ਮੁੰਬਈ (ਬਿਊਰੋ)— ਰਿਐਲਿਟੀ ਸ਼ੋਅ 'ਬਿੱਗ ਬੌਸ' ਸੀਜ਼ਨ 11 'ਚ ਤੀਜੇ ਹਫਤੇ ਦੀ ਨਾਮੀਨੇਸ਼ਨ ਪ੍ਰਕਿਰਿਆ ਤੋਂ ਬਾਅਦ ਇਕ ਫਿਰ ਕੁੱਟ ਮਾਰ ਕੀਤੀ ਗਈ। ਘਰ ਦਾ ਕੈਪਟਨ ਹੋਣ ਦੇ ਨਾਤੇ ਵਿਕਾਸ ਗੁਪਤਾ ਨੂੰ ਇਸ ਹਫਤੇ 7 ਲੋਕਾਂ ਨੂੰ ਨਾਮੀਨੇਟ ਕਰਨ ਦਾ ਰਾਈਟ ਮਿਲਿਆ ਸੀ। ਵਿਕਾਸ ਨੇ ਨਾਮੀਨੇਸ਼ਨ ਪ੍ਰਕਿਰਿਆ 'ਚ ਆਪਣੇ ਕਿਸੇ ਵੀ ਦੋਸਤ ਨੂੰ ਨਾਮੀਨੇਟ ਨਹੀਂ ਕੀਤਾ। ਵਿਕਾਸ ਦੇ ਇਸ ਫੈਸਲੇ ਤੋਂ ਬਾਅਦ ਘਰ ਵਾਲੇ ਕਾਫੀ ਗੁੱਸੇ ਹੋ ਗਏ।
ਵਿਕਾਸ ਨੇ 14ਵੇਂ ਦਿਨ ਦੀ ਸ਼ੁਰੂਆਤ 'ਚ ਹਿਨਾ ਖਾਨ ਤੋਂ ਪੁਰਾਣੀਆਂ ਗੱਲਾਂ ਭੁੱਲ ਕੇ ਦੋਸਤੀ ਕਰਨ ਲਈ ਕਿਹਾ। ਹਿਨਾ ਨੇ ਕਿਹਾ ਕਿ ਠੀਕ ਹੈ ਤੁਸੀਂ ਆਪਣੀਆਂ ਹਰਕਤਾਂ ਲਈ ਮਾਫੀ ਮੰਗ ਲਵੋ ਪਰ ਜਦੋਂ ਨਾਮੀਨੇਸ਼ਨ ਪ੍ਰਕਿਰਿਆ ਲਈ ਮੁਕਾਬਲੇਬਾਜ਼ ਦਾ ਨਾਂ ਲੈਣ ਦੀ ਗੱਲ ਸਾਹਮਣੇ ਆਈ ਤਾਂ ਵਿਕਾਸ ਨੇ ਹਿਨਾ ਨੂੰ ਨਾਮੀਨੇਟ ਕਰ ਦਿੱਤਾ।ਵਿਕਾਸ ਨੇ ਹਿਨਾ ਤੋਂ ਇਲਾਵਾ ਸ਼ਿਲਪਾ, ਆਕਾਸ਼, ਪੁਨਿਸ਼, ਸਪਨਾ ਅਤੇ ਲਵ ਨੂੰ ਘਰ ਤੋਂ ਬਾਹਰ ਜਾਣ ਲਈ ਨਾਮੀਨੇਟ ਕੀਤਾ। ਇਸ ਤੋਂ ਬਾਅਦ ਇਹ ਸਭ ਲੋਕ ਵਿਕਾਸ 'ਤੇ ਭੜਕ ਗਏ ਅਤੇ ਉਨ੍ਹਾਂ ਵਿਕਾਸ 'ਤੇ ਆਪਣੇ ਦੋਸਤਾਂ ਦਾ ਪੱਖ ਕਰਨ ਦਾ ਆਰੋਪ ਲਗਾਇਆ।
ਪੁਨਿਸ਼ ਅਤੇ ਆਕਾਸ਼ ਇਸ ਹਫਤੇ ਨਾਮੀਨੇਟ ਹੋਣ ਤੋਂ ਬਾਅਦ ਕਾਫੀ ਗੁੱਸੇ 'ਚ ਆ ਗਏ। ਦੋਵਾਂ ਨੇ ਹੀ ਦਾਅਵਾ ਕੀਤਾ ਹੈ ਕਿ ਵਿਕਾਸ ਨੂੰ ਸਬਕ ਸਿਖਾ ਕੇ ਰਹਾਂਗੇ ਪਰ ਬਿੱਗ ਬੌਸ ਦੇ ਸੂਤਰਾਂ ਮੁਤਾਬਕ ਕੱਲ ਦਾ ਐਪੀਸੋਡ ਪੂਰਾ ਹੋਣ ਤੋਂ ਬਾਅਦ ਵਿਕਾਸ ਅਤੇ ਪੁਨੀਸ਼ 'ਚ ਝਗੜਾ ਹੋ ਗਿਆ। ਬਿੱਗ ਬੌਸ ਨਾਲ ਜੁੜੀ ਜਾਣਾਕਾਰੀ ਦੇਣ ਵਾਲੇ ਟਵਿਟਰ ਹੈਂਡਲ ਨੇ ਦੱਸਿਆ ਕਿ ਵਿਕਾਸ ਨੇ ਗੁੱਸੇ 'ਚ ਪੁਨਿਸ਼ 'ਤੇ ਹੱਥ ਚੁੱਕਿਆ। ਵਿਕਾਸ ਨੂੰ ਆਪਣੀ ਇਸ ਹਰਕਤ ਦਾ ਖਾਮਿਆਜ਼ਾ ਕਪਤਾਨੀ ਗੁਵਾ ਕੇ ਚੁਕਾਉਣਾ ਪਿਆ।
ਵਿਕਾਸ ਦੇ ਕਪਤਾਨੀ ਗਵਾਉਣ ਤੋਂ ਬਾਅਦ ਪੁਨੀਸ਼ ਨੂੰ ਘਰ ਦਾ ਨਵਾਂ ਕੈਪਟਨ ਬਣਾ ਦਿੱਤਾ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਵਿਕਾਸ ਨੂੰ ਇਸ ਹਰਕਤ ਲਈ ਕਾਲ ਕੋਠਰੀ 'ਚ ਰਹਿਣ ਦੀ ਸਜਾ ਦਿੱਤੀ ਗਈ ਅਤੇ ਹੁਣ ਪੂਰੇ ਸੀਜ਼ਨ 'ਚ ਕਦੀ ਕਪਤਾਨ ਨਹੀਂ ਬਣ ਸਕਦਾ। ਇਸ ਤੋਂ ਇਲਾਵਾ ਸ਼ਾਮ 6:30 ਵਜੇ ਅਕਾਸ਼ ਨੇ ਲਿਊਸਿੰਡਾ ਨੂੰ ਨਾਮੀਨੇਟ ਕੀਤਾ, ਕਿਉਂਕਿ ਉਨ੍ਹਾਂ ਦਾ ਮੰਨਣਾ ਹੈ ਕਿ ਉਸਦੀ ਵਜ੍ਹਾ ਕਰਕੇ ਇੰਗਲਿਸ਼ 'ਚ ਗੱਲ ਕਰਨੀ ਪੈਂਦੀ ਹੈ ਅਤੇ ਜੇਕਰ ਉਸਨੂੰ ਜਿੱਤਣਾ ਹੈ ਤਾਂ ਇਹ ਗੱਲ ਉਸ ਲਈ ਸਹੀ ਨਹੀਂ ਹੈ। ਹਿਨਾ ਖਾਨ ਨਾਮੀਨੇਸ਼ਨ ਦੀ ਪ੍ਰਕਿਰਿਆ 'ਚ ਸਭ ਤੋਂ ਪਹਿਲੇ ਨੰਬਰ 'ਤੇ ਹੈ।