ਮੁੰਬਈ (ਬਿਊਰੋ)— ਟੀ. ਵੀ. ਦਾ ਮਸ਼ਹੂਰ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 11' 'ਚ ਹਰ ਰੋਜ ਨਵਾਂ ਡਰਾਮਾ ਦੇਖਣ ਨੂੰ ਮਿਲਦਾ ਹੈ। ਸ਼ੋਅ ਦੇ ਖਤਮ ਹੋਣ 'ਚ ਕਰੀਬ 1 ਮਹੀਨੇ ਦਾ ਸਮਾਂ ਬਾਕੀ ਹੈ। ਇਸਨੂੰ ਦੇਖਦੇ ਹੋਏ ਘਰ ਦੇ ਮੁਕਾਬਲੇਬਾਜ਼ਾਂ ਨੂੰ ਘਰ 'ਚੋਂ ਬਾਹਰ ਜਾਣ ਦਾ ਡਰ ਸਤਾਉਣ ਲੱਗ ਹੈ। ਬਿੱਗ ਬੌਸ ਦੇ ਇਸ ਹਫਤੇ ਘਰ 'ਚੋਂ ਬਾਹਰ ਜਾਣ ਲਈ ਸ਼ਿਲਪਾ ਸ਼ਿੰਦੇ, ਹਿਤੇਨ ਤੇਜ਼ਵਾਨੀ, ਪ੍ਰਿਆਂਕ ਸ਼ਰਮਾ ਅਤੇ ਲਵ ਤਿਆਗੀ ਨੂੰ ਨਾਮੀਨੇਟ ਕੀਤਾ ਗਿਆ ਹੈ।
ਨਾਮੀਨੇਸ਼ਨ ਪ੍ਰਕਿਰਿਆ ਪੂਰੀ ਹੋਣ ਤੋਂ ਬਾਅਦ ਅਰਸ਼ੀ ਖਾਨ, ਆਕਾਸ਼ ਅਤੇ ਪੁਨੀਸ਼ ਇਹ ਯੋਜਨਾ ਬਣਾ ਰਹੇ ਸਨ ਕਿ ਅੱਗੇ ਉਹ ਇਕ ਦੂਜੇ ਨੂੰ ਕਿਵੇਂ ਸੇਫ ਕਰਨਗੇ। ਆਕਾਸ਼ ਨੇ ਕਿਹਾ, ''ਮੈਂ ਕਿਸੇ ਵੀ ਤਰ੍ਹਾਂ ਸ਼ਿਲਪਾ ਨੂੰ ਘਰ ਤੋਂ ਬਾਹਰ ਕੱਢਣਾ ਚਾਹੁੰਦਾ ਹਾਂ, ਮੇਰੇ ਲਈ ਘਰ 'ਚ ਸਭ ਤੋਂ ਵੱਡਾ ਖਤਰਾ ਇਹ ਹੈ''।
ਪੁਨੀਸ਼ ਸ਼ਰਮਾ ਨੇ ਇਹ ਗੱਲ ਸ਼ਿਲਪਾ ਸ਼ਿੰਦੇ ਨੂੰ ਦੱਸ ਦਿੱਤੀ। ਇਸ ਤੋਂ ਬਾਅਦ ਸ਼ਿਲਪਾ ਸ਼ਿੰਦੇ, ਹਿਤੇਨ ਬਾਰੇ ਗੱਲ ਕਰਨ ਲੱਗੀ। ਸ਼ਿਲਪਾ ਨੇ ਹਿਤੇਨ ਨੂੰ ਕਿਹਾ, ''ਇਹ ਦੋਵੇਂ ਮੈਨੂੰ ਭਾਵੁਕ ਕਰਕੇ ਫਾਇਦਾ ਚੁੱਕਦੇ ਹਨ''।
ਇਸ ਤੋਂ ਬਾਅਦ ਅਰਸ਼ੀ ਨੇ ਕਿਹਾ, ''ਅਸੀਂ ਦੋਵਾਂ ਨੇ ਸ਼ਿਲਪਾ ਸ਼ਿੰਦੇ ਨੂੰ ਇੰਨਾ ਵੱਡਾ ਬਣਾ ਦਿੱਤਾ ਹੈ''। ਇਸ ਦੌਰਾਨ ਆਕਾਸ਼ ਵੀ ਇਸ ਗੱਲ 'ਤੇ ਹਾਮੀ ਭਰਦਾ ਦਿਖਾਈ ਦਿੰਦਾ ਹੈ।
ਹਾਲਾਕਿ ਪੁਨੀਸ਼ ਨੇ ਸਲਾਹ ਦਿੱਤੀ ਹੈ ਕਿ 'ਆਕਾਸ਼ ਤੁਸੀਂ ਸ਼ਿਲਪਾ ਵਾਲੇ ਮੁੱਦੇ ਨੂੰ ਵੱਡਾ ਨਾ ਬਣਾਓ, ਨਹੀਂ ਤਾਂ ਤੁਹਾਨੂੰ ਹੀ ਇਸਦਾ ਖਾਮਿਆਜ਼ਾ ਭੁਗਤਣਾ ਪਵੇਗਾ''।
