ਲਾਸ ਏਂਜਲਸ— ਗਾਇਕਾ ਏਰੀਆਨਾ ਗ੍ਰੈਂਡ ਬ੍ਰਿਟੇਨ ਵਾਪਸ ਆ ਗਈ ਹੈ ਅਤੇ 22 ਮਈ ਨੂੰ ਮਾਨਚੈਸਟਰ 'ਚ ਹੋਏ ਅੱਤਵਾਦੀ ਹਮਲੇ ਤੋਂ ਬਾਅਦ ਹੋ ਰਹੇ ਸੰਗੀਤ ਸਮਾਰੋਹ 'ਚ ਆਪਣੀ ਪੇਸ਼ਕਾਰੀ ਨੂੰ ਲੈ ਕੇ ਕਾਫੀ ਉਤਸੁਕ ਹੈ। ਬ੍ਰਿਟਿਸ਼ ਸ਼ਹਿਰ ਮਾਨਚੈਸਟਰ 'ਚ ਹੋਏ ਇਸ ਹਮਲੇ 'ਚ ਬੱਚਿਆਂ ਸਮੇਤ 22 ਲੋਕਾਂ ਦੀ ਜਾਨ ਚਲੀ ਗਈ ਸੀ। 'ਐਂਟਰਟੇਨਮੈਂਟ ਵੀਕਲੀ' ਮੁਤਾਬਕ ਸ਼ੁੱਕਰਵਾਰ ਦੀ ਰਾਤ 23 ਸਾਲਾ ਇਸ ਗਾਇਕਾ ਨੇ ਰਾਇਲ ਮਾਨਚੈਸਟਰ ਚਿਲਡਰਨਸ ਹਸਪਤਾਲ ਦਾ ਦੌਰਾ ਕੀਤਾ, ਜਿਥੇ ਉਸ ਦੇ ਕਈ ਨੌਜਵਾਨ ਪ੍ਰਸ਼ੰਸਕਾਂ ਦਾ ਇਲਾਜ ਕੀਤਾ ਜਾ ਰਿਹਾ ਹੈ।