ਮੁੰਬਈ (ਬਿਊਰੋ) — ਖਾਨ ਪਰਿਵਾਰ ਲਈ ਅੱਜ ਦਾ ਦਿਨ ਕਾਫੀ ਖਾਸ ਹੈ। ਜਿਥੇ ਅੱਜ ਸਲਮਾਨ ਖਾਨ ਆਪਣਾ 54ਵਾਂ ਜਨਮਦਿਨ ਸੈਲੀਬ੍ਰੇਟ ਕਰ ਰਹੇ ਹਨ, ਉਥੇ ਹੀ ਹਾਲ ਹੀ 'ਚ ਅਰਪਿਤਾ ਖਾਨ ਸ਼ਰਮਾ ਦੇ ਘਰ ਨੰਨ੍ਹੀ ਪਰੀ ਨੇ ਜਨਮ ਲਿਆ ਹੈ। ਇਸ ਗੱਲ ਦੀ ਜਾਣਕਾਰੀ ਖੁਦ ਆਯੁਸ਼ ਸ਼ਰਮਾ ਨੇ ਦਿੱਤੀ ਹੈ। ਹਾਲ ਹੀ 'ਚ ਆਯੁਸ਼ ਨੂੰ ਮੁੰਬਈ ਹਸਪਤਾਲ ਦੇ ਬਾਹਰ ਦੇਖਿਆ ਗਿਆ ਹੈ। ਅਰਪਿਤਾ ਨੇ ਵੀ ਭਰਾ ਨੂੰ ਬਰਥਡੇ 'ਤੇ ਮਾਮਾ ਬਣਾਉਣ ਦਾ ਖਾਸ ਤੋਹਫਾ ਪਹਿਲਾਂ ਤੋਂ ਪਲਾਨ ਕੀਤਾ ਸੀ। ਇਸ ਸਮੇਂ ਅਰਪਿਤਾ ਮੁੰਬਈ ਦੇ ਹਿੰਦੁਜਾ ਹਸਪਤਾਲ 'ਚ ਦਾਖਲ ਹੈ। ਡਿਲੀਵਰੀ ਦੇ ਸਮੇਂ ਉਸ ਨਾਲ ਪੂਰਾ ਖਾਨ ਪਰਿਵਾਰ ਮੌਜੂਦ ਸੀ। ਅਰਪਿਤਾ ਖਾਨ ਨੇ ਬੱਚੇ ਨੂੰ ਸੀ-ਸੇਕਸ਼ਨ ਜ਼ਰੀਏ ਜਨਮ ਦਿੱਤਾ ਹੈ।
ਦੂਜੀ ਵਾਰ ਮਾਂ ਬਣੀ ਅਰਪਿਤਾ
ਦੱਸ ਦਈਏ ਕਿ ਅਰਪਿਤਾ ਖਾਨ ਦੂਜੀ ਵਾਰ ਮਾਂ ਬਣੀ ਹੈ। ਉਨ੍ਹਾਂ ਦਾ ਇਕ ਬੇਟਾ ਹੈ, ਜਿਸ ਦਾ ਨਾਂ ਆਹਿਲ ਸ਼ਰਮਾ ਹੈ। ਸਲਮਾਨ ਤੇ ਆਹਿਲ ਦੀ ਵਧੀਆ ਬੌਂਡਿੰਗ ਖਾਸ ਹੈ। ਸਲਮਾਨ ਆਪਣੇ ਭਾਣਜੇ ਨੂੰ ਬਹੁਤ ਪਿਆਰ ਕਰਦੇ ਹਨ।