ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਸਲਮਾਨ ਖਾਨ ਦੇ ਜੀਜਾ ਤੇ ਐਕਟਰ-ਡਾਇਰੈਕਟਰ ਅਤੁਲ ਅਗਿਨੀਹੋਤਰੀ ਅੱਜ ਆਪਣਾ ਜਨਮਦਿਨ ਮਨਾ ਰਹੇ ਹਨ। ਉਨ੍ਹਾਂ ਦਾ ਜਨਮ 24 ਜੂਨ 1970 ਨੂੰ ਦਿੱਲੀ 'ਚ ਹੋਇਆ ਸੀ। ਉਨ੍ਹਾਂ ਨੇ ਸਾਲ 1995 'ਚ ਸਲਮਾਨ ਖਾਨ ਦੀ ਭੈਣ ਅਲਵੀਰਾ ਖਾਨ ਨਾਲ ਵਿਆਹ ਕਰਵਾਇਆ ਸੀ। ਸਲਮਾਨ ਖਾਨ ਜਦੋਂ ਵੀ ਮੁਸ਼ਕਿਲ ਹੁੰਦੇ ਹਨ, ਉਨ੍ਹਾਂ ਦੀ ਭੈਣ ਅਲਵੀਰਾ ਤੇ ਅਤੁਲ ਹਮੇਸ਼ਾਂ ਹੀ ਸਾਏ ਵਾਂਗ ਨਾਲ ਖੜ੍ਹੇ ਰਹੇ। ਅਤੁਲ ਦੀ ਨਿੱਜੀ ਜ਼ਿੰਦਗੀ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਦੀ ਤੇ ਅਲਵੀਰਾ ਦੀ ਪਹਿਲੀ ਮੁਲਾਕਾਤ ਇਕ ਐਡ ਫਿਲਮ ਦੌਰਾਨ ਹੋਈ ਸੀ। ਉਸ ਸਮੇਂ ਅਤੁਲ ਮਾਡਲਿੰਗ ਕਰਦੇ ਸਨ ਤੇ ਅਲਵੀਰਾ ਉਸ ਐਡ ਫਿਲਮ 'ਚ ਅਸਿਸਟੇਂਟ ਸੀ। ਸੈੱਟ 'ਤੇ ਹੀ ਦੋਵਾਂ ਦੀ ਦੋਸਤੀ ਹੋ ਗਈ ਤੇ ਇਕ-ਦੂਜੇ ਨੂੰ ਫੋਨ ਨੰਬਰ ਦਿੱਤੇ। ਹੋਲੀ-ਹੋਲੀ ਅਤੁਲ ਤੇ ਅਲਵੀਰਾ ਦੀ ਗੱਲਬਾਤ ਅੱਗੇ ਵਧਣ ਲੱਗੀ ਤੇ ਦੋਹਾਂ ਨੇ ਆਪਣੇ ਰਿਸ਼ਤੇ ਨੂੰ ਅੱਗੇ ਵਧਾਉਣਾ ਚਾਹੁੰਦੇ ਸਨ। ਇਸ ਤੋਂ ਬਾਅਦ ਅਤੁਲ ਨੇ ਅਲਵੀਰਾ ਦੇ ਪਿਤਾ ਸਲੀਮ ਖਾਨ ਨਾਲ ਮੁਲਾਕਾਤ ਕੀਤੀ। ਅਤੁਲ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ਬਚਪਨ 'ਚ ਹੀ ਕੀਤੀ ਸੀ ਪਰ ਉਨ੍ਹਾਂ ਨੂੰ ਸਫਲਤਾ ਮਹੇਸ਼ ਭੱਟ ਦੀ ਫਿਲਮ 'ਸਰ' ਨਾਲ ਹੀ ਮਿਲੀ ਸੀ। ਇਸ ਤੋਂ ਬਾਅਦ ਉਹ 'ਕ੍ਰਾਂਤੀਵੀਰ', 'ਨਾਰਾਜ਼', 'ਚਾਚੀ 420' ਤੇ 'ਹਮ ਤੁਮਹਾਰੇ ਹੈ ਸਨਮ' 'ਚ ਨਜ਼ਰ ਆਏ। 'ਹਮ ਤੁਮਹਾਰੇ ਹੈ ਸਨਮ' 'ਚ ਉਨ੍ਹਾਂ ਨੇ ਮਾਧੁਰੀ ਦੀਕਸ਼ਿਤ ਦੇ ਭਰਾ ਦਾ ਕਿਰਦਾਰ ਨਿਭਾਇਆ ਸੀ। ਜਦੋਂ ਐਕਟਿੰਗ 'ਚ ਅਤੁਲ ਨੂੰ ਕੁਝ ਖਾਸ ਸਫਲਤਾ ਨਾ ਮਿਲੀ ਤਾਂ ਉਹ ਡਾਇਰੈਕਸ਼ਨ ਵਾਲੀ ਸਾਈਡ ਚੱਲ ਪਏ ਤੇ 'ਦਿਲ ਨੇ ਜਿਸੇ ਆਪਨਾ ਕਹਾ' ਤੇ 'ਹੈਲੋ' ਫਿਲਮ ਨੂੰ ਡਾਇਰੈਕਟ ਕੀਤਾ ਪਰ ਇਥੇ ਵੀ ਉਨ੍ਹਾਂ ਦੇ ਹੱਥ ਨਿਰਾਸ਼ਾ ਹੀ ਲੱਗੀ। ਡਾਇਰੈਕਸ਼ਨ ਤੋਂ ਬਾਅਦ ਉਹ ਪ੍ਰੋਡਿਊਸਰ ਬਣ ਗਏ। ਦੱਸ ਦੇਈਏ ਕਿ ਉਨ੍ਹਾਂ ਨੇ 'ਹੈਲੋ', 'ਬਾਡੀਗਾਰਡ' ਤੇ 'ਓ ਤੇਰੀ' ਫਿਲਮਾਂ ਨੂੰ ਪ੍ਰੋਡਿਊਸ ਕਰ ਚੁੱਕੇ ਹਨ। ਇਨ੍ਹਾਂ ਫਿਲਮਾਂ 'ਚੋਂ 'ਬਾਡੀਗਾਰਡ' ਫਿਲਮ ਨੇ ਬਾਕਸ ਆਫਿਸ 'ਤੇ 230 ਕਰੋੜ ਦਾ ਕਾਰੋਬਾਰ ਕੀਤਾ ਸੀ। ਸੂਤਰਾਂ ਮੁਤਾਬਕ ਅਤੁਲ ਅੱਜ ਦੇ ਸਮੇਂ 'ਚ ਕਰੋੜਾਂ ਦੀ ਸੰਪਤੀ ਦੇ ਮਾਲਕ ਹਨ। ਉਨ੍ਹਾਂ ਦੀ ਸਾਲਾਨਾ ਅਮਦਨ ਕਰੀਬ 8 ਮਿਲੀਅਨ ਡਾਲਰ ਹੈ।|