ਮੁੰਬਈ (ਬਿਊਰੋ)— ਸਾਬਕਾ 'ਬਿੱਗ ਬੌਸ' ਮੁਕਾਬਲੇਬਾਜ਼ ਅਰਸ਼ੀ ਖਾਨ ਪਿਛਲੇ ਸਾਲ ਦਸੰਬਰ ਵਿਚ 'ਬਿੱਗ ਬੌਸ' ਦੇ ਘਰ 'ਚੋਂ ਬਾਹਰ ਹੋਣ ਤੋਂ ਬਾਅਦ ਆਪਣੇ ਘਰ ਭੋਪਾਲ ਵਿਚ ਹੈ। ਅਰਸ਼ੀ ਨੇ ਕਿਹਾ,''ਭੋਪਾਲ ਮੇਰਾ ਘਰ ਹੈ। ਇਹ ਜਗ੍ਹਾ ਮੈਨੂੰ ਖੁਸ਼ੀ ਅਤੇ ਸ਼ਾਂਤੀ ਦਿੰਦੀ ਹੈ। ਆਪਣੇ ਪਰਿਵਾਰ, ਦੋਸਤਾਂ ਅਤੇ ਗੁੰਆਡੀਆਂ ਨਾਲ ਮਿਲਣ ਤੋਂ ਬਾਅਦ ਮੈਨੂੰ ਖੁਸ਼ੀ ਮਹਿਸੂਸ ਹੋਈ। ਮੇਰੀ ਚਾਚੀ ਅਤੇ ਮਾਂ ਮੈਨੂੰ ਦੇਖ ਕੇ ਹੈਰਾਨ ਹੋ ਗਈਆਂ।'' ਉਨ੍ਹਾਂ ਨੇ ਕਿਹਾ,''ਮੈਂ ਕੁਝ ਦਿਨਾਂ ਲਈ ਇੱਥੇ ਹਾਂ, ਜਲਦੀ ਮੁੰਬਈ ਵਾਪਿਸ ਆਵਾਂਗੀ। ਮੈਂ 'ਬਾਕਸ ਕ੍ਰਿਕੇਟ ਲੀਗ' ਅਤੇ ਹੋਰ ਸ਼ੋਅਜ਼ ਦੀ ਸ਼ੂਟਿੰਗ ਵਿਚ ਰੁੱਝੀ ਸੀ, ਇਸ ਲਈ ਮੈਨੂੰ ਹੁਣ ਘਰ ਆਉਣ ਦਾ ਮੌਕਾ ਮਿਲਿਆ।'' ਅਰਸ਼ੀ ਇਸ ਤੋਂ ਪਹਿਲਾਂ 'ਇਸ਼ਕ ਮੇਂ ਮਰਜਾਵਾਂ' ਸੀਰੀਅਲ ਵਿਚ ਨਜ਼ਰ ਆ ਚੁੱਕੀ ਹੈ।