ਮੁੰਬਈ(ਬਿਊਰੋ)— ਆਪਣੇ ਰੋਮਾਂਟਿਕ ਗੀਤਾਂ ਨਾਲ ਲੋਕਾਂ ਦੇ ਦਿਲਾਂ 'ਚ ਵੱਖਰੀ ਜਗ੍ਹਾ ਬਣਾਉਣ ਵਾਲੇ ਗਾਇਕ ਅਰਿਜੀਤ ਸਿੰਘ ਜਿੰਨੀ ਤੇਜ਼ੀ ਨਾਲ ਲੋਕਾਂ ਦੇ ਦਿਲਾਂ 'ਤੇ ਛਾਏ, ਉਨੀਂ ਹੀ ਤੇਜ਼ੀ ਨਾਲ ਉਤਰਦੇ ਵੀ ਜਾ ਰਹੇ ਹਨ। ਇਸ ਦੇ ਪਿੱਛੇ ਉਨ੍ਹਾਂ ਦਾ ਗੁੱਸੇ ਵਾਲਾ ਵਿਵਹਾਰ ਹੈ।
ਅਸਲ 'ਚ ਅਰਿਜੀਤ ਸਿੰਘ ਦਾ ਇਕ ਵੀਡੀਓ ਵਾਇਰਲ ਹੋ ਰਿਹਾ ਹੈ, ਜਿਸ 'ਚ ਤੁਹਾਨੂੰ ਉਨ੍ਹਾਂ ਦਾ ਗੁੱਸਾ ਦੇਖਣ ਨੂੰ ਮਿਲੇਗਾ।
ਸੋਸ਼ਲ ਮੀਡੀਆ 'ਤੇ ਅਰਿਜੀਤ ਸਿੰਘ ਦੀ ਇਕ ਵੀਡੀਓ ਵਾਇਰਲ ਹੋ ਰਹੀ ਹੈ, ਜਿਸ 'ਚ ਇਕ ਕਾਂਸਰਟ ਦੌਰਾਨ ਅਰਿਜੀਤ ਸਿੰਘ 'ਨਾਦਾਨ ਪਰਿੰਦੇ' ਗਾ ਰਹੇ ਸਨ।
ਉਸੇ ਸਮੇਂ ਮਾਈਕ ਸਟੈਂਡ 'ਚੋਂ ਡਿੱਗਣ ਲੱਗਾ, ਜਿਸ ਤੋਂ ਬਾਅਦ ਅਰਿਜੀਤ ਭੜਕ ਗਏ ਤੇ ਮੰਚ ਤੋਂ ਹੀ ਗਾਲ੍ਹਾਂ ਦੇਣ ਲੱਗੇ।
ਅਰਿਜੀਤ ਦਾ ਅਜਿਹਾ ਰਵੱਈਆ ਦੇਖ ਕੇ ਕਾਂਸਰਟ ਦੇ ਸੰਚਾਲਕ ਤੁਰੰਤ ਪਹੁੰਚੇ ਤੇ ਉਨ੍ਹਾਂ ਨੇ ਮਾਈਕ ਨੂੰ ਸਹੀ ਕੀਤਾ।
ਹਾਲਾਂਕਿ ਇੰਨੇ ਦੇਰ ਤੱਕ ਅਰਿਜੀਤ ਦੀ ਵੀਡੀਓ ਵਾਇਰਲ ਹੋ ਗਈ। ਇਸ ਤੋਂ ਪਹਿਲਾਂ ਉਨ੍ਹਾਂ ਦਾ ਸਲਮਾਨ ਖਾਨ ਨਾਲ ਵੀ ਵਿਵਾਦ ਹੋ ਚੁੱਕਾ ਹੈ।
ਇਸ ਤੋਂ ਬਾਅਦ ਅਰਿਜੀਤ ਨੇ ਸੋਸ਼ਲ ਮੀਡੀਆ ਰਾਹੀ ਸਲਮਾਨ ਤੋਂ ਮੁਆਫੀ ਵੀ ਮੰਗੀ ਸੀ।