ਮੁੰਬਈ (ਬਿਊਰੋ)— ਅਨੁਸ਼ਕਾ ਸ਼ਰਮਾ 'ਪਰੀ' ਦੇ ਡਰਾਵਨੇ ਲੁੱਕ ਤੋਂ ਬਾਅਦ ਦੇਸੀ ਅੰਦਾਜ਼ ਵਿਚ ਆਪਣੀ ਆਉਣ ਵਾਲੀ ਫਿਲਮ 'ਸੂਈ-ਧਾਗਾ' ਵਿਚ ਦਿਖਾਈ ਦੇਵੇਗੀ। ਇਸ ਫਿਲਮ ਵਿਚ ਉਨ੍ਹਾਂ ਦਾ ਲੁੱਕ ਪਹਿਲਾਂ ਹੀ ਸਾਹਮਣੇ ਆ ਗਿਆ ਹੈ ਪਰ ਹਾਲ ਹੀ ਵਿਚ ਅਨੁਸ਼ਕਾ ਭੋਪਾਲ ਦੇ ਬੱਸ ਸਟੈਂਡ ਪਿੰਕ ਕਲਰ ਦੀ ਸਾੜ੍ਹੀ ਪਹਿਨੇ ਨਜ਼ਰ ਆਈ।
ਅਦਾਕਾਰਾ ਨਾਲ ਟੀਮ ਦੇ ਦੂੱਜੇ ਲੋਕ ਵੀ ਮੌਜ਼ੂਦ ਸਨ ਪਰ ਉਨ੍ਹਾਂ ਦਾ ਲੁੱਕ ਇੰਨਾ ਵੱਖਰਾ ਸੀ ਕਿ ਇਕ ਵਾਰ ਵਿਚ ਪਛਾਣ ਪਾਉਣਾ ਮੁਸ਼ਕਲ ਸੀ ਕਿ ਇਹ ਬਾਲੀਵੁੱਡ ਸਟਾਰ ਅਨੁਸ਼ਕਾ ਸ਼ਰਮਾ ਹਨ। ਫੈਨਸ ਲਈ ਇਸ ਫਿਲਮ ਵਿਚ ਆਪਣੀ ਸਟਾਰ ਨੂੰ ਦੇਖਣਾ ਕਾਫ਼ੀ ਰੋਮਾਂਚਕ ਹੋਵੇਗਾ, ਕਿਉਂਕਿ ਅਨੁਸ਼ਕਾ ਗਲੈਮਰ ਲੁੱਕ ਛੱਡ ਨੋ ਮੇਕਅੱਪ ਲੁੱਕ ਵਿਚ ਪਿੰਡ ਦੀ ਗੋਰੀ ਦੇ ਅੰਦਾਜ਼ ਵਿਚ ਨਜ਼ਰ ਆਵੇਗੀ। ਪਿਛਲੇ ਦਿਨੀਂ ਅਨੁਸ਼ਕਾ ਨੇ ਕੱਪੜੇ 'ਤੇ ਕਢਾਈ ਕਰਦੇ ਹੋਏ ਇਕ ਵੀਡੀਓ ਇੰਸਟਾਗਰਾਮ 'ਤੇ ਸ਼ੇਅਰ ਕੀਤਾ ਸੀ।
'ਸੂਈ ਧਾਗਾ' ਵਿਚ ਪਹਿਲੀ ਵਾਰ ਵਰੁਣ ਅਤੇ ਅਨੁਸ਼ਕਾ ਸ਼ਰਮਾ ਦੀ ਜੋੜੀ ਬਣੀ ਹੈ। ਛੋਟੇ ਸ਼ਹਿਰ 'ਤੇ ਆਧਾਰਿਤ ਇਸ ਫਿਲਮ ਵਿਚ ਵਰੁਣ ਟੇਲਰ ਅਤੇ ਅਨੁਸ਼ਕਾ ਕਢਾਈ ਕਰਨ ਵਾਲੀ ਬਣੀ ਹੋਈ ਹੈ। ਫਿਲਮ ਵਿਚ ਆਪਣੇ ਕਿਰਦਾਰ ਨੂੰ ਦਮਦਾਰ ਬਣਾਉਣ ਲਈ ਦੋਵੇਂ ਹੀ ਸਟਾਰ ਜ਼ਬਰਦਸਤ ਮਿਹਨਤ ਕਰ ਰਹੇ ਹਨ। ਪਿਛਲੇ ਦਿਨੀਂ ਖਬਰ ਆਈ ਸੀ ਕਿ ਐਕਸ਼ਨ ਸੀਨ ਸ਼ੂਟ ਕਰਨ ਦੌਰਾਨ ਵਰੁਣ ਨੂੰ ਸੱਟ ਵੀ ਲੱਗ ਗਈ ਸੀ। ਉਨ੍ਹਾਂ ਨੇ ਸਾਰੇ ਸੀਨ ਖੁਦ ਸ਼ੂਟ ਕੀਤੇ ਹਨ।
ਫਿਲਮ ਸ਼ਰਤ ਕਟਾਰਿਆ ਡਾਇਰੈਕਟ ਕਰ ਰਹੇ ਹਨ। ਫਿਲਮ ਇਸ ਸਾਲ 28 ਸਤੰਬਰ ਨੂੰ ਰਿਲੀਜ਼ ਹੋਵੇਗੀ। ਪਹਿਲੀ ਵਾਰ ਵਰੁਣ ਅਤੇ ਅਨੁਸ਼ਕਾ ਇਕੱਠੇ ਕੰਮ ਕਰ ਰਹੇ ਹਨ। ਕੁਝ ਦਿਨ ਪਹਿਲਾਂ ਦੋਵਾਂ ਦੀ ਤਸਵੀਰ ਸਾਹਮਣੇ ਆਈ ਸੀ, ਜਿਸ ਵਿਚ ਉਹ ਸਕਰਿਪਟ ਪੜ੍ਹਦੇ ਨਜ਼ਰ ਆ ਰਹੇ ਸਨ।