ਮੁੰਬਈ(ਬਿਊਰੋ)— 'ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' ਨੂੰ ਖਤਮ ਹੋਏ ਹੁਣ ਹਫਤੇ ਤੋਂ ਜ਼ਿਆਦਾ ਸਮਾਂ ਹੋ ਗਿਆ ਹੈ ਪਰ ਸ਼ੋਅ ਦੇ ਮੁਕਾਬਲੇਬਾਜ਼ਾਂ ਦੀ ਪਾਰਟੀ ਅਜੇ ਵੀ ਜਾਰੀ ਹੈ। ਕਦੇ ਸ਼ੋਅ ਦੀ ਜੇਤੂ ਸ਼ਿਲਪਾ ਸ਼ਿੰਦੇ ਪਾਰਟੀ 'ਚ ਡਾਂਸ ਨੂੰ ਲੈ ਕੇ ਚਰਚਾ 'ਚ ਰਹਿੰਦੀ ਹੈ ਤਾਂ ਕਦੇ ਹਿਨਾ ਖਾਨ।
ਅਜਿਹੇ 'ਚ ਸ਼ੋਅ ਦੀ ਕੰਟਰੋਵਰਸੀ ਕੁਈਨ ਅਰਸ਼ੀ ਖਾਨ ਤੇ ਮਾਸਟਰ ਮਾਇੰਡ ਦੇ ਨਾਂ ਨਾਲ ਮਸ਼ਹੂਰ ਹੋਏ ਵਿਕਾਸ ਗੁਪਤਾ ਕਿਵੇਂ ਪਿੱਛੇ ਰਹਿ ਸਕਦੇ ਹਨ। ਦੋਵਾਂ ਨੂੰ ਇਕੱਠੇ ਇਕ ਪਾਰਟੀ ਕਰਦੇ ਦੇਖਿਆ ਗਿਆ। ਇਹ ਪਾਰਟੀ ਕਿਸੇ ਹੋਰ ਵਲੋਂ ਨਹੀਂ ਸਗੋਂ ਅਰਸ਼ੀ ਖਾਨ ਵਲੋਂ ਦਿੱਤੀ ਗਈ ਸੀ।
ਇਸ ਪਾਰਟੀ ਦੀਆਂ ਕੁਝ ਤਸਵੀਰਾਂ ਤੇ ਵੀਡੀਓਜ਼ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਇਨ੍ਹਾਂ ਤਸਵੀਰਾਂ 'ਚ ਅਰਸ਼ੀ ਖਾਨ ਤੇ ਵਿਕਾਸ ਡਾਂਸ ਕਰਦੇ ਦਿਖਾਈ ਦੇ ਰਹੀ ਹੈ। ਪਾਰਟੀ 'ਚ 'ਬਿੱਗ ਬੌਸ' ਕਈ ਹੋਰ ਮੁਕਾਬਲੇਬਾਜ਼ ਵੀ ਨਜ਼ਰ ਆ ਰਹੇ ਹਨ। 'ਬਿੱਗ ਬੌਸ 11' ਦਾ ਫਿਨਾਲੇ 14 ਜਨਵਰੀ ਨੂੰ ਹੋਇਆ ਸੀ, ਜਿਸ 'ਚ ਸ਼ਿਲਪਾ ਸ਼ਿੰਦੇ ਸ਼ੋਅ ਦੀ ਜੇਤੂ ਬਣੀ ਸੀ।
ਤਿੰਨ ਮਹੀਨੇ ਤੋਂ ਜ਼ਿਆਦਾ ਚੱਲੇ ਇਸ ਸ਼ੋਅ ਤੋਂ ਬਾਹਰ ਆਉਣ ਤੋਂ ਬਾਅਦ ਸਾਰੇ ਇਕ-ਦੂਜੇ ਨਾਲ ਫਿਰ ਤੋਂ ਮਿਲਦੇ ਦਿਖਾਈ ਦੇ ਰਹੇ ਹਨ। ਸ਼ੋਅ ਦੇ ਖਤਮ ਹੋਣ ਤੋਂ ਬਾਅਦ ਵੀ ਸਾਰੇ ਇਸ ਦੀ ਸਫਲਤਾ ਲਈ ਪਾਰਟੀ ਕਰ ਰਹੇ ਹਨ।
