ਮੁੰਬਈ(ਬਿਊਰੋ)— ਬਾਲੀਵੁੱਡ ਸਟਾਰ ਫਿਲਮ ਦੀ ਰਿਲੀਜ਼ਿੰਗ ਤੋਂ ਕੁਝ ਦਿਨ ਪਹਿਲਾਂ ਪ੍ਰਮੋਸ਼ਨ 'ਚ ਇੰਨੇ ਬਿਜ਼ੀ ਹੋ ਜਾਂਦੇ ਹਨ ਕਿ ਉਨ੍ਹਾਂ ਨੂੰ ਆਪਣੀ ਸਿਹਤ ਦਾ ਧਿਆਨ ਹੀ ਨਹੀਂ ਰਹਿੰਦਾ। ਅਜਿਹੇ 'ਚ ਭਾਵੇਂ ਉਹ ਬੀਮਾਰ ਹੀ ਕਿਉਂ ਨਾ ਹੋ ਜਾਣ ਪਰ ਫਿਲਮਾਂ ਨੂੰ ਪੂਰੀ ਮਿਹਨਤ ਨਾਲ ਪ੍ਰਮੋਟ ਕਰਦੇ ਹਨ। ਅਜਿਹਾ ਹੀ ਕੁਝ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨਾਲ ਹੋਇਆ।
ਬਾਲੀਵੁੱਡ ਦੀ 'ਬਬਲੀ ਗਰਲ' ਅਨੁਸ਼ਕਾ ਸ਼ਰਮਾ ਨੂੰ ਬਲਗਿੰਗ ਡਿਸਕ ਦੀ ਪ੍ਰੋਬਲਮ ਹੋ ਗਈ ਹੈ, ਜਿਸ ਕਾਰਨ ਲਗਾਤਾਰ ਉਸ ਦੇ ਸਰੀਰ 'ਚ ਦਰਦ ਹੋ ਰਿਹਾ ਹੈ। ਸਾਰਿਆਂ ਨੂੰ ਪਤਾ ਹੈ ਕਿ ਅਨੁਸ਼ਕਾ ਸ਼ਰਮਾ ਆਪਣੀ ਕਮਿਟਮੈਂਟ ਦੀ ਪੱਕੀ ਹੈ ਤੇ ਉਹ ਪ੍ਰੋਫੈਸਨਲ ਰਵੱਈਏ ਕਾਰਨ ਕਾਫੀ ਮਸ਼ਹੂਰ ਵੀ ਹੈ। ਅਨੁਸ਼ਕਾ ਦਰਦ ਹੋਣ ਦੇ ਬਾਵਜੂਦ ਵੀ ਆਪਣੀ ਆਉਣ ਵਾਲੀ ਫਿਲਮ 'ਸੂਈ ਧਾਗਾ' ਦੀ ਪ੍ਰਮੋਸ਼ਨ ਜ਼ਬਰਦਸਤ ਤਰੀਕੇ ਨਾਲ ਕਰ ਰਹੀ ਹੈ।
ਖਬਰਾਂ ਹਨ ਕਿ ਅਨੁਸ਼ਕਾ ਨੂੰ ਇੰਟੈਨਸਿਵ ਫਿਜ਼ੀਓਥ੍ਰੈਪੀ ਸੈਸ਼ਨ ਕਰਕੇ ਬਲਗਿੰਗ ਡਿਸਕ ਦੀ ਬੀਮਾਰੀ ਹੋ ਗਈ ਹੈ, ਜਿਸ ਦਾ ਇਲਾਜ ਵੀ ਉਹ ਕਰਵਾ ਰਹੀ ਹੈ। ਇਸ ਬੀਮਾਰੀ ਤੋਂ ਠੀਕ ਹੋਣ ਲਈ ਅਨੁਸ਼ਕਾ ਨੂੰ 3-4 ਹਫਤੇ ਦਾ ਸਮਾਂ ਲੱਗੇਗਾ। ਇਸ ਦੇ ਨਾਲ ਹੀ ਡਾਕਟਰਾਂ ਨੇ ਉਸ ਨੂੰ ਆਰਾਮ ਕਰਨ ਦੀ ਸਲਾਹ ਦਿੱਤੀ ਹੈ।
ਡਾਕਟਰਾਂ ਦੀ ਸਲਾਹ ਤੋਂ ਬਾਅਦ ਵੀ ਅਨੁਸ਼ਕਾ ਆਪਣੀ ਆਉਣ ਵਾਲੀ ਫਿਲਮ ਦੀ ਪ੍ਰਮੋਸ਼ਨ ਦਾ ਹਿੱਸਾ ਬਣੇ ਰਹਿਣਾ ਚਾਹੁੰਦੀ ਹੈ। ਇਸ ਦਰਦ ਮਗਰੋਂ ਵੀ ਅਨੁਸ਼ਕਾ ਆਪਣੇ ਕੋ-ਸਟਾਰ ਵਰੁਣ ਧਵਨ ਨਾਲ ਲਗਾਤਾਰ ਕੰਮ ਕਰ ਰਹੀ ਹੈ। ਉਹ ਇਕ ਥਾਂ 'ਤੇ ਜ਼ਿਆਦਾ ਸਮਾਂ ਬੈਠ ਨਹੀਂ ਪਾਉਂਦੀ। ਇਸ ਮਗਰੋਂ ਵੀ ਅਨੁਸ਼ਕਾ ਪ੍ਰਮੋਸ਼ਨ ਪਲਾਨ ਮੁਤਾਬਕ ਹਰ ਸ਼ੋਅ 'ਤੇ ਜਾਂਦੀ ਹੈ ਕਿਉਂਕਿ ਉਹ ਨਹੀਂ ਚਾਹੁੰਦੀ ਕਿ ਉਹਦਾ ਕਰਕੇ ਫਿਲਮ ਦੀ ਮਾਰਕਟਿੰਗ 'ਤੇ ਕਿਸੇ ਤਰ੍ਹਾਂ ਦਾ ਅਸਰ ਪਵੇ।