ਜਲੰਧਰ (ਬਿਊਰੋ)— ਕੱਲ ਯਾਨੀ ਸ਼ੁੱਕਰਵਾਰ ਨੂੰ ਰਿਲੀਜ਼ ਹੋਣ ਜਾ ਰਹੀ ਪੰਜਾਬੀ ਫਿਲਮ 'ਭਲਵਾਨ ਸਿੰਘ' ਦੀ ਟੀਮ ਅੱਜ ਮੋਹਾਲੀ ਦੇ ਨਾਰਥ ਕੰਟਰੀ ਮਾਲ 'ਚ ਖੁੱਲ੍ਹਾ ਅਖਾੜਾ ਲਗਾਉਣ ਆ ਰਹੀ ਹੈ। ਇਸ ਦੌਰਾਨ 'ਭਲਵਾਨ ਸਿੰਘ' ਫਿਲਮ ਦੀ ਪੂਰੀ ਟੀਮ ਤੋਂ ਇਲਾਵਾ ਪ੍ਰਭ ਗਿੱਲ, ਹੈਪੀ ਰਾਏਕੋਟੀ, ਹਨੀ ਸਰਕਾਰ, ਸੱਜਣ ਅਦੀਬ, ਰੰਮੀ ਰੋਮਾਨਾ ਤੇ ਬੀਰ ਸਿੰਘ ਵੀ ਆਪਣੇ ਹਿੱਟ ਗੀਤਾਂ 'ਤੇ ਪੇਸ਼ਕਾਰੀ ਦੇਣਗੇ ਤੇ ਹਾਜ਼ਰੀਨ ਨੂੰ ਨੱਚਣ 'ਤੇ ਮਜਬੂਰ ਕਰਨਗੇ।
ਦੱਸਣਯੋਗ ਹੈ ਕਿ 'ਭਲਵਾਨ ਸਿੰਘ' ਦੀ ਪ੍ਰਮੋਸ਼ਨ ਦਾ ਅੱਜ ਆਖਰੀ ਦਿਨ ਹੈ। ਇਸ ਤੋਂ ਬਾਅਦ ਕੱਲ ਫਿਲਮ ਦੇਸ਼ ਭਰ ਦੇ ਨਾਲ-ਨਾਲ ਵਿਦੇਸ਼ਾਂ 'ਚ ਵੀ ਰਿਲੀਜ਼ ਹੋਣ ਜਾ ਰਹੀ ਹੈ। ਫਿਲਮ 'ਚ ਰਣਜੀਤ ਬਾਵਾ, ਨਵਪ੍ਰੀਤ ਬੰਗਾ, ਮਾਨਵ ਵਿਜ ਤੇ ਕਰਮਜੀਤ ਅਨਮੋਲ ਮੁੱਖ ਭੂਮਿਕਾ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਦਾ ਨਿਰਦੇਸ਼ਨ ਪਰਮ ਸ਼ਿਵ ਨੇ ਕੀਤਾ ਹੈ, ਜਿਹੜੀ ਅਮੀਕ ਵਿਰਕ, ਕਾਰਜ ਗਿੱਲ ਤੇ ਜਸਪਾਲ ਸਿੰਘ ਸੰਧੂ ਵਲੋਂ ਪ੍ਰੋਡਿਊਸ ਕੀਤੀ ਗਈ ਹੈ।