ਮੁੰਬਈ(ਬਿਊਰੋ)- ਬਾਲੀਵੁੱਡ ਅਦਾਕਾਰਾ ਜਾਨਹਵੀ ਕਪੂਰ ਨੇ ਬਾਲੀਵੁੱਡ ਵਿਚ ਅਜੇ ਇਕ ਹੀ ਫਿਲਮ ਕੀਤੀ ਹੈ ਪਰ ਉਹ ਹਮੇਸ਼ਾ ਆਪਣੀ ਲੁੱਕ ਨੂੰ ਲੈ ਕੇ ਚਰਚਾ ਵਿਚ ਰਹਿੰਦੀ ਹੈ। ਆਉਣ ਵਾਲੇ ਸਮੇਂ ਵਿਚ ਉਨ੍ਹਾਂ ਦੀ ਝੋਲੀ ਵਿਚ ਕਈ ਫਿਲਮਾਂ ਹਨ।
ਹਾਲਾਂਕਿ ਇਸ ਤੋਂ ਬਾਅਦ ਵੀ ਉਹ ਆਪਣੀ ਨਿੱਜੀ ਜ਼ਿੰਦਗੀ ਤੇ ਦੋਸਤਾਂ ਨਾਲ ਮੌਜ-ਮਸਤੀ ਕਰਨ ਲਈ ਸਮਾਂ ਕੱਢ ਲੈਂਦੀ ਹੈ। ਹਾਲ ਹੀ ਵਿਚ ਜਾਨਹਵੀ ਬਨਾਰਸ ਵਿਚ ਆਪਣੇ ਦੋਸਤਾਂ ਨਾਲ ਘੁੰਮਦੀ ਨਜ਼ਰ ਆਈ।
ਜਾਨਹਵੀ ਕਪੂਰ ਨੇ ਬਨਾਰਸ ਪਹੁੰਚ ਕੇ ਦੋਸਤਾਂ ਨਾਲ ਗੰਗਾ ਆਰਤੀ ਕੀਤੀ। ਇੰਨਾ ਹੀ ਨਹੀਂ, ਉਹ ਦੋਸਤਾਂ ਨਾਲ ਬਨਾਰਸ ਦੀਆਂ ਸੜਕਾਂ ’ਤੇ ਮਸਤੀ ਨਾਲ ਘੁੰਮਦੀ ਰਹੀ ਅਤੇ ਉਨ੍ਹਾਂ ਨੂੰ ਕੋਈ ਪਛਾਣ ਵੀ ਨਾ ਸਕਿਆ।
ਵਰਕਫਰੰਟ ਦੀ ਗੱਲ ਕਰੀਏ ਤਾਂ ਜਾਨਹਵੀ ਕਪੂਰ ਦੀ ਝੋਲੀ ਵਿਚ ਕਈ ਫਿਲਮਾਂ ਹਨ। ਆਉਣ ਵਾਲੇ ਸਮੇਂ ਵਿਚ ਉਹ ‘ਰੂਹੀ ਆਫਜਾ’, ‘ਦਿ ਕਾਰਗਿਲ ਗਰਲ’, ‘ਦੋਸਤਾਨਾ 2’ ਵਿਚ ਨਜ਼ਰ ਆਵੇਗੀ।
