ਨਵੀਂ ਦਿੱਲੀ (ਬਿਊਰੋ) : ਭੋਜਪੁਰੀ ਸਿਨੇਮਾ ਦੀ ਸੁਪਰਹਿੱਟ ਜੋੜੀ ਦਿਨੇਸ਼ ਲਾਲ ਯਾਦਵ ਨਿਰਹੁਆ ਅਤੇ ਆਮਰਪਾਲੀ ਦੁਬੇ ਦੇ ਲੱਖਾਂ ਫੈਨਜ਼ ਹਨ। ਦੋਵਾਂ ਨੇ ਕਈ ਫਿਲਮਾਂ ਵਿਚ ਇਕੱਠੇ ਕੰਮ ਕੀਤਾ ਹੈ। ਹਾਲ ਹੀ ਵਿਚ ਦੋਵਾਂ ਦਾ ਇਕ ਹੋਰ ਨਵਾਂ ਡਾਂਸ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਇਸ ਵੀਡੀਓ ਵਿਚ ਦੋਵੇਂ ਜ਼ਬਰਦਸਤ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਇੰਨ੍ਹਾ ਜ਼ਬਰਦਸਤ ਹੈ ਕਿ ਇਸ ਨੂੰ ਹੁਣ ਤਕ ਲੱਖਾਂ ਵਾਰ ਦੇਖਿਆ ਅਤੇ ਹਜ਼ਾਰਾਂ ਵਾਰ ਸ਼ੇਅਰ ਕੀਤਾ ਜਾ ਚੁੱਕਾ ਹੈ।
ਦਰਅਸਲ ਇਹ ਵੀਡੀਓ ਸਿੰਘਾਪੁਰ ਵਿਚ ਹੋਣ ਵਾਲੇ ਸ਼ੋਅ ਦੇ ਰਿਹਸਲ ਦਾ ਹੈ, ਜਿਸ 'ਚ ਨਿਰਹੁਆ ਅਤੇ ਆਮਰਪਾਲੀ ਦੁਬੇ ਆਪਣੇ ਮਸ਼ਹੂਰ ਗੀਤ 'ਹਮਾਰੇ ਪਤੀਦੇਵ ਜੀ' 'ਤੇ ਧਮਾਕੇਦਾਰ ਡਾਂਸ ਕਰਦੇ ਨਜ਼ਰ ਆ ਰਹੇ ਹਨ। 4 ਜਨਵਰੀ ਨੂੰ ਯੂਟਿਊਬ 'ਤੇ ਅਪਲੋਡ ਕੀਤੇ ਗਏ ਇਸ ਵੀਡੀਓ ਨੂੰ 28.67 ਲੱਖ ਤੋਂ ਵੀ ਜ਼ਿਆਦਾ ਵਾਰ ਦੇਖਿਆ ਗਿਆ ਹੈ। ਇਨ੍ਹਾਂ ਨਾਲ ਕਈ ਬੈਕਗ੍ਰਾਉਂਡ ਡਾਂਸਰ ਡਾਂਸ ਸਟੈਪ ਨੂੰ ਫਾਲੋ ਕਰਦੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਨੂੰ ਦੇਖ ਕੇ ਸਮਝ ਆ ਰਿਹਾ ਹੈ ਕਿ ਇਹ ਸਟਾਰਜ਼ ਆਪਣੇ ਸ਼ੋਅ ਲਈ ਕਿੰਨੀ ਮਿਹਨਤ ਕਰਦੇ ਹਨ।