ਮੁੰਬਈ— ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਇਸ ਸਾਲ ਦੇ ਅਖੀਰ ਤਕ ਆਪਣੇ ਬੁਆਏਫਰੈਂਡ ਹਰਸ਼ ਲਿੰਬਚੀਆ ਨਾਲ ਵਿਆਹ ਕਰਵਾਉਣ ਜਾ ਰਹੀ ਹੈ। ਵਿਆਹ ਤੋਂ ਪਹਿਲਾਂ ਭਾਰਤੀ ਨੇ ਹਰਸ਼ ਨਾਲ ਰੋਮਾਂਟਿਕ ਫੋਟੋਸ਼ੂਟ ਕਰਵਾਇਆ ਹੈ। ਇਸ ਫੋਟੋਸ਼ੂਟ 'ਚ ਭਾਰਤੀ ਦਾ ਉਹ ਅੰਦਾਜ਼ ਦਿਖਿਆ ਹੈ, ਜੋ ਤੁਸੀਂ ਪਹਿਲਾਂ ਕਦੇ ਨਹੀਂ ਦੇਖਿਆ ਹੋਵੇਗਾ। ਇਨ੍ਹਾਂ ਤਸਵੀਰਾਂ 'ਚ ਭਾਰਤੀ ਬਲੈਕ ਗਾਊਨ 'ਚ ਬਹੁਤ ਹੀ ਖੂਬਸੂਰਤ ਨਜ਼ਰ ਆ ਰਹੀ ਹੈ। ਉਥੇ ਹਰਸ਼ ਵੀ ਕੁਝ ਘੱਟ ਨਜ਼ਰ ਨਹੀਂ ਆ ਰਹੇ ਹਨ। ਉਨ੍ਹਾਂ ਦੀਆਂ ਇਹ ਪਿਆਰੀਆਂ ਤਸਵੀਰਾਂ ਫੈਨਜ਼ ਨੂੰ ਕਾਫੀ ਪਸੰਦ ਆ ਰਹੀਆਂ ਹਨ। ਇਸ ਫੋਟੋਸ਼ੂਟ ਬਾਰੇ ਭਾਰਤੀ ਨੇ ਦੱਸਿਆ ਹੈ ਕਿ ਹਰਸ਼ ਵਿਆਹ ਤੋਂ ਪਹਿਲਾਂ ਕੁਝ ਵਧੀਆ ਤਸਵੀਰਾਂ ਚਾਹੁੰਦੇ ਸਨ, ਇਸ ਲਈ ਦੋਵਾਂ ਨੇ ਇਹ ਫੋਟੋਸ਼ੂਟ ਕਰਵਾਇਆ। ਭਾਰਤੀ ਨੇ ਦੱਸਿਆ ਕਿ ਇਸ ਫੋਟੋਸ਼ੂਟ ਦੌਰਾਨ ਦੋਵਾਂ ਨੇ ਕਾਫੀ ਮਸਤੀ ਕੀਤੀ।