ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਅਰਬਾਜ਼ ਖਾਨ ਆਪਣੀ ਪਤਨੀ ਮਲਾਇਕਾ ਅਰੋੜਾ ਖਾਨ ਤੋਂ ਵੱਖ ਹੋਣ ਤੋਂ ਬਾਅਦ ਕਥਿਤ ਪ੍ਰੇਮਿਕਾ ਜੀਓਰਜੀਆ ਐਂਡ੍ਰਿਆਨੀ ਦੇ ਨਾਲ ਅਕਸਰ ਹੀ ਨਜ਼ਰ ਆਉਂਦੇ ਹਨ। ਹਾਲ ਹੀ 'ਚ ਉਸ ਨੂੰ ਪ੍ਰੇਮਿਕਾ ਨਾਲ ਲੰਚ ਡੇਟ 'ਤੇ ਦੇਖਿਆ ਗਿਆ।
ਖਬਰ ਹੈ ਕਿ ਜੀਓਰਜੀਆ ਬਾਲੀਵੁੱਡ 'ਚ ਆਉਣਾ ਚਾਹੁੰਦੀ ਹੈ ਅਤੇ ਅਰਬਾਜ਼ ਉਸ ਦੀ ਇਸ ਕੰਮ 'ਚ ਮਦਦ ਕਰ ਰਿਹਾ ਹੈ। ਅਰਬਾਜ਼ ਉਸ ਨੂੰ ਬਾਲੀਵੁੱਡ ਦੇ ਇਕ ਪ੍ਰਡਿਊਸਰ ਨਾਲ ਮਿਲਵਾ ਰਹੇ ਹਨ।
ਉਮੀਦ ਹੈ ਕਿ ਉਸ ਨੂੰ ਕੋਈ ਫਿਲਮ ਆਫਰ ਕੀਤੀ ਜਾਵੇ। ਇਹ ਵੀ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਪ੍ਰੇਮਿਕਾ ਜੀਓਰਜੀਆ ਅਰਬਾਜ਼ ਦੇ ਬੈਨਰ ਹੇਠਾਂ 'ਦਬੰਗ 3' ਦਾ ਹਿੱਸਾ ਵੀ ਹੋ ਸਕਦੀ ਹੈ।
ਅਜਿਹੇ 'ਚ ਇਹ ਦੇਖਣਾ ਕਾਫੀ ਦਿਲਚਸਪ ਹੋਵੇਗਾ ਕਿ ਜੇਕਰ ਮਲਾਇਕਾ ਵੀ ਇਸ ਫਿਲਮ ਦਾ ਹਿੱਸਾ ਹੋਵੇਗੀ ਤਾਂ ਉਸ ਦੀ ਜੀਓਰਜੀਆ ਨਾਲ ਕਿਸ ਤਰ੍ਹਾਂ ਦੀ ਕੈਮਿਸਟਰੀ ਹੋਵੇਗੀ।
ਦੱਸ ਦੇਈਏ ਕਿ ਅਰਬਾਜ਼ ਅਤੇ ਮਲਾਇਕਾ ਨੇ ਪਿਛਲੇ ਸਾਲ ਮਈ 'ਚ ਤਲਾਕ ਲੈ ਲਿਆ ਸੀ ਪਰ ਅਜੇ ਵੀ ਦੋਵੇਂ ਦੋਸਤਾਂ ਦੀ ਤਰ੍ਹਾਂ ਮਿਲਦੇ ਹਨ।
18 ਸਾਲਾਂ ਦਾ ਰਿਸ਼ਤਾ ਟੁੱਟਣ ਤੋਂ ਬਾਅਦ ਵੀ ਮਲਾਇਕਾ ਅਤੇ ਅਰਬਾਜ਼ ਫੈਮਿਲੀ ਹਾਲੀਡੇਅ 'ਤੇ ਇਕੱਠੇ ਨਜ਼ਰ ਆਉਂਦੇ ਰਹੇ ਹਨ।
ਚਰਚਾ ਹੈ ਕਿ ਅਰਬਾਜ਼ ਖਾਨ ਜਲਦ ਜਾਰਜਿਆ ਨਾਲ ਆਪਣੇ ਰਿਸ਼ਤੇ ਨੂੰ ਆਫੀਸ਼ੀਅਲ ਕਰਨ ਦੀ ਤਿਆਰੀ 'ਚ ਹੈ।