ਮੁੰਬਈ (ਬਿਊਰੋ) — ਮਹਾਰਾਸ਼ਟਰ ਦੇ ਵਿਧਾਨ ਸਭਾ ਦੇ ਮੈਂਬਰ ਬਾਬਾ ਸਿੱਦੀਕੀ ਹਰ ਸਾਲ ਈਦ ਤੋਂ ਪਹਿਲਾਂ ਇਫਤਾਰ ਪਾਰਟੀ ਰੱਖਦੇ ਹਨ। ਹਾਲ ਹੀ 'ਚ ਉਨ੍ਹਾਂ ਨੇ ਇਕ ਸ਼ਾਨਦਾਰ ਪਾਰਟੀ ਦਾ ਆਯੋਜਨ ਕੀਤਾ, ਜਿਸ 'ਚ ਬਾਲੀਵੁੱਡ ਦੇ ਕਈ ਨਾਮੀ ਸਿਤਾਰਿਆਂ ਨੇ ਸ਼ਿਰਕਤ ਕੀਤੀ।
ਹਰ ਸਾਲ ਇਹ ਇਕ ਅਜਿਹਾ ਮੌਕਾ ਹੁੰਦਾ ਹੈ, ਜਿਸ 'ਚ ਬਾਲੀਵੁੱਡ ਦੇ ਦੋਵੇਂ ਖਾਨ ਸ਼ਾਹਰੁਖ ਖਾਨ ਅਤੇ ਸਲਮਾਨ ਖਾਨ ਇਕੱਠੇ ਨਜ਼ਰ ਆਉਂਦੇ ਹਨ।
ਹਾਲਾਂਕਿ ਹੁਣ ਤੱਕ ਦੋਵਾਂ ਦੀਆਂ ਤਸਵੀਰਾਂ ਸਾਹਮਣੇ ਨਹੀਂ ਆਈਆਂ ਪਰ ਪਾਰਟੀ 'ਚ ਦੋਵੇਂ ਹੀ ਪਹੁੰਚੇ ਸਨ।
ਸਲਮਾਨ ਖਾਨ ਜਿਥੇ ਆਪਣੇ ਪੂਰੇ ਪਰਿਵਾਰ ਨਾਲ ਆਏ ਸਨ, ਉਥੇ ਹੀ ਸ਼ਾਹਰੁਖ ਖਾਨ ਇਕੱਲੇ ਹੀ ਨਜ਼ਰ ਆ ਰਹੇ ਸਨ। ਬਾਬਾ ਸਿੱਦੀਕੀ ਦੀ ਰਫਤਾਰ ਪਾਰਟੀ 'ਚ ਸ਼ਾਹਰੁਖ ਕੁੜਤਾ-ਪਜ਼ਾਮਾ 'ਚ ਨਜ਼ਰ ਆਏ।
ਇਥੇ ਉਨ੍ਹਾਂ ਦਾ ਦੇਸੀ ਲੁੱਕ ਲੋਕਾਂ ਨੂੰ ਬੇਹੱਦ ਪਸੰਦ ਆ ਰਿਹਾ ਸੀ। ਇਸ ਪਾਰਟੀ 'ਚ ਸਲਮਾਨ ਖਾਨ ਆਪਣੇ ਸਿਗਨੇਚਰ ਸਟਾਈਲ ਰਿਪਡ ਡੈਨੀਮਸ ਅਤੇ ਸ਼ਰਟ 'ਚ ਦਿਸੇ। ਉਸ ਦੇ ਨਾਲ ਉਸ ਦੀ ਦੋਸਤ ਯੂਲੀਆ ਵੰਤੂਰ ਵੀ ਇਥੇ ਪਹੁੰਚੀ ਸੀ।
ਉਹ ਇਕ ਖੂਬਸੂਰਤ ਅਨਾਰਕਲੀ ਸੂਟ 'ਚ ਨਜ਼ਰ ਆਈ। ਕੈਟਰੀਨਾ ਕੈਫ ਇਸ ਰਫਤਾਰ ਪਾਰਟੀ 'ਚ ਵਾਈਟ ਟ੍ਰੇਡੀਸ਼ਨਲ ਲੁੱਕ 'ਚ ਪਹੁੰਚੀ ਸੀ।
ਉਸ ਨੇ ਆਪਣੇ ਲੁੱਕ ਨੂੰ ਗੋਲਡਨ ਜਿਊਲਰੀ ਨਾਲ ਕੰਪਲੀਟ ਕੀਤਾ ਸੀ, ਜਿਸ 'ਚ ਉਹ ਬੇਹੱਦ ਸ਼ਾਨਦਾਰ ਲੱਗ ਰਹੀ ਹੈ।
ਇਸ ਤੋਂ ਇਲਾਵਾ ਪਾਰਟੀ 'ਚ ਉਰਮਿਲਾ ਮਾਤੋਂਡਕਰ, ਅਰਬਾਜ਼ ਖਾਨ, ਅਰਪਿਤਾ ਖਾਨ, ਆਯੁਸ਼ ਸ਼ਰਮਾ, ਅੰਕਿਤਾ ਲੋਖੰਡੇ, ਰਵੀਨਾ ਟੰਡਨ ਅਤੇ ਸੋਫੀ ਚੌਧਰੀ ਸਮੇਤ ਕਈ ਹੋਰ ਸਿਤਾਰੇ ਵੀ ਨਜ਼ਰ ਆਏ।
