ਮੁੰਬਈ(ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਸੋਨਮ ਕਪੂਰ ਦੇ ਵਿਆਹ ਨੂੰ ਅੱਜ ਯਾਨੀ 8 ਮਈ ਨੂੰ ਇਕ ਸਾਲ ਹੋ ਗਿਆ ਹੈ। ਸੋਨਮ ਨੇ ਸਾਲ 2018 'ਚ ਆਪਣੇ ਬੁਆਏਫਰੈਂਡ ਆਨੰਦ ਆਹੂਜਾ ਨਾਲ ਵਿਆਹ ਕੀਤਾ ਸੀ। ਇਹ ਵਿਆਹ ਇੰਡਸਟਰੀ ਦੇ ਸਭ ਤੋਂ ਮਸ਼ਹੂਰ ਵਿਆਹਾਂ 'ਚੋਂ ਇਕ ਸੀ। ਸੋਨਮ ਅਤੇ ਆਨੰਦ ਦਾ ਵਿਆਹ ਮੁੰਬਈ 'ਚ ਹੋਇਆ ਸੀ। ਜਿਸ 'ਚ ਕਈ ਬਾਲੀਵੁੱਡ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ ਸੀ। ਸੋਨਮ ਤੇ ਆਨੰਦ ਆਏ ਦਿਨ ਇਕ-ਦੂਜੇ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸ਼ੇਅਰ ਕਰਦੇ ਰਹਿੰਦੇ ਹਨ। ਹਾਲ ਹੀ 'ਚ ਦੋਵਾਂ ਦੀਆਂ ਕੁਝ ਤਸਵੀਰਾਂ ਵਾਇਰਲ ਹੋਈਆਂ ਸਨ। ਜੋ ਫੈਨਜ਼ ਵੱਲੋਂ ਕਾਫੀ ਪਸੰਦ ਵੀ ਕੀਤੀਆਂ ਗਈਆਂ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਵਰ੍ਹੇਗੰਢ 'ਤੇ ਉਨ੍ਹਾਂ ਦੀ ਲਵ ਸਟੋਰੀ ਬਾਰੇ ਦੱਸਣ ਜਾ ਰਹੇ ਹਾਂ। ਕੁਝ ਇਸ ਤਰ੍ਹਾਂ ਹੋਈ ਸੀ ਦੋਵਾਂ ਦੀ ਲਵ ਸਟੋਰੀ ਦੀ ਸ਼ੁਰੂਆਤ ਸਾਲ 2014 'ਚ ਸੋਨਮ ਅਤੇ ਆਨੰਦ ਦੀ ਮੁਲਾਕਾਤ ਦੋਵਾਂ ਦੀ ਕਾਮਨ ਫਰੈਂਡ ਪਰਨਿਆ ਰਾਹੀਂ ਹੋਈ ਸੀ। ਪਰਨਿਆ ਦੋਵਾਂ ਦੀ ਵਧੀਆ ਫਰੈਂਡ ਸੀ। ਖਬਰਾਂ ਮੁਤਾਬਕ ਸੋਨਮ ਨਾਲ ਪਹਿਲੀ ਮੁਲਾਕਾਤ ਤੋਂ ਇਕ ਮਹੀਨੇ ਬਾਅਦ ਹੀ ਆਨੰਦ ਨੇ ਸੋਨਮ ਨੂੰ ਪ੍ਰਪੋਜ਼ ਕਰ ਦਿੱਤਾ ਸੀ। ਇੱਥੋਂ ਦੀ ਦੋਵਾਂ ਦੇ ਰਿਸ਼ਤੇ ਦੀ ਸ਼ੁਰੂਆਤ ਹੋਈ ਅਤੇ ਆਖਿਰਕਾਰ ਮਈ 2018 'ਚ ਸੋਨਮ ਅਤੇ ਆਨੰਦ ਵਿਆਹ ਦੇ ਬੰਧਨ 'ਚ ਬੱਝ ਗਏ। ਸੋਨਮ ਨੇ ਇਕ ਇੰਟਰਵਿਊ ਦੌਰਾਨ ਦੱਸਿਆ ਸੀ ਕਿ ਜਦੋਂ ਉਨ੍ਹਾਂ ਨੇ ਆਨੰਦ ਨੂੰ ਡੇਟ ਕਰਨ ਸ਼ੁਰੂ ਕੀਤਾ ਸੀ ਤਾਂ ਉਸ ਤੋਂ 2 ਮਹੀਨੇ ਬਾਅਦ ਉਨ੍ਹਾਂ (ਸੋਨਮ) ਦਾ ਜਨਮਦਿਨ ਸੀ। ਇਸ ਦਿਨ ਆਨੰਦ ਨੇ ਇਕ ਸਰਪ੍ਰਾਈਜ਼ ਪਲਾਨ ਕੀਤਾ। ਉਨ੍ਹਾਂ ਨੇ ਮੁੰਬਈ ਦਾ ਇਕ ਰੈਸਟੋਰੈਂਟ ਬੁੱਕ ਕੀਤਾ ਅਤੇ ਉਨ੍ਹਾਂ (ਸੋਨਮ) ਦੀ ਪਸੰਦ ਮੁਤਾਬਕ ਮੈਨਊ ਅਤੇ ਮਿਊਜ਼ਿਕ ਪਲਾਨ ਕੀਤਾ। ਸੋਨਮ ਨੇ ਦੱਸਿਆ ਕਿ ਜਦੋਂ ਉਹ ਉੱਥੇ ਪਹੁੰਚੀ ਤਾਂ ਆਨੰਦ ਨੇ ਉਨ੍ਹਾਂ ਨੂੰ ਆਪਣੇ ਹੱਥ ਨਾਲ ਲਿਖਿਆ ਹੋਇਆ ਕਾਰਡ ਗਿਫਟ ਕੀਤਾ। ਇਹ ਸਮਾਂ ਬਹੁਤ ਹੀ ਵਧੀਆ ਸੀ। ਇਸ ਤੋਂ ਪਹਿਲਾਂ ਕਿਸੇ ਨੇ ਵੀ ਸੋਨਮ ਲਈ ਅਜਿਹਾ ਕੁਝ ਨਹੀਂ ਕੀਤਾ ਸੀ। ਵਰਕ ਫਰੰਟ ਦੀ ਗੱਲ ਕਰੀਏ ਤਾਂ ਇਨ੍ਹੀਂ ਦਿਨੀਂ ਸੋਨਮ ਫਿਲਮ 'ਜੋਇਆ ਫੈਕਟਰ' 'ਚ ਬਿਜ਼ੀ ਹੈ। ਇਸ ਫਿਲਮ 'ਚ ਉਨ੍ਹਾਂ ਦੇ ਆਓਜਿਟ ਸਾਊਥ ਸਟਾਰ ਦਲਕੀਰ ਸਲਮਾਨ ਹੈ।