ਜਲੰਧਰ (ਬਿਊਰੋ) — ਪੰਜਾਬੀ ਪ੍ਰਸਿੱਧ ਗਾਇਕ ਅਤੇ ਅਦਾਕਾਰ ਬੱਬੂ ਮਾਨ ਨੇ ਹਾਲ ਹੀ 'ਚ ਆਪਣੇ ਇੰਸਟਾਗ੍ਰਾਮ ਅਕਾਉਂਟ 'ਤੇ ਇਕ ਪੋਸਟ ਸ਼ੇਅਰ ਕੀਤੀ ਹੈ।।ਇਹ ਪੋਸਟ ਉਨ੍ਹਾਂ ਨੇ ਆਪਣੇ ਅੰਕਲ ਮੱਖਣ ਸਿੰਘ ਜੌਹਲ ਦੇ ਦਿਹਾਂਤ 'ਤੇ ਪਾਈ ਹੈ। ਉਨ੍ਹਾਂ ਨੇ ਮੱਖਣ ਸਿੰਘ ਜੌਹਲ ਦੀ ਤਸਵੀਰ ਸ਼ੇਅਰ ਕਰਦੇ ਹੋਏ ਸ਼ਰਧਾਂਜਲੀ ਦਿੰਦੇ ਹੋਏ ਲਿਖਿਆ ਹੈ, ''ਹਮੇਸ਼ਾ ਫੁੱਲਾਂ ਵਾਂਗ ਮਿਹਕਦੇ ਰਹਿਣਾ, ਹਰ ਇਕ ਦੇ ਦੁੱਖ-ਸੁੱਖ 'ਚ ਹਾਜ਼ਿਰ ਹੋ ਜਾਣਾ, ਇਕ ਵਧੀਆ ਖਿਡਾਰੀ, ਪੰਜਾਬ ਤੇ ਪੰਜਾਬੀਅਤ ਦੇ ਦਰਦ ਨੂੰ ਸਮਝਣਾ।'' ਉਨ੍ਹਾਂ ਨੇ ਅੱਗੇ ਦੱਸਿਆ ਹੈ ਕਿ ''ਮੱਖਣ ਸਿੰਘ ਜੌਹਲ ਨੇ ਹੀ ਸਭ ਤੋਂ ਪਹਿਲਾਂ ਇੰਗਲੈਂਡ 'ਚ ਜਾ ਕੇ ਭੰਗੜਾ ਗਰੁੱਪ ਸ਼ੁਰੂ ਕੀਤਾ ਸੀ। ਅੱਜ ਜੇ ਇੰਗਲੈਂਡ 'ਚ ਬੱਚਿਆਂ 'ਚ ਮਿਊਜ਼ਿਕ ਜਾਂ ਢੋਲ ਜਾਂ ਭੰਗੜੇ ਦਾ ਸ਼ੌਕ ਹੈ ਤਾਂ ਇਹ ਜੜ੍ਹਾਂ ਵੀ ਮੱਖਣ ਅੰਕਲ ਤੇ ਉਨ੍ਹਾਂ ਦੇ ਦੋਸਤਾਂ ਦੀਆਂ ਹੀ ਹਨ।''
ਬੱਬੂ ਮਾਨ ਨੇ ਅੱਗੇ ਦੱਸਿਆ ਕਿ ਸੰਗੀਤਕ ਪਿਆਰ ਨੇ ਹੀ ਅੰਕਲ ਨਾਲ ਮਿਲਾਇਆ ਤੇ ਮਿੱਤਰਤਾ ਰਿਸ਼ਤੇਦਾਰੀਆਂ 'ਚ ਤਬਦੀਲ ਹੋ ਗਈਆਂ। ਇਹ ਘਾਟਾ ਕਦੇ ਵੀ ਪੂਰਾ ਨਹੀਂ ਹੋਣਾ, ਬਹੁਤ ਯਾਦ ਆਵੇਗੀ ਤੁਹਾਡੀ। ਮੱਖਣ ਸਿੰਘ ਜੌਹਲ ਅੰਕਲ । ਇਸ ਪੋਸਟ 'ਤੇ ਜੋਬਨ ਸੰਧੂ ਤੇ ਪ੍ਰਸ਼ੰਸਕ ਵੀ ਕਮੈਂਟਾਂ ਰਾਹੀਂ ਬੱਬੂ ਮਾਨ ਨੂੰ ਹੌਸਲਾ ਦਿੰਦੇ ਹੋਏ ਦੁੱਖ ਜਤਾਇਆ ਹੈ। ਮੱਖਣ ਸਿੰਘ ਜੌਹਲ ਨਾਲ ਬੱਬੂ ਮਾਨ ਦਾ ਕਾਫੀ ਲਗਾਅ ਸੀ। ਇਹ ਬਹੁਤ ਘੱਟ ਹੁੰਦਾ ਹੈ ਜਦੋਂ ਬੱਬੂ ਮਾਨ ਕਿਸੇ ਲਈ ਕੁਝ ਭਾਵੁਕ ਲਿਖ ਕੇ ਸ਼ੇਅਰ ਕਰਨ।