ਮੁੰਬਈ(ਬਿਊਰੋ)— ਦਿੱਲੀ 'ਚ ਆਯੋਜਿਤ ਰਿਸੈਪਸ਼ਨ ਪਾਰਟੀ 'ਚ ਨਿਊਲੀ ਵੈੱਡ ਕੱਪਲ ਭਾਰਤੀ ਕ੍ਰਿਕਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਤੇ ਬਾਲੀਵੁੱਡ ਅਦਾਕਾਰਾ ਅਨੁਸ਼ਕਾ ਸ਼ਰਮਾ ਨੇ ਡਿਜ਼ਾਈਨਰ ਸਭਿਆਸਾਚੀ ਮੁਖਰਜੀ ਦੇ ਤਿਆਰ ਕੀਤੇ ਹੋਏ ਆਊਟਫਿੱਟ ਪਹਿਣੇ ਸਨ।
ਰਿਸੈਪਸ਼ਨ 'ਚ ਇਸ ਨਿਊਲੀ ਵੈੱਡ ਕੱਪਲ ਨੇ ਇੰਡੀਅਨ ਟ੍ਰੈਡੀਸ਼ਨਲ ਲੁੱਕ ਧਾਰਿਆ ਹੋਇਆ ਹੈ।
ਅਨੁਸ਼ਕਾ ਦਾ ਲੁੱਕ ਇਸ ਪਾਰਟੀ 'ਚ ਦੇਖਣ ਲਾਇਕ ਸੀ ਕਿਉਂਕਿ ਉਹ ਉੱਪਰੋਂ ਲੈ ਕੇ ਹੇਠਾਂ ਤੱਕ ਪੂਰੀ ਤਰ੍ਹਾਂ ਭਾਰਤੀ ਲਾੜੀ ਵਾਂਗ ਦਿਖ ਰਹੀ ਸੀ। ਵਿਆਹ ਤੋਂ ਬਾਅਦ ਆਮ ਤੌਰ ਭਾਰਤ 'ਚ ਲਾਲ ਰੰਗ ਨੂੰ ਨਵੀਂ ਲਾੜੀ ਦੇ ਸ਼ਿੰਗਾਰ 'ਚ ਖਾਸ ਅਮਿਹਮੀਅਤ ਦਿੱਤੀ ਜਾਂਦੀ ਹੈ।
ਅਨੁਸ਼ਕਾ ਨੇ ਪੂਰੀ ਤਰ੍ਹਾਂ ਇਸ ਪਰੰਪਰਾ ਦਾ ਪਾਲਨ ਕਰਦੇ ਹੋਏ ਲਾਲ ਬਨਾਰਸੀ ਸਾੜ੍ਹੀ ਪਹਿਣੀ ਹੋਈ ਸੀ। ਪੂਰੀ ਮਾਂਗ ਭਰ ਕੇ ਉਨ੍ਹਾਂ ਨੇ ਲਾਲ ਸਿੰਦੂਰ ਲਗਾਇਆ ਹੋਇਆ ਸੀ, ਜੋ ਉਨ੍ਹਾਂ ਦੇ ਚਿਹਰੇ ਦੀ ਚਮਕ ਨੂੰ ਹੋਰ ਵੀ ਵਧਾ ਰਿਹਾ ਸੀ।
ਹੱਥਾਂ 'ਚ ਲਾਲ ਚੂੜਾ ਤੇ ਮੱਥੇ 'ਤੇ ਵੱਡੀ ਜਿਹੀ ਬਿੰਦੀ ਉਨ੍ਹਾਂ ਦੀ ਰੌਣਕ ਨੂੰ ਹੋਰ ਵੀ ਵਧਾ ਰਿਹਾ ਸੀ। ਸਫੈਦ ਫੁੱਲਾਂ ਨਾਲ ਸਜਿਆ ਉਨ੍ਹਾਂ ਦਾ ਜੂੜਾ ਉਨ੍ਹਾਂ ਦੇ ਟ੍ਰੈਡੀਸ਼ਨਲ ਲੁੱਕ ਨੂੰ ਕੰਪਲੀਟ ਕਰ ਰਿਹਾ ਸੀ।
ਇਸ ਦੇ ਨਾਲ ਹੀ ਅਨੁਸ਼ਕਾ ਨੇ ਡਾਇਮੰਡ ਦੀ ਜਿਊਲਰੀ ਪਹਿਣੀ ਹੋਈ ਸੀ, ਜਿਸ ਨੂੰ ਖਾਸ ਤੌਰ 'ਤੇ ਉਨ੍ਹਾਂ ਦੇ ਲੁੱਕ ਦੇ ਹਿਸਾਬ ਨਾਲ ਤਿਆਰ ਕੀਤਾ ਗਿਆ ਸੀ।
ਜ਼ਿਕਰਯੋਗ ਹੈ ਕਿ ਰਿਸੈਪਸ਼ਨ ਦੀਆਂ ਤਸਵੀਰਾਂ ਸਾਹਮਣੇ ਆਉਣ ਤੋਂ ਬਾਅਦ ਸਭਿਆਸਾਚੀ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ 'ਤੇ ਸੈਲੀਬ੍ਰਿਟੀ ਕੱਪਲ ਦੀ ਡਰੈੱਸ ਦੀਆਂ ਤਸਵੀਰਾਂ ਸ਼ੇਅਰ ਕਰ ਦਿੱਤੀਆਂ ਹਨ।
ਦੂਜੇ ਪਾਸੇ ਜੇਕਰ ਵਿਰਾਟ ਦੇ ਕੱਪੜਿਆਂ ਦੀ ਗੱਲ ਕਰੀਏ ਤਾਂ ਸਭਿਆਸਾਚੀ ਨੇ ਪੋਸਟ ਕੀਤਾ ਹੈ ਕਿ ਵਿਰਾਟ ਨੇ ਸਫੈਦ ਸਿਲਕ ਦਾ ਗਲਾਬੰਦ ਕੁੜਤਾ ਪਹਿਣਿਆ ਸੀ, ਜਿਸ 'ਚ 18 ਕੈਰਟ ਗੋਲਡ ਦੇ ਬਟਨ ਲੱਗੇ ਹੋਏ ਸਨ।
ਇਸ ਤੋਂ ਇਲਾਵਾ ਕਡਾਈ ਵਾਲਾ ਪਸ਼ਮੀਨਾ ਸ਼ਾਲ ਉਨ੍ਹਾਂ ਦੇ ਲੁੱਕ ਨੂੰ ਪੂਰੀ ਤਰ੍ਹਾਂ ਸ਼ਾਹੀ ਬਣਾ ਰਿਹਾ ਸੀ।
