ਮੁੰਬਈ(ਬਿਊਰੋ)— ਬਾਲੀਵੁੱਡ ਸਿਤਾਰਿਆਂ ਵਾਂਗ ਉਨ੍ਹਾਂ ਦੇ ਬੱਚੇ ਵੀ ਸੁਰਖੀਆਂ 'ਚ ਰਹਿੰਦੇ ਹਨ। ਸ਼ਾਹਰੁਖ ਖਾਨ ਦਾ ਛੋਟਾ ਬੇਟਾ ਅਬਰਾਮ ਉਦੋਂ ਸੁਰਖੀਆਂ 'ਚ ਆ ਗਿਆ ਜਦੋਂ ਫੋਟੋਗ੍ਰਾਫਰ ਉਸ ਦੀ ਤਸਵੀਰ ਕਲਿੱਕ ਕਰਨ ਲੱਗੇ ਅਤੇ ਉਹ ਮੀਡੀਆ 'ਤੇ ਭੜਕ ਗਿਆ। ਅਬਰਾਹਮ, ਐਸ਼ਵਰਿਆ ਰਾਏ ਬੱਚਨ ਦੀ ਧੀ ਆਰਾਧਿਆ ਦੀ ਜਨਮਦਿਨ ਪਾਰਟੀ 'ਚ ਆਇਆ ਹੋਇਆ ਸੀ। ਇਸ ਦੌਰਾਨ ਜਦੋਂ ਉਹ ਪਾਰਟੀ 'ਚੋਂ ਵਾਪਸ ਜਾ ਰਿਹਾ ਸੀ ਤਾਂ ਮੀਡੀਆ ਨੇ ਉਸ ਨੂੰ ਘੇਰ ਲਿਆ। ਮੀਡੀਆ ਦੀ ਭੀੜ ਨੂੰ ਦੇਖ ਕੇ ਅਬਰਾਮ ਬਹੁਤ ਡਰ ਗਿਆ ਤੇ ਉਹ ਆਪਣਾ ਮੂੰਹ ਲੁਕਾਉਣ ਲੱਗਾ। ਇਸ ਦੇ ਬਾਵਜ਼ੂਦ ਪੱਤਰਕਾਰ ਉਸ ਦੀਆਂ ਤਸਵੀਰਾਂ ਕਲਿੱਕ ਕਰਦੇ ਰਹੇ। ਆਖਰ ਜਦੋਂ ਅਬਰਾਮ ਕਾਰ 'ਚ ਬੈਠਿਆ ਤਾਂ ਉਸ ਨੇ ਗੁੱਸੇ 'ਚ ਮੀਡੀਆ ਨੂੰ ਕਹਿ ਹੀ ਦਿੱਤਾ, 'ਨੋ ਪਿਕਚਰਸ, ਨੋ ਪਿਕਚਰਸ।'
ਦੱਸ ਦੇਈਏ ਕਿ ਇਹ ਪਹਿਲਾ ਮੌਕਾ ਨਹੀਂ ਸੀ ਜਦੋਂ ਸ਼ਾਹਰੁਖ ਖਾਨ ਦੇ ਬੱਚੇ ਮੀਡੀਆ ਨੂੰ ਦੇਖਕੇ ਘਬਰਾਏ ਹੋਣ। ਹਾਲਾਂਕਿ ਇਸ ਤੋਂ ਪਹਿਲਾਂ ਵੀ ਸ਼ਾਹਰੁਖ ਦੀ ਧੀ ਸੁਹਾਨਾ ਖਾਨ ਵੀ ਮੀਡੀਆ ਨੂੰ ਦੇਖਕੇ ਘਬਰਾਈ ਸੀ, ਜਿਸ ਤੋਂ ਬਾਅਦ ਸ਼ਾਹਰੁਖ ਨੇ ਬਿਆਨ ਜਾਰੀ ਕਰਦੇ ਹੋਏ ਕਿਹਾ ਸੀ ਕਿ, ''ਸਾਨੂੰ ਪਤਾ ਹੈ ਕਿ ਮੀਡੀਆ ਨੂੰ ਕਿਸ ਤਰ੍ਹਾਂ ਹੈਡਲ ਕਰਨਾ ਹੈ ਕਿਉਂਕਿ ਉਹ ਪਿਛਲੇ ਕਈ ਸਾਲਾਂ ਤੋਂ ਇਹੀ ਕੰਮ ਕਰਦੇ ਆ ਰਹੇ ਹਨ ਪਰ ਮੇਰੇ ਬੱਚੇ ਅਜੇ ਵੱਡੇ ਹੋ ਰਹੇ ਹਨ। ਉਨ੍ਹਾਂ ਨੂੰ ਨਹੀਂ ਪਤਾ ਕਿ ਮੀਡੀਆ ਨੂੰ ਕਿਸ ਤਰ੍ਹਾਂ ਹੈਂਡਲ ਕਰਨਾ ਹੈ।''