ਮੁੰਬਈ(ਬਿਊਰੋ)— ਈਸ਼ਾ ਅੰਬਾਨੀ ਅਤੇ ਆਨੰਦ ਪਿਰਾਮਲ ਦੇ ਵਿਆਹ ਦੀ ਸੰਗੀਤ ਸੈਰਮਨੀ 'ਚ ਜਿੱਥੇ ਬਾਲੀਵੁੱਡ ਸਿਤਾਰਿਆਂ ਨੇ ਮਸਤੀ ਕੀਤੀ ਉੱਥੇ ਹੀ ਇੰਟਰਨੇਸ਼ਨਲ ਸਟਾਰ ਬਿਓਂਸ ਨੇ ਵੀ 60 ਡਾਂਸਰਾਂ ਨਾਲ ਲਾਈਵ ਪ੍ਰਫਾਰਮ ਕਰਕੇ ਸਭ ਦਾ ਦਿਲ ਜਿੱਤਿਆ।
ਇਸ ਤੋਂ ਬਾਅਦ ਉਹ ਆਪਣੇ ਦੇਸ਼ ਵਾਪਸ ਪਰਤ ਗਈ। ਉਸ ਨੂੰ ਸਖਤ ਸੁਰੱਖਿਆ ਹੇਠ ਮਹਾਰਾਣਾ ਪ੍ਰਤਾਪ ਏਅਰਪੋਰਟ 'ਤੇ ਦੇਖਿਆ ਗਿਆ।
ਖਬਰਾਂ ਮੁਤਾਬਕ ਬਿਓਂਸ ਨੇ ਇਸ ਲਾਈਵ ਪ੍ਰਫਾਰਮੈਂਸ ਲਈ ਕਰੀਬ 14 ਕਰੋੜ 27 ਲੱਖ ਰੁਪਏ ਵਸੂਲ ਕੀਤੇ ਹਨ।
ਜਿਵੇਂ ਹੀ ਬਿਓਂਸ ਏਅਰਪੋਰਟ 'ਤੇ ਪਹੁੰਚੀ ਤਾਂ ਕੁਝ ਹਲਚਲ ਸ਼ੁਰੂ ਹੋਣ ਦੇ ਨਾਲ ਹੀ ਉਸ ਨੇ ਆਪਣੀ ਹੂਡ ਨਾਲ ਆਪਣੇ-ਆਪ ਨੂੰ ਕਵਰ ਕਰ ਲਿਆ ਪਰ ਭਾਰਤ ਤੋਂ ਜਾਂਦੇ ਸਮੇਂ ਬਿਓਂਸ ਦੇ ਚਿਹਰੇ 'ਤੇ ਮੁਸਕੁਰਾਹਟ ਨਜ਼ਰ ਆ ਰਹੀ ਸੀ।
ਦੇਸ਼-ਵਿਦੇਸ਼ ਤੋਂ ਕੁੱਲ 1800 ਹਸਤੀਆਂ ਨੇ ਈਸ਼ਾ ਅੰਬਾਨੀ ਅਤੇ ਆਨੰਦ ਪਿਰਾਮਲ ਦੀ ਪ੍ਰੀ-ਵੈਡਿੰਗ 'ਚ ਸ਼ਿਰਕਤ ਕੀਤੀ।