ਮੁੰਬਈ(ਬਿਊਰੋ)— ਬਾਲੀਵੁੱਡ ਐਕਟਰ ਆਯੁਸ਼ਮਾਨ ਖੁਰਾਣਾ ਦੀ ਪਤਨੀ ਤਾਹਿਰਾ ਕਸ਼ਅੱਪ ਹਾਲ ਹੀ 'ਚ ਕੈਂਸਰ ਵਰਗੀ ਬਿਮਾਰੀ ਨਾਲ ਮੁਕਾਬਲਾ ਕਰਕੇ ਠੀਕ ਹੋਈ ਹੈ ਪਰ ਇਸ ਸਭ ਦੇ ਚਲਦੇ ਤਾਹਿਰਾ ਨੂੰ ਕੁਝ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ । ਇਨ੍ਹਾਂ ਮੁਸ਼ਕਲਾਂ ਨੂੰ ਲੈ ਕੇ ਤਾਹਿਰਾ ਨੇ ਕੁਝ ਗੱਲਾਂ ਸਾਂਝੀਆਂ ਕੀਤੀਆ ਹਨ। ਇਕ ਇੰਟਰਵਿਊ ਦੌਰਾਨ ਤਾਹਿਰਾ ਨੇ ਕਿਹਾ ਹੈ ਕਿ ਉਸ ਨੂੰ ਪਤਾ ਸੀ ਕਿ ਇਸ ਬਿਮਾਰੀ ਦੇ ਇਲਾਜ਼ ਦੌਰਾਨ ਮਰੀਜ਼ ਦੇ ਵਾਲ ਝੜ ਜਾਂਦੇ ਹਨ ਪਰ ਉਸ ਨੂੰ ਇਹ ਪਤਾ ਨਹੀਂ ਸੀ ਕਿ ਉਹ ਪੂਰੀ ਤਰ੍ਹਾਂ ਸਿਰ ਤੋਂ ਗੰਜੀ ਹੋ ਜਾਵੇਗੀ। ਤਾਹਿਰ ਨੇ ਕਿਹਾ,''ਜਦੋਂ ਇਸ ਹਾਲਤ 'ਚ ਉਸ ਦੇ ਬੇਟੇ ਨੇ ਉਸ ਨੂੰ ਪਹਿਲੀ ਵਾਰ ਦੇਖਿਆ ਤਾਂ ਉਸ ਨੇ ਕਿਹਾ ਕਿ ਉਸ ਨੇ ਬੰਦਿਆਂ ਨੂੰ ਗੰਜਾ ਹੁੰਦਾ ਤਾਂ ਦੇਖਿਆ ਸੀ ਪਰ ਮੇਰੀ ਮਾਂ ਨੇ ਅਜਿਹਾ ਕਿਉਂ ਕੀਤਾ।'' ਫਿਰ ਤਾਹਿਰਾ ਨੇ ਕਿਹਾ ਕਿ ਉਸ ਦੇ ਬੇਟੇ ਨੇ ਕਿਹਾ ਕਿ ਉਹ ਇਸ ਹਾਲਤ 'ਚ ਉਸ ਦੇ ਦੋਸਤਾਂ ਦੇ ਸਾਹਮਣੇ ਨਾ ਆਉਣ ਪਰ ਇਸ ਦੇ ਬਾਵਜੂਦ ਤਾਹਿਰਾ ਨੇ ਆਪਣੇ ਬੇਟੇ ਦੀ ਗੱਲ ਨਾ ਮੰਨਦੇ ਹੋਏ ਨਾਂ ਸਿਰਫ ਉਸ ਦੇ ਦੋਸਤਾਂ ਨੂੰ ਮਿਲੀ ਬਲਕਿ ਉਨ੍ਹਾਂ ਨਾਲ ਟਾਈਮ ਵੀ ਬਿਤਾਇਆ । ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਖੂਬਸੂਰਤੀ ਦੀ ਨਵੀਂ ਪਰਿਭਾਸ਼ਾ ਰੱਖੀ।'' ਤਾਹਿਰਾ ਨੇ ਕਿਹਾ,''ਮੈਂ ਸੁਪਨੇ 'ਚ ਵੀ ਨਹੀਂ ਸੋਚਿਆ ਸੀ ਕਿ ਮੈਂ ਗੰਜੀ ਹੋਣ ਤੋਂ ਬਾਅਦ ਕਿਸ ਤਰ੍ਹਾਂ ਦੀ ਲੱਗਾਗੀ। ਮੈਂ ਉਸ ਤਰ੍ਹਾਂ ਦੇ ਵਿਚਾਰਾਂ ਦੀ ਮਹਿਲਾ ਸੀ ਜਿਸ ਲਈ ਬਿਨ੍ਹਾਂ ਵਾਲਾਂ ਦੇ ਹੋਣਾ ਮਤਲਬ ਬਦਸੂਰਤ ਹੋਣਾ ਸੀ।''