FacebookTwitterg+Mail

ਅੰਤਰਰਾਸ਼ਟਰੀ ਪੱਧਰ 'ਤੇ ਬੱਬੂ ਮਾਨ ਨੇ ਹਾਸਲ ਕੀਤੇ 2 ਵੱਡੇ ਐਵਾਰਡਸ, ਵਧਾਇਆ ਪੰਜਾਬੀਆਂ ਦਾ ਮਾਣ

babbu maan daf bama music awards 2017
18 November, 2017 06:13:06 PM

ਜਲੰਧਰ (ਬਿਊਰੋ)— ਮਸ਼ਹੂਰ ਗੀਤਕਾਰ, ਗਾਇਕ, ਐਕਟਰ, ਡਾਇਰੈਕਟਰ, ਪ੍ਰੋਡਿਊਸਰ ਤੇ ਮਿਊਜ਼ਿਕ ਕੰਪੋਜ਼ਰ ਤਜਿੰਦਰ ਸਿੰਘ ਮਾਨ ਉਰਫ ਬੱਬੂ ਮਾਨ ਹਾਲ ਹੀ 'ਚ 'ਡੈਫ ਬਾਮਾ ਮਿਊਜ਼ਿਕ ਐਵਾਰਡਸ 2017' ਲਈ ਨਾਮੀਨੇਟ ਹੋਏ ਸਨ। ਵੱਖ-ਵੱਖ ਸੱਭਿਆਚਾਰਾਂ ਦੇ ਸੰਗੀਤ ਨੂੰ ਹੁੰਗਾਰਾ ਦੇਣ ਲਈ ਐਵਾਰਡ ਸਮਾਰੋਹ ਹਰ ਸਾਲ ਆਯੋਜਿਤ ਕੀਤਾ ਜਾਂਦਾ ਹੈ, ਜਿਸ 'ਚ ਪੂਰਬੀ ਯੂਰਪ ਦੇਸ਼ਾਂ ਦੇ ਟੈਲੇਂਟਿਡ ਕਲਾਕਾਰਾਂ ਨੂੰ ਸਨਮਾਨਿਤ ਕੀਤਾ ਜਾਂਦਾ ਹੈ। ਬੱਬੂ ਮਾਨ ਨੇ ਇਸ ਐਵਾਰਡ ਸਮਾਰੋਹ ਲਈ ਨਾਮੀਨੇਟ ਹੋ ਕੇ ਨਾ ਸਿਰਫ ਪੰਜਾਬੀਆਂ ਦਾ ਮਾਣ ਵਧਾਇਆ ਹੈ, ਸਗੋਂ ਅੰਤਰਰਾਸ਼ਟਰੀ ਪੱਧਰ 'ਤੇ 2 ਮੁੱਖ ਐਵਾਰਡ ਜਿੱਤ ਕੇ ਪੂਰੀ ਦੁਨੀਆ 'ਚ ਪੰਜਾਬੀ ਬੋਲੀ ਦਾ ਨਾਂ ਉੱਚਾ ਕੀਤਾ ਹੈ।
Punjabi Bollywood Tadka
ਬੱਬੂ ਮਾਨ ਨੇ 'ਬੈਸਟ ਮੇਲ' ਤੇ 'ਬੈਸਟ ਪੰਜਾਬੀ ਐਕਟ' ਵਰਗੇ ਮੁੱਖ ਐਵਾਰਡ ਇਸ ਸਮਾਰੋਹ 'ਚ ਜਿੱਤੇ ਹਨ।
Punjabi Bollywood Tadka
ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਬੱਬੂ ਮਾਨ 4 'ਵਰਲਡ ਮਿਊਜ਼ਿਕ ਐਵਾਰਡਸ' ਜਿੱਤ ਚੁੱਕੇ ਹਨ ਤੇ ਉਨ੍ਹਾਂ ਦੀ ਐਲਬਮ 'ਤਲਾਸ਼ : ਇਨ ਸਰਚ ਆਫ ਸੌਲ' 'ਬਿਲਬੋਰਡ 200 ਚਾਰਟਸ' 'ਚ ਵੀ ਸ਼ਮੂਲੀਅਤ ਕਰ ਚੁੱਕੀ ਹੈ। 'ਡੈਫ ਬਾਮਾ ਮਿਊਜ਼ਿਕ ਐਵਾਰਡਸ' ਜਿੱਤਣ ਤੋਂ ਬਾਅਦ ਬੱਬੂ ਮਾਨ ਨੇ ਸੋਸ਼ਲ ਮੀਡੀਆ 'ਤੇ ਕੁਝ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇਨ੍ਹਾਂ ਤਸਵੀਰਾਂ ਨਾਲ ਬੱਬੂ ਮਾਨ ਨੇ ਲਿਖਿਆ, 'ਸਤਿ ਸ੍ਰੀ ਅਕਾਲ ਜੀ, ਇੱਜ਼ਤ ਵੀ ਤੁਹਾਡੀ, ਇਨਾਮ ਵੀ ਤੁਹਾਡਾ। ਸ਼ੁਰੂਆਤ ਵੀ ਤੁਹਾਡੀ, ਮਾਨ ਵੀ ਤੁਹਾਡਾ। ਬੇਇਮਾਨ।'
Punjabi Bollywood Tadka
ਭਾਰਤ 'ਚੋਂ ਬੱਬੂ ਮਾਨ ਹੀ ਇਕੱਲੇ ਆਰਟਿਸਟ ਨਹੀਂ ਹਨ, ਜੋ ਇਨ੍ਹਾਂ ਐਵਾਰਡਸ ਲਈ ਨਾਮੀਨੇਟ ਹੋਏ ਹਨ। ਉਨ੍ਹਾਂ ਤੋਂ ਇਲਾਵਾ ਨੇਹਾ ਕੱਕੜ ਵੀ 'ਡੈਫ ਬਾਮਾ ਮਿਊਜ਼ਿਕ ਐਵਾਰਡਸ' ਲਈ ਨਾਮੀਨੇਟ ਹੋਈ ਸੀ ਪਰ ਬਦਕਿਸਮਤੀ ਨਾਲ ਉਹ ਕੋਈ ਐਵਾਰਡ ਨਹੀਂ ਜਿੱਤ ਸਕੀ।
Punjabi Bollywood Tadka


Tags: Babbu Maan Daf BAMA Music Awards Neha Kakkar Punjabi Singer