ਮੁੰਬਈ (ਬਿਊਰੋ)— ਅਨੁਸ਼ਕਾ ਸ਼ਰਮਾ ਨੇ ਆਪਣੇ ਕਰੀਅਰ ਦੇ 10 ਸਾਲਾਂ 'ਚ ਆਪਣੀ ਐਕਟਿੰਗ ਤੇ ਫਿਲਮਾਂ ਕਰਕੇ ਕਈ ਐਵਾਰਡ ਜਿੱਤੇ ਹਨ। ਇਸ ਲਿਸਟ 'ਚ ਇੱਕ ਹੋਰ ਐਵਾਰਡ ਸ਼ਾਮਲ ਹੋ ਗਿਆ ਹੈ।
ਜੀ ਹਾਂ ਬੁੱਧਵਾਰ ਨੂੰ ਅਨੁਸ਼ਕਾ ਸ਼ਰਮਾ ਨੂੰ '34ਵੇਂ ਪ੍ਰਿਯਾਦਰਸ਼ਨੀ ਅਕਾਦਮੀ ਗਲੋਬਲ ਐਵਾਰਡਸ' 'ਚ 'ਸਮਿਤਾ ਪਾਟਿਲ' ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ।
ਇਹ ਐਵਾਰਡ ਉਸ ਨੂੰ ਕੇਂਦਰੀ ਮੰਤਰੀ ਨਿਤਿਨ ਗਡਕਰੀ ਨੇ ਦਿੱਤਾ। ਅਨੁਸ਼ਕਾ ਨੇ ਐਵਾਰਡ ਸਮਾਰੋਹ 'ਚ ਹਰੀ ਸਾੜੀ ਪਾਈ ਹੋਈ ਸੀ, ਜਿਸ 'ਚ ਉਹ ਬੇਹੱਦ ਖੂਬਸੂਰਤ ਵੀ ਲੱਗ ਰਹੀ ਸੀ।
'ਪਰੀ' ਫਿਲਮ ਦੀ ਅਨੁਸ਼ਕਾ ਦਾ ਰਵਾਇਤੀ ਲੁੱਕ ਸੋਸ਼ਲ ਮੀਡੀਆ 'ਤੇ ਖੂਬ ਵਾਈਰਲ ਵੀ ਹੋ ਰਿਹਾ ਹੈ। ਖਬਰਾਂ ਤਾਂ ਇਹ ਵੀ ਹਨ ਕਿ ਅਨੁਸ਼ਕਾ ਦੀ ਇਹ ਸਾੜ੍ਹੀ ਕਿਸੇ ਲੋਕਲ ਆਰਟਿਸਟ ਨੇ ਬਣਾਈ ਹੈ।
ਐਵਾਰਡ ਲੈਣ ਸਮੇਂ ਅਨੁਸ਼ਕਾ ਨੇ ਮੀਡੀਆ ਨੂੰ ਪੋਜ਼ ਵੀ ਦਿੱਤੇ। ਅਜਿਹੇ ਹੀ ਲੁੱਕ 'ਚ ਅਨੁਸ਼ਕਾ ਪਹਿਲਾਂ ਵੀ ਨਜ਼ਰ ਆ ਚੁੱਕੀ ਹੈ। ਅਨੁਸ਼ਕਾ ਨੇ ਆਪਣੇ ਵਿਆਹ ਦੀ ਰਿਸੈਪਸ਼ਨ 'ਚ ਸਾੜ੍ਹੀ ਨਾਲ ਬਿੰਦੀ ਵਾਲੇ ਰੂਪ ਨੂੰ ਹੀ ਚੁਣਿਆ ਸੀ।
ਜੇਕਰ ਅਨੁਸ਼ਕਾ ਦੇ ਕੰਮ ਦੀ ਗੱਲ ਕੀਤੀ ਜਾਵੇ ਤਾਂ ਉਹ ਜਲਦੀ ਹੀ ਵਰਣੁ ਧਵਨ ਨਾਲ 'ਸੂਈ ਧਾਗਾ' 'ਚ ਨੌਨ-ਗਲੈਮਰਸ ਅੰਦਾਜ਼ 'ਚ 'ਮਮਤਾ' ਦੇ ਕਿਰਦਾਰ 'ਚ ਨਜ਼ਰ ਆਵੇਗੀ ਜਦਕਿ ਇਸ ਤੋਂ ਬਾਅਦ ਦਸੰਬਰ 'ਚ ਅਨੁਸ਼ਕਾ ਦੀ ਸ਼ਾਹਰੁਖ ਖਾਨ ਨਾਲ ਫਿਲਮ 'ਜ਼ੀਰੋ' ਵੀ ਰਿਲੀਜ਼ ਹੋਣੀ ਹੈ।