ਅੰਮ੍ਰਿਤਸਰ(ਬਿਊਰੋ)- ਫਿਲਮ ‘ਭੰਗੜਾ ਪਾ ਲੈ’ ਦੀ ਮੁੱਖ ਜੋੜੀ ਸੰਨੀ ਕੌਸ਼ਲ ਅਤੇ ਰੁਖਸਾਰ ਢਿੱਲੋਂ ਨੇ ਆਪਣੀ ਰਿਲੀਜ਼ ਤੋਂ ਪਹਿਲਾਂ ਹੀ ਦਰਸ਼ਕਾਂ ਦੇ ਦਿਲਾਂ ਵਿਚ ਖਾਸ ਜਗ੍ਹਾ ਬਣਾ ਲਈ ਹੈ। ਦੋਵਾਂ ਦੀ ਕੈਮਿਸਟਰੀ ਨੂੰ ਖੂਬ ਪਸੰਦ ਕੀਤਾ ਜਾ ਰਿਹਾ ਹੈ। ਹਾਲ ਹੀ ਵਿਚ, ਨਿਰਦੇਸ਼ਕ ਸਨੇਹਾ ਤੌਰਾਨੀ ਨਾਲ ਫਿਲਮ ਦੀ ਟੀਮ ਨੇ ਅਮ੍ਰਿਤਸਰ ਦੇ ਵਾਘਾ ਬਾਰਡਰ ਅਤੇ ਸ੍ਰੀ ਹਰਿਮੰਦਰ ਦਾ ਦੌਰਾ ਕੀਤਾ।
ਇਸ ਤੋਂ ਪਹਿਲਾਂ, ਕਲਾਕਾਰਾਂ ਨੇ ਚੰਡੀਗੜ੍ਹ ਦਾ ਦੌਰਾ ਕੀਤਾ ਸੀ ਅਤੇ ਇਸ ਵਾਰ ਉਹ ਅਸ਼ੀਰਵਾਦ ਲੈਣ ਲਈ ਹਰਮਿੰਦਰ ਸਾਹਿਬ ਪਹੁੰਚੇ ਸਨ। ਜਿਸ ਤੋਂ ਬਾਅਦ ਉਨ੍ਹਾਂ ਨੇ ਵਾਘਾ ਬਾਰਡਰ ਦਾ ਦੌਰਾ ਕੀਤਾ । ਜੇਕਰ ਫਿਲਮ ਦੀ ਗੱਲ ਕਰੀਏ ਤਾਂ ਫਿਲਮ ਵਿਚ ਤੁਹਾਨੂੰ ਇਕ ਨਹੀਂ ਸਗੋਂ ਦੋ ਲਵ ਸਟੋਰੀਆਂ ਦੇਖਣ ਨੂੰ ਮਿਲਣਗੀਆਂ।
ਇਕ ਕਹਾਣੀ ਆਜ਼ਾਦੀ ਤੋਂ ਪਹਿਲਾਂ ਦੀ ਹੋਵੇਗੀ ਅਤੇ ਦੂਜੀ ਅੱਜ ਦੇ ਸਮੇਂ ਦੀ ਹੋਵੇਗੀ। ਰੁਖਸਾਰ ਅਤੇ ਸੰਨੀ ਇਸ ਫਿਲਮ ਵਿਚ ਦੋਹਰੀ ਭੂਮਿਕਾ ਨਿਭਾ ਰਹੇ ਹਨ, ਜਿੱਥੇ ਅਜ਼ਾਦੀ ਤੋਂ ਪਹਿਲਾਂ ਸੰਨੀ ਇਕ ਫੌਜੀ ਦੇ ਕਿਰਦਾਰ ਵਿਚ ਨਜ਼ਰ ਆਉਣਗੇ, ਜੋ ਰੁਖਸਾਰ ਨੂੰ ਆਪਣਾ ਦਿਲ ਦੇ ਬੈਠਦੇ ਹਨ ਅਤੇ ਉਸ ਨੂੰ ਪਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕਰਦੇ ਹਨ।
ਉਥੇ ਹੀ ਅਜੋਕੇ ਜ਼ਮਾਨੇ ਵਿਚ ਦੋਵੇਂ ਇਕ ਡਾਂਸ ਕਰੂ ਦਾ ਹਿੱਸਾ ਹਨ ਅਤੇ ਡਾਂਸ ਵਿਚ ਹੀ ਉਨ੍ਹਾਂ ਦੀ ਦੀਵਾਨਗੀ ਬਸਦੀ ਹੈ ਪਰ ਉਨ੍ਹਾਂ ਦੀ ਇਸ ਨੋਕਝੋਂਕ ਵਿਚ ਵੀ ਪਿਆਰ ਲੁੱਕਿਆ ਹੈ, ਜੋ ਇਨ੍ਹਾਂ ਦੀ ਪ੍ਰੇਮ ਕਹਾਣੀ ਨੂੰ ਜ਼ਿਆਦਾ ਰੋਮਾਂਚਕ ਬਣਾਉਂਦਾ ਹੈ। ਫਿਲਮ 3 ਜਨਵਰੀ 2020 ਵਿਚ ਸਿਨੇਮਾਘਰਾਂ ਵਿਚ ਰਿਲੀਜ਼ ਹੋਵੇਗੀ।
