ਜਲੰਧਰ(ਬਿਊਰੋ)— ਕਰਨ ਜੌਹਰ ਜਲਦ ਹੀ ਆਪਣੀ ਮਲਟੀਸਟਾਰਰ ਫਿਲਮ 'ਤਖਤ' ਦੀ ਸ਼ੂਟਿੰਗ ਸ਼ੁਰੂ ਕਰਨ ਵਾਲੇ ਹਨ। ਇਸ ਦੇ ਨਾਲ ਜੁੜੀ ਵੱਡੀ ਖਬਰ ਆ ਰਹੀ ਹੈ ਕਿ ਇਸ ਫਿਲਮ ਦੇ ਨਾਲ ਹੀ ਕਿੰਗ ਖਾਨ ਸ਼ਾਹਰੁਖ ਦਾ ਬੇਟਾ ਆਰਿਅਨ ਖਾਨ ਵੀ ਆਪਣਾ ਡੈਬਿਊ ਕਰਨਗੇ।
ਜੀ ਹਾਂ, ਆਰੀਅਨ ਫਿਲਮ 'ਤਖਤ' ਨਾਲ ਇੰਡਸਟਰੀ 'ਚ ਐਂਟਰੀ ਤਾਂ ਕਰ ਰਹੇ ਹਨ ਪਰ ਐਕਟਿੰਗ 'ਚ ਨਹੀਂ ਸਗੋਂ ਉਹ ਕਰਨ ਨੂੰ ਅਸਿਸਟ ਕਰਦੇ ਨਜ਼ਰ ਆਉਣਗੇ। ਫਿਲਮ 'ਚ ਮੁਗਲ ਸਮੇਂ ਦੀ ਕਹਾਣੀ ਨੂੰ ਦਿਖਾਇਆ ਜਾਵੇਗਾ ਜਿਸ 'ਚ ਰਣਵੀਰ ਸਿੰਘ, ਕਰੀਨਾ ਕਪੂਰ, ਆਲੀਆ ਵਰਗੇ ਕਈ ਸਟਾਰ ਹਨ।
ਕੁਝ ਸਮਾਂ ਪਹਿਲਾਂ ਸ਼ਾਹਰੁਖ ਨੇ ਖੁੱਦ ਦੱਸਿਆ ਸੀ ਕਿ ਉਨ੍ਹਾਂ ਦਾ ਬੇਟਾ ਫਿਲਮੀ ਦੁਨੀਆ 'ਚ ਕਦਮ ਰੱਖਣਾ ਚਾਹੁੰਦਾ ਹੈ। ਇਸ ਲਈ ਉਹ ਅਮਰੀਕਾ 'ਚ ਫਿਲਮ ਮੇਕਿੰਗ ਦੀ ਪੜ੍ਹਾਈ ਕਰ ਰਿਹਾ ਹੈ। ਹੁਣ ਲੱਗਦਾ ਹੈ ਕਿ ਜਲਦ ਹੀ ਆਰਿਅਨ ਖਾਨ ਆਪਣੀ ਪੜ੍ਹਾਈ ਪੂਰੀ ਕਰ ਫਿਲਮੇਕਿੰਗ 'ਚ ਆਪਣਾ ਹੱਥ ਅਜ਼ਮਾਉਣ ਦੀ ਤਿਆਰੀ ਕਰਨ ਵਾਲੇ ਹਨ।