ਨਵੀਂ ਦਿੱਲੀ (ਬਿਊਰੋ)— ਬਾਲੀਵੁੱਡ ਅਦਾਕਾਰਾ ਨੇਹਾ ਧੂਪੀਆ ਨੇ ਹਾਲ ਹੀ 'ਚ ਅੰਗਦ ਬੇਦੀ ਨਾਲ ਵਿਆਹ ਕਰਵਾਇਆ ਹੈ। ਦੋਵਾਂ ਨੇ ਆਪਣੇ ਵਿਆਹ ਨੂੰ ਲੈ ਕੇ ਸਾਰਿਆਂ ਤੋਂ ਛੁਪਾਇਆ। ਹਾਲਾਂਕਿ ਵਿਆਹ ਵਾਲੇ ਦਿਨ ਵੀ ਕਿਸੇ ਨੂੰ ਕੋਈ ਖਬਰ ਨਾ ਹੋਈ ਕਿ ਦੋਵੇਂ ਵਿਆਹ ਦੇ ਬੰਧਨ 'ਚ ਬੱਝ ਰਹੇ ਹਨ। ਇੰਨੀ ਦਿਨੀਂ ਦੋਨੋਂ ਆਪਣਾ ਹਨੀਮੂਨ ਵਿਦੇਸ਼ 'ਚ ਮਨਾ ਰਹੇ ਹਨ। ਵਿਆਹ ਤੋਂ ਇਲਾਵਾ ਇਕ ਗੱਲ ਹੋਰ ਦੋਵਾਂ ਨੇ ਸਾਰਿਆਂ ਤੋਂ ਲੁਕਾ ਕੇ ਰੱਖੀ। ਕੋਈ ਨਹੀਂ ਜਾਣਦਾ ਕਿ ਆਖਿਰ ਅੰਗਦ ਤੇ ਨੇਹਾ ਦਾ ਅਫੇਅਰ ਕਦੋਂ ਤੋਂ ਚੱਲ ਰਿਹਾ ਹੈ। ਹਾਲ ਹੀ 'ਚ ਇਕ ਰਿਪੋਰਟ 'ਚ ਦੱਸਿਆ ਗਿਆ ਕਿ ਦੋਵੇਂ ਸਿਰਫ ਇਕ ਸਾਲ ਪਹਿਲਾਂ ਹੀ ਰਿਲੇਸ਼ਨਸ਼ਿਪ 'ਚ ਆਏ ਸਨ ਪਰ ਦੋਨਾਂ ਨੇ ਆਪਣੇ ਅਫੇਅਰ ਨੂੰ ਮੀਡੀਆ ਤੋਂ ਤਾਂ ਕੀ ਕਰੀਬੀਆਂ ਤੇ ਰਿਸ਼ਤੇਦਾਰਾਂ ਤੋਂ ਵੀ ਲੁਕਾ ਕੇ ਰੱਖਿਆ। ਜਦੋਂ ਕਿ ਦੋਵੇਂ ਵਿਆਹ ਲਈ ਸਮਾਂ ਚਾਹੁੰਦੇ ਸਨ। ਇਕ ਸਾਲ ਡੇਟ ਕਰਨ ਤੋਂ ਬਾਅਦ ਦੋਵੇਂ 10 ਮਈ ਨੂੰ ਵਿਆਹ ਦੇ ਬੰਧਨ 'ਚ ਬੱਝ ਗਏ। ਨੇਹਾ ਦੀ ਜਲਦਬਾਜ਼ੀ 'ਚ ਵਿਆਹ ਕਰਨ 'ਤੇ ਲੋਕ ਤਰ੍ਹਾਂ-ਤਰ੍ਹਾਂ ਦੀਆਂ ਗੱਲਾਂ ਕਰ ਰਹੇ ਹਨ ਤੇ ਕਈ ਤਰ੍ਹਾਂ ਦੇ ਸਵਾਲ ਉਠਾ ਰਹੇ ਹਨ। ਕੁਝ ਲੋਕਾਂ ਦਾ ਕਹਿਣਾ ਹੈ ਕਿ ਸ਼ਾਇਦ ਉਹ ਗਰਭਵਤੀ ਹੈ, ਇਸ ਲਈ ਉਸ ਨੇ ਜਲਦਬਾਜ਼ੀ 'ਚ ਵਿਆਹ ਕਰਵਾਇਆ ਹੈ। ਹਾਲਾਂਕਿ ਉਸ ਦੇ ਪਿਤਾ ਨੇ ਇਸ ਗੱਲ ਦਾ ਖੰਡਨ ਕੀਤਾ ਤੇ ਕਿਹਾ, ''ਵਿਆਹ ਜਲਦਬਾਜ਼ੀ 'ਚ ਨਹੀਂ ਹੋਇਆ ਹੈ। ਸਾਰਾ ਕੁਝ ਯੋਜਨਾਵਾਂ ਮੁਤਾਬਕ ਹੋਇਆ ਹੈ। ਪ੍ਰੈਗਨੈਂਸੀ ਵਰਗੀ ਕੋਈ ਗੱਲ ਨਹੀਂ ਹੈ।'' ਦੱਸਣਯੋਗ ਹੈ ਕਿ ਵਿਆਹ ਤੋਂ ਬਾਅਦ ਦੋਵੇਂ ਚੈਰਿਟੀ ਸ਼ੋਅ ਲਈ ਅਮਰੀਕਾ ਨਿਕਲ ਗਏ। ਉਥੋਂ ਉਹ 4-5 ਦਿਨਾਂ ਤੱਕ ਭਾਰਤ ਵਾਪਸ ਪਰਤਨਗੇ। ਦੋਵਾਂ ਨੇ ਬਿਆਨ ਜ਼ਾਰੀ ਕਰ ਕਿਹਾ ਸੀ ਕਿ ਉਹ ਜਲਦ ਮੁੰਬਈ 'ਚ ਆਪਣੇ ਦੋਸਤਾਂ ਤੇ ਸਹਿ-ਕਰਮੀਆਂ ਲਈ ਰਿਸੈਪਸ਼ਨ ਪਾਰਟੀ ਰੱਖੇਗੀ।