ਜਲੰਧਰ (ਵੈੱਬ ਡੈਸਕ) - 'ਲੌਕ ਡਾਊਨ' ਦੌਰਾਨ ਸਿਤਾਰੇ ਆਪਣੇ ਘਰਾਂ ਵਿਚ ਵਿਹਲੇ ਹਨ ਅਤੇ ਆਪਣਾ ਜ਼ਿਆਦਾ ਤੋਂ ਜ਼ਿਆਦਾ ਸਮਾਂ ਸੋਸ਼ਲ ਮੀਡੀਆ 'ਤੇ ਹੀ ਗੁਜ਼ਾਰ ਰਹੇ ਹਨ। ਹਰ ਇਕ ਆਪਣੇ ਆਪ ਨਾਲ ਜੁੜਿਆ ਵੀਡੀਓ ਫੈਨਜ਼ ਨਾਲ ਸ਼ੇਅਰ ਕਰ ਰਿਹਾ ਹੈ। ਹਾਲ ਹੀ ਵਿਚ ਕਪਿਲ ਸ਼ਰਮਾ ਦੇ ਸ਼ੋਅ "ਦਿ ਕਪਿਲ ਸ਼ਰਮਾ ਸ਼ੋਅ' ਵਿਚ ਜੱਜ ਦੇ ਤੌਰ 'ਤੇ ਨਜ਼ਰ ਆਉਣ ਵਾਲੀ ਅਦਾਕਾਰਾ ਅਰਚਨਾ ਪੂਰਨ ਸਿੰਘ ਨੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜਿਸ ਵਿਚ ਉਹ ਆਪਣੇ ਘਰ ਵਿਚ ਕੰਮ ਕਰਨ ਵਾਲੀ ਕੁੜੀ ਭਾਗਸ਼੍ਰੀ ਨਾਲ ਜਾਣ-ਪਛਾਣ ਕਰਵਾ ਰਹੀ ਹੈ। ਅਰਚਨਾ ਨੇ ਕਿਹਾ ਕਿ ਇਹ ਕੁੜੀ ਮੇਰੇ ਪਰਿਵਾਰਿਕ ਮੈਂਬਰ ਵਾਂਗ ਹੈ ਅਤੇ ਮੈਂ ਇਸ ਤੋਂ ਬਿਨਾ ਆਪਣੇ ਘਰ ਦੀ ਕਲਪਣਾ ਵੀ ਨਹੀਂ ਕਰ ਸਕਦੀ।
ਇਸ ਵੀਡੀਓ ਨੂੰ ਸ਼ੇਅਰ ਕਰਦਿਆਂ ਅਰਚਨਾ ਨੇ ਲਿਖਿਆ, ''ਮੈਂ ਇਸ ਨੂੰ ਕਮਰੇ ਵਿਚ ਇਸ ਲਈ ਬੁਲਾਇਆ ਤਾਂ ਕਿ ਤੁਹਾਨੂੰ ਇਸ ਨਾਲ ਜਾਣ-ਪਛਾਣ ਕਰਵਾ ਸਕਾ। ਕੀ ਤੁਸੀਂ ਜਾਣਦੇ ਹੋ ਕਿ ਇਹ ਕੁੜੀ ਮੈਨੂੰ ਹਰ ਰੋਜ਼ ਖੁਸ਼ੀਆਂ ਦਿੰਦੀ ਹੈ, ਇਹ ਮੇਰੇ ਘਰ ਵਿਚ ਹੀ ਰਹਿੰਦੀ ਹੈ। ਇਸ ਦਾ ਨਾਂ ਭਾਗਸ਼੍ਰੀ ਹੈ, ਜਿਹੜਾ ਕਿ ਬਿਲਕੁਲ ਠੀਕ ਹੈ, ਇਹ ਜਿਸ ਘਰ ਵਿਚ ਜਾਵੇਗੀ ਉੱਥੇ ਭਾਗ ਲਗਾ ਦੇਵੇਗੀ।
ਅਰਚਨਾ ਨੇ ਅੱਗੇ ਲਿਖਿਆ ਹੈ, ''ਉਹ ਮੇਰੇ ਪਰਿਵਾਰ ਦੇ ਮੈਂਬਰ ਵਾਂਗ ਹੈ, ਹਮੇਸ਼ਾ ਮੁਸਕਰਾਉਂਦੀ ਰਹਿੰਦੀ ਹੈ। ਹਮੇਸ਼ਾ ਮਦਦ ਲਈ ਤਿਆਰ, ਨਾਲ ਕਾਰਟੂਨ ਵੀ, ਜਿਹੜੀ ਹਮੇਸ਼ਾ ਮਜ਼ਾਕ ਕਰਦੀ ਰਹਿੰਦੀ ਹੈ। ਨਾਨਸਟਾਪ ਗੱਲਾਂ ਕਰਦੀ ਹੈ, ਲੌਕ ਡਾਊਨ ਦੌਰ ਪੂਰੀ ਤਰ੍ਹਾਂ ਟਾਈਮ ਪਾਸ। ਉਨ੍ਹਾਂ ਲੋਕਾਂ ਦਾ ਧੰਨਵਾਦ ਜਿਹੜੇ ਸਾਡੀ ਸੇਵਾ ਕਰਦੇ ਹਨ।''