ਮੁੰਬਈ- ਟਰੇਲਰ ਦੀ ਧਮਾਕੇਦਾਰ ਪ੍ਰਤੀਕਿਰਿਆ ਦੇ ਬਾਅਦ ਫਿਲਮ ਫਿਲੌਰੀ ਦਾ ਪਹਿਲਾ ਗੀਤ 'ਦਮ ਦਮ' ਰਿਲੀਜ਼ ਹੋ ਗਿਆ ਹੈ। ਗੀਤ ਨੂੰ ਕਿਸੇ ਹੋਰ ਨੇ ਨਹੀਂ ਸਗੋਂ ਖੁਦ ਅਨੁਸ਼ਕਾ ਸ਼ਰਮਾ ਨੇ ਟਵਿਟਰ 'ਤੇ ਗੀਤ ਦਾ ਲਿੰਕ ਸ਼ੇਅਰ ਕੀਤਾ ਹੈ। ਨਾਲ ਹੀ ਲਿਖਿਆ ਹੈ,'ਦਮ-ਦਮ, 2017 ਦਾ ਪਹਿਲੀ ਸੂਫੀ ਗੀਤ, ਫਿਲੌਰੀ ਤੋਂ, ਕਿਸ ਤਰ੍ਹਾਂ ਦਾ ਲੱਗਿਆ?' ਇਸ ਗੀਤ ਨੂੰ ਅਨੁਸ਼ਕਾ ਅਤੇ ਦਿਲਜੀਤ ਦੋਸਾਂਝ 'ਤੇ ਫਿਲਮਾਇਆ ਗਿਆ ਹੈ। ਇਸ ਸੂਫੀ ਗੀਤ ਨੂੰ ਸੁਣ ਕੇ ਤੁਹਾਨੂੰ ਬਹੁਤ ਸੁਕੂਨ ਮਿਲੇਗਾ। ਇਸ ਸਾਲ ਦਾ ਇਹ ਪਹਿਲਾ ਸੂਫੀ ਗੀਤ ਹੈ।
ਦੱਸ ਦਈਏ ਕਿ ਇਸ ਗੀਤ ਦੀ ਸ਼ੂਟਿੰਗ ਪੰਜਾਬ 'ਚ ਕੀਤੀ ਗਈ ਹੈ। ਇਸ ਗੀਤ ਨੂੰ ਅਨਵਿਤਾ ਦੱਤਾ ਨੇ ਲਿਖਿਆ ਹੈ। ਰੋਮੀ, ਵਿਵੇਕ ਹਰੀਹਰਨ ਨੇ ਇਸ ਗੀਤ ਨੂੰ ਆਪਣੀ ਆਵਾਜ਼ ਦਿੱਤੀ ਹੈ। ਫਿਲਮ ਦਾ ਟਰੇਲਰ ਕੁਝ ਦਿਨ ਪਹਿਲੇ ਹੀ ਰਿਲੀਜ਼ ਹੋਇਆ ਸੀ, ਜਿਸ 'ਚ ਅਨੁਸ਼ਕਾ ਪੰਜਾਬੀ ਕੁੜੀ ਦੇ ਅਵਤਾਰ 'ਚ ਹੈ ਜੋ ਕਿ ਇਕ ਭੂਤ ਹੈ।