ਨਵੀਂ ਦਿੱਲੀ (ਬਿਊਰੋ) — 'ਦਿ ਕਪਿਲ ਸ਼ਰਮਾ ਸ਼ੋਅ' 'ਚ ਇਸ ਵਾਰ ਸੁਰਾਂ ਦੀ ਸ਼ਾਮ ਸਜੀ। ਫਿਲਮ ਇੰਡਸਟਰੀ ਦੇ ਦਿੱਗਜ਼ ਗਾਇਕ ਸੁਖਵਿੰਦਰ ਸਿੰਘ, ਮਿਥੁਨ ਤੇ ਜੁਬਿਨ ਨੌਟੀਆਲ ਨੇ ਸ਼ਿਰਕਤ ਕੀਤੀ ਅਤੇ ਆਪਣੇ ਗੀਤਾਂ 'ਤੇ ਸਾਰਿਆਂ ਨੂੰ ਝੂਮਣ ਲਾ ਦਿੱਤਾ। ਇਸ ਦੌਰਾਨ ਡਾਇਰੈਕਟਰ ਪ੍ਰੋਡਿਊਸਰ ਸ਼ੈਲੇਂਦਰ ਸਿੰਘ ਵੀ ਮੌਜੂਦ ਰਹੇ। ਇਹ ਸਾਰੇ ਸੈਲੀਬ੍ਰਿਟੀਜ਼ ਆਪਣੇ ਨਵੇਂ ਗੀਤ 'ਵਨ ਇੰਡੀਆ, ਮਾਏ ਇੰਡੀਆ' ਨੂੰ ਪ੍ਰਮੋਟ ਕਰਨ ਪਹੁੰਚੇ ਸਨ। ਇਸ ਤੋਂ ਇਲਾਵਾ ਸਾਰਿਆਂ ਨੇ ਸ਼ੋਅ 'ਚ ਖੂਬ ਮਸਤੀ ਵੀ ਕੀਤੀ। ਇਸ ਦੌਰਾਨ ਸੁਖਵਿੰਦਰ ਸਿੰਘ ਨੇ ਵੀ ਦੱਸਿਆ ਕਿ ਉਨ੍ਹਾਂ ਦਾ ਕਿਸ 'ਤੇ ਕਰੱਸ਼ ਹੈ।
ਸ਼ੋਅ 'ਚ ਗੱਲਬਾਤ ਦੌਰਾਨ ਸੁਖਵਿੰਦਰ ਸਿੰਘ ਨੇ ਅਮਰੀਕਾ ਦੇ ਹੈਲਸ ਤੇ ਟੇਕਸਾਸ 'ਚ ਪਰਫਾਰਮੈਂਸ ਕਰਨ ਦੌਰਾਨ ਦਾ ਅਨੁਭਵ ਸ਼ੇਅਰ ਕੀਤਾ। ਸੁਖਵਿੰਦਰ ਨੇ ਦੱਸਿਆ ਕਿ ਇਕ ਵਾਰ ਉਹ ਉਥੇ 'ਚੱਕ ਦੇ ਇੰਡੀਆ' ਗੀਤ 'ਤੇ ਪਰਫਾਰਮ ਕਰ ਰਹੇ ਸਨ।
ਇਸ ਦੌਰਾਨ ਉਨ੍ਹਾਂ ਦੀ ਟੀਮ ਦੇ ਇਕ ਮੈਂਬਰ ਨੇ ਉਨ੍ਹਾਂ ਦੇ ਹੱਥ 'ਚ ਇੰਡੀਅਨ ਫਲੈਕ (ਝੰਡਾ) ਫੜ੍ਹਾ ਦਿੱਤਾ, ਜੋ ਇਹ ਦਰਸਾਉਂਦਾ ਹੈ ਕਿ ਉਹ ਭਾਰਤ ਦਾ ਪ੍ਰਤੀਨਿਧਿਤਵ ਕਰ ਰਹੇ ਹਨ ਪਰ ਮੌਕੇ ਮਿਲਦੇ ਹੀ ਉਨ੍ਹਾਂ ਨੇ ਤੁਰੰਤ ਯੂ. ਐੱਸ. ਦਾ ਝੰਡਾ ਫੜ੍ਹ ਲਿਆ। ਉਹ ਸਾਰਿਆਂ ਨੂੰ ਦਿਖਾਉਣਾ ਚਾਹੁੰਦੇ ਸਨ ਕਿ ਉਹ ਦੋਵੇਂ ਦੇਸ਼ਾਂ ਦਾ ਬਰਾਬਰ ਸਨਮਾਨ ਕਰਦੇ ਹਨ।
ਸ਼ੋਅ 'ਚ ਜਦੋਂ ਸੁਖਵਿੰਦਰ ਨੇ 'ਸਾਡਾ ਚਿੜੀਆਂ ਦਾ ਚੰਬਾ' ਗੀਤ ਗਾਇਆ ਤਾਂ ਅਰਚਨਾ ਪੂਰਨ ਸਿੰਘ ਇਮੋਸ਼ਨਲ ਹੋ ਗਈ। ਇਹ ਗੀਤ ਅਕਸਰ ਉਦੋਂ ਗਾਇਆ ਜਾਂਦਾ ਹੈ ਜਦੋਂ ਬੇਟੀ ਨੂੰ ਵਿਆਹ ਤੋਂ ਬਾਅਦ ਆਪਣੇ ਘਰ ਤੋਂ ਵਿਦਾ ਹੋਣਾ ਹੁੰਦਾ ਹੈ। ਇਸ ਦੌਰਾਨ ਉਥੇ ਮੌਜੂਦ ਲੋਕਾਂ ਦੀਆਂ ਅੱਖਾਂ ਵੀ ਨਮ ਹੋ ਗਈਆਂ।
ਇਸ ਦੌਰਾਨ ਸੁਖਵਿੰਦਰ ਨੇ ਦੱਸਿਆ ਕਿ ਉਸ ਦਾ ਅਰਚਨਾ ਪੂਰਨ ਸਿੰਘ 'ਤੇ ਕਰੱਸ਼ ਹੈ। ਉਨ੍ਹਾਂ ਨੇ ਅਰਚਨਾ ਦੀ ਖੂਬ ਪ੍ਰਸ਼ੰਸਾਂ ਕੀਤੀ। ਕਪਿਲ ਸ਼ਰਮਾ ਕਾਮੇਡੀਅਨ ਹੋਣ ਦੇ ਨਾਲ ਇਕ ਚੰਗੇ ਸਿੰਗਰ ਵੀ ਹਨ। ਸ਼ੋਅ 'ਚ ਮਿਥੁਨ ਨੇ ਕਪਿਲ ਨੂੰ ਆਡੀਸ਼ਨ ਦੇਣ ਲਈ ਕਿਹਾ ਅਤੇ ਬੋਲਿਆ ਕਿ ਉਹ ਦਰਸ਼ਕਾਂ ਲਈ 'ਤੁਮ ਹੀ ਹੋ' ਗੀਤ ਗਾਉਣ।
ਇਸ ਦੌਰਾਨ ਸਪਨਾ (ਕ੍ਰਿਸ਼ਣਾ ਅਭਿਸ਼ੇਕ) ਨੇ ਸਾਰੇ ਮਹਿਮਾਨਾਂ ਨਾਲ ਖੂਬ ਹਾਸਾ ਮਜ਼ਾਕ ਕੀਤਾ। ਪ੍ਰੋਡਿਊਸਰ ਸ਼ੈਲੇਂਦਰ ਨੇ ਉਨ੍ਹਾਂ ਨੂੰ ਨਾਲਾਸੁਪਾੜਾ ਬੈਂਕ ਦਾ ਇਕ ਕਰੋੜ ਰੁਪਏ ਦਾ ਫੇਕ ਚੈੱਕ ਵੀ ਦਿੱਤਾ। ਇਸ ਚੈੱਕ ਨੂੰ ਦੇਖ ਕੇ ਇਥੇ ਬੈਠੇ ਸਾਰੇ ਲੋਕ ਜ਼ੋਰ-ਜ਼ੋਰ ਨਾਲ ਹੱਸਣ ਲੱਗੇ।