ਨਵੀਂ ਦਿੱਲੀ— ਬਾਲੀਵੁੱਡ ਦੇ ਅਭਿਨੇਤਾ ਤੇ ਡਾਇਰੈਕਟਰ ਅਰਬਾਜ਼ ਖਾਨ ਬੀਤੇ ਸ਼ੁੱਕਰਵਾਰ 50 ਸਾਲਾਂ ਦੇ ਹੋ ਚੁੱਕੇ ਹਨ। ਅਰਬਾਜ਼ ਖਾਨ ਦੇ ਜਨਮਦਿਨ ਬੈਸ਼ 'ਚ ਉਸ ਦੀ ਸਾਬਕਾ ਪਤਨੀ ਮਲਾਇਕਾ ਅਰੋੜਾ, ਭਰਾ ਸਲਮਾਨ ਖਾਨ ਦੇ ਨਾਲ ਬਾਲੀਵੁੱਡ ਦੇ ਕਈ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
ਹਾਲ ਹੀ 'ਚ ਅਰਬਾਜ਼ ਖਾਨ ਦਾ ਮਲਾਇਕਾ ਨਾਲ ਤਲਾਕ ਹੋਇਆ। ਅਰਬਾਜ਼ ਨਾਲ ਤਲਾਕ ਨੂੰ ਲੈ ਕੇ ਟਵਿਟਰ 'ਤੇ ਟਰੋਲ ਹੋਈ ਮਲਾਇਕਾ ਨੇ ਸ਼ਨਦਾਰ ਅੰਦਾਜ਼ 'ਚ ਆਪਣੇ ਸਾਬਕਾ ਪਤੀ ਦੀਆਂ ਤਸਵੀਰਾਂ ਸ਼ੇਅਰ ਕਰ ਕੇ ਇੰਸਟਾਗ੍ਰਾਮ 'ਤੇ ਵਧਾਈ ਦਿੱਤੀ ਸੀ।
ਇੰਨਾ ਹੀ ਨਹੀਂ ਮਲਾਇਕਾ ਅਰਬਾਜ਼ ਦੇ ਜਨਮਦਿਨ ਬੈਸ਼ 'ਚ ਵੀ ਸ਼ਾਮਲ ਹੋਈ ਸੀ। ਇਸ ਦੌਰਾਨ ਮਲਾਇਕਾ ਇਕ ਸ਼ਾਰਟ ਡਰੈੱਸ 'ਚ ਪਾਰਟੀ 'ਚ ਪਹੁੰਚੀ। ਛੋਟੇ ਭਰਾ ਅਰਬਾਜ਼ ਖਾਨ ਦੀ ਜਨਮਦਿਨ ਪਾਰਟੀ 'ਚ ਸਲਮਾਨ ਖਾਨ ਵੀ ਸ਼ਾਮਲ ਹੋਏ ਸਨ।
ਸਲਮਾਨ ਖਾਨ ਇੰਨੀ ਦਿਨੀਂ ਮੋਰਕੋ 'ਚ ਆਪਣੀ ਅਗਲੀ ਫਿਲਮ 'ਟਾਈਗਰ ਜ਼ਿੰਦਾ ਹੈ' ਦੀ ਸ਼ੂਟਿੰਗ ਦੌਰਾਨ ਮੁੰਬਈ ਅਤੇ ਮੋਰਕੋ 'ਚ ਕਾਫੀ ਸਫਰ ਕਰ ਰਹੇ ਹਨ ਪਰ ਬਿਜ਼ੀ ਸ਼ੈਡਿਊਲ ਦੇ ਬਾਵਜੂਦ ਵੀ ਸਲਮਾਨ ਨੇ ਭਰਾ ਅਰਬਾਜ਼ ਦੀ ਜਨਮਦਿਨ ਪਾਰਟੀ 'ਚ ਸ਼ਰੀਕ ਹੋਣ ਲਈ ਸਮਾਂ ਕੱਢ ਹੀ ਲਿਆ।
ਮਲਾਇਕਾ ਤੋਂ ਇਲਾਵਾ ਅਰਬਾਜ਼ ਦੀ ਜਨਮਦਿਨ ਪਾਰਟੀ 'ਚ ਅੰਮ੍ਰਿਤਾ ਅਰੋੜਾ, ਡੇਜੀ ਸ਼ਾਹ, ਯੂਲੀਆ ਵੰਤੂਰ, ਸੋਨਾਕਸ਼ੀ ਸਿਹਨਾ, ਚੰਕੀ ਪੰਡੇ ਪਤਨੀ ਸਮੇਤ, ਬੋਬੀ ਦਿਓਲ, ਸੰਨੀ ਲਿਓਨ, ਕਰਿਸ਼ਮਾ ਕਪੂਰ ਪ੍ਰੇਮੀ ਸੰਦੀਪ ਟੋਸ਼ਨੀਵਾਲਾ ਨਾਲ ਨਜ਼ਰ ਆਈ। ਇਸ ਤੋਂ ਇਲਾਵਾ ਬਾਲੀਵੁੱਡ ਦੀਆਂ ਕਈ ਹੋਰ ਹਸਤੀਆਂ ਪਾਰਟੀ 'ਚ ਸ਼ਿਰਕਤ ਕੀਤੀ।
