ਮੁੰਬਈ (ਬਿਊਰੋ)— ਅਕਸ਼ੈ ਕੁਮਾਰ ਤੇ ਕੈਟਰੀਨਾ ਕੈਫ ਦੀ 'ਨਮਸਤੇ ਲੰਡਨ' ਦੇ 11 ਸਾਲ ਬਾਅਦ ਅਰਜੁਨ ਕਪੂਰ ਅਤੇ ਪਰਿਣੀਤੀ ਚੋਪੜਾ ਸਟਾਰਰ ਫਿਲਮ 'ਨਮਸਤੇ ਇੰਗਲੈਂਡ' ਲੈ ਕੇ ਆ ਰਹੇ ਹਨ। ਹਾਲ ਹੀ 'ਚ ਫਿਲਮ ਦੀ ਸਟਾਰਕਾਸਟ ਪ੍ਰਮੋਸ਼ਨ ਕਰਦੀ ਨਜ਼ਰ ਆਈ।
ਅਰਜੁਨ ਅਤੇ ਪਰਿਣੀਤੀ ਦੀ ਜੋੜੀ ਨੂੰ ਪ੍ਰਸ਼ੰਸਕਾਂ ਨੇ 6 ਸਾਲ ਪਹਿਲਾਂ 'ਇਸ਼ਕਜਾਦੇ' 'ਚ ਦੇਖਿਆ ਗਿਆ ਸੀ। ਦੋਹਾਂ ਦੀ ਆਨਸਕ੍ਰੀਨ ਕੈਮਿਸਟਰੀ ਪਰਦੇ 'ਤੇ ਪ੍ਰਸ਼ੰਸਕਾਂ ਵਲੋਂ ਕਾਫੀ ਪਸੰਦ ਕੀਤੀ ਜਾ ਰਹੀ ਹੈ। ਉੱਥੇ ਹੀ ਪ੍ਰਮੋਸ਼ਨ ਦੌਰਾਨ ਆਫਸਕ੍ਰੀਨ ਦੋਸਤੀ ਦੇਖਣ ਨੂੰ ਮਿਲੀ। ਪਰਿਣੀਤੀ ਅਤੇ ਅਰਜੁਨ ਪ੍ਰਮੋਸ਼ਨ ਦੌਰਾਨ ਦੇਸੀ ਅੰਦਾਜ਼ 'ਚ ਪਹੁੰਚੇ।
ਦੱਸਣਯੋਗ ਹੈ ਕਿ 'ਨਮਸਤੇ ਇੰਗਲੈਂਡ' ਦਾ ਨਿਰਦੇਸ਼ਨ ਅਮਰੁਤਲ ਸ਼ਾਹ ਨੇ ਕੀਤਾ ਹੈ। ਇਹ ਫਿਲਮ 19 ਅਕਤੂਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ।