ਮੁੰਬਈ (ਬਿਊਰੋ) : ਰਿਐਲਿਟੀ ਸ਼ੋਅ 'ਬਿੱਗ ਬੌਸ 13' 'ਚ ਜਲਦ ਹੀ ਦਰਸ਼ਕਾਂ ਨੂੰ ਵੱਡਾ ਟਵਿਸਟ ਦੇਖਣ ਨੂੰ ਮਿਲ ਸਕਦਾ ਹੈ। ਪਹਿਲੀ ਵਾਰ 'ਚ ਘਰ ਅੰਦਰ ਭੇਜੇ ਗਏ ਇਨ੍ਹਾਂ ਸੈਲੇਬਸ 'ਚੋਂ ਕਿਸ ਨੂੰ ਟਿਕਟ ਟੂ ਫਿਨਾਲੇ ਮਿਲੇਗਾ ਅਤੇ ਇਸ ਹਫਤੇ ਕੌਣ ਘਰ 'ਚੋਂ ਬਾਹਰ ਹੋਵੇਗਾ, ਇਸ ਲਈ ਫੈਨਜ਼ ਨੂੰ ਇੰਤਜ਼ਾਰ ਕਰਨਾ ਪਵੇਗਾ। ਫਿਲਹਾਲ ਰਿਪੋਰਟਾਂ ਦੀ ਮੰਨੀਏ ਤਾਂ ਦਰਸ਼ਕਾਂ ਨੂੰ ਸ਼ੋਅ ਦੇ ਚੌਥੇ ਹਫਤੇ ਪਹਿਲੀ ਵਾਇਲਡ ਕਾਰਡ ਐਂਟਰੀ ਦੇਖਣ ਨੂੰ ਮਿਲ ਸਕਦੀ ਹੈ।
ਦੱਸ ਦਈਏ ਕਿ 'ਬਿੱਗ ਬੌਸ 13' ਦੇ ਘਰ 'ਚ ਪਹਿਲੀ ਐਂਟਰੀ ਲਈ ਭੋਜਪੁਰੀ ਸਟਾਰ ਖੇਸਰੀ ਲਾਲ ਯਾਦਵ ਦਾ ਨਾਂ ਸਭ ਤੋਂ ਅੱਗੇ ਚੱਲ ਰਿਹਾ ਹੈ। ਅਜਿਹਾ ਪਹਿਲੀ ਵਾਰ ਨਹੀਂ ਹੈ ਕਿ ਕੋਈ ਭੋਜਪੁਰੀ ਸਟਾਰ ਸ਼ੋਅ 'ਚ ਆ ਰਿਹਾ ਹੈ। ਹਾਲਾਂਕਿ ਇਸ ਤੋਂ ਪਹਿਲਾਂ ਮਨੋਜ ਤਿਵਾਰੀ, ਰਵੀ ਕਿਸ਼ਨ, ਮੋਨਾਲਿਸਾ ਵਰਗੇ ਸਟਾਰ ਵੀ ਸ਼ੋਅ 'ਚ ਆਪਣਾ ਜਲਵਾ ਦਿਖਾ ਚੁੱਕੇ ਹਨ।
ਦੱਸਣਯੋਗ ਹੈ ਕਿ 'ਬਿੱਗ ਬੌਸ' ਦਾ 13ਵਾਂ ਸੀਜ਼ਨ ਵੀ ਲਗਾਤਾਰ ਟੀ. ਆਰ. ਪੀ. ਦੀ ਰੇਸ 'ਚ ਪਿੱਛੇ ਜਾ ਰਿਹਾ ਹੈ। ਅਜਿਹੇ 'ਚ ਟੀ. ਆਰ. ਪੀ. ਲਈ ਸ਼ੋਅ 'ਚ ਕਿਸੇ ਭੋਜਪੁਰੀ ਸਟਾਰ ਨੂੰ ਐਂਟਰੀ ਦਿੱਤੀ ਜਾ ਸਕਦੀ ਹੈ। ਰਿਪੋਰਟਾਂ ਦੀ ਮੰਨੀਏ ਤਾਂ ਕੇਸਰੀ ਲਾਲ ਨੂੰ 25 ਅਕਤੂਬਰ ਸ਼ੋਅ 'ਚ ਐਂਟਰੀ ਮਿਲ ਸਕਦੀ ਹੈ।