੁਦ ਅਮਾਇਰਾ ਨੇ ਇਕ ਇੰਟਰਵਿਊ ਦੌਰਾਨ ਕੀਤਾ। ਬਾਅਦ 'ਚ ਅਮਾਇਰਾ ਨੇ ਫਿਲਮ 'ਚ ਇਮਰਾਨ ਨਾਲ ਕਈ ਇੰਟੀਮੇਟ ਸੀਨ ਵੀ ਦਿੱਤੇ।
ਇਮਰਾਨ ਨਾਲ ਉਨ੍ਹਾਂ ਦਾ ਕਿੱਸ ਸੀਨ ਕਾਫੀ ਵਾਇਰਲ ਹੋਇਆ ਸੀ। ਇਸ ਦਾ ਜ਼ਿਕਰ ਅਮਾਇਰਾ ਨੇ ਇਕ ਇੰਟਰਵਿਊ ਦੌਰਾਨ ਕੀਤਾ ਸੀ। ਉਨ੍ਹਾਂ ਨੇ ਕਿਹਾ, ''ਮੈਂ ਇਮਰਾਨ ਦੇ ਲੁੱਕ, ਉਨ੍ਹਾਂ ਦੀ ਫਿਲਮ ਤੇ ਉਨ੍ਹਾਂ ਨੇ ਗੀਤਾਂ ਦੀ ਫੈਨ ਸੀ ਪਰ ਮੈਂ ਉਨ੍ਹਾਂ ਤੋਂ ਬੇਹੱਦ ਸ਼ਰਮਾਉਂਦੀ ਸੀ। ਅਮਾਇਰਾ ਨੇ ਅੱਗੇ ਕਿਹਾ ਕਿ, ''ਸ਼ੁਰੂਆਤ 'ਚ ਮੈਂ ਲੰਬੇ ਸਮੇਂ ਤੱਕ ਇਮਰਾਨ ਨਾਲ ਗੱਲ ਤੱਕ ਨਹੀਂ ਕੀਤੀ।
ਮੈਂ ਉਨ੍ਹਾਂ ਨੂੰ ਦੇਖਦੀ ਤੇ ਉਨ੍ਹਾਂ ਨੂੰ ਸਿਰਫ ਹਾਏ ਹੈਲੋ ਕਰ ਕੇ ਚਲੀ ਜਾਂਦੀ। ਕਰੀਬ ਇਕ ਹਫਤੇ ਬਾਅਦ ਮੈਂ ਉਨ੍ਹਾਂ ਨਾਲ ਗੱਲ ਕੀਤੀ। ਅਮਾਇਰਾ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ 16 ਸਾਲ ਦੀ ਉਮਰ 'ਚ ਮਾਡਲ ਦੇ ਰੂਪ 'ਚ ਕੀਤੀ ਸੀ। ਉਹ ਕਈ ਟੀ. ਵੀ. ਵਿਗਿਆਪਨਾਂ 'ਚ ਨਜ਼ਰ ਆਈ। 2013 'ਚ ਉਨ੍ਹਾਂ ਨੇ 'ਇਸ਼ਕ' ਨਾਲ ਡੈਬਿਊ ਕੀਤਾ ਸੀ।