ਮੁੰਬਈ(ਬਿਊਰੋ)— ਦੀਵਾਲੀ ਦਾ ਤਿਉਹਾਰ ਆਉਣ 'ਚ ਸਿਰਫ ਕੁਝ ਦਿਨ ਹੀ ਬਾਕੀ ਰਹਿ ਗਏ ਹਨ ਅਤੇ 'ਬਿੱਗ ਬੌਸ 12' ਦੇ ਘਰ 'ਚ ਵੀ ਇਸ ਦਾ ਅਸਰ ਸਾਫ ਦਿਖਾਈ ਦੇ ਰਿਹਾ ਹੈ। ਵੀਕੈਂਡ ਦੇ ਵਾਰ 'ਚ ਸ਼ੋਅ ਮੇਕਰਸ ਰੋਜ਼ਾਨਾ ਨਵੇਂ-ਨਵੇਂ ਕਲਾਕਾਰਾਂ ਨੂੰ ਸ਼ੋਅ 'ਚ ਭੇਜ ਰਹੇ ਹਨ।
ਬੀਤੀ ਰਾਤ ਪਿਛਲੇ ਸੀਜ਼ਨ ਦੀ ਫਰਸਟ ਰਨਰਅੱਪ ਹਿਨਾ ਖਾਨ, ਗਾਇਕ ਆਦਿਤਿਆ ਨਾਰਾਇਣ ਤੇ ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਨਜ਼ਰ ਆਈ।
ਹਿਨਾ ਖਾਨ ਨੇ ਆਪਣੀ ਅਦਾਲਤ ਲਾਈ ਤਾਂ ਉਥੇ ਆਦਿਤਿਆ ਨੇ ਗੀਤ ਗਾਏ ਅਤੇ ਭਾਰਤੀ ਨੇ ਸਲਮਾਨ ਸਈ ਕਰਵਾਚੌਥ ਦਾ ਵਰਤ ਵੀ ਰੱਖਿਆ।
ਹਿਨਾ ਨੇ ਘਰਵਾਲਿਆਂ 'ਤੇ ਲੱਗੇ ਦੋਸ਼ਾਂ ਨੂੰ ਲੈ ਕੇ ਇਕ ਅਦਾਲਤ ਲਾਈ ਤੇ ਵਾਰ-ਵਾਰ ਸਾਰੇ ਮੁਕਾਬਲੇਬਾਜ਼ ਦੇ ਦੋਸ਼ਾਂ ਨਾਲ ਰੂ-ਬ-ਰੂ ਕਰਵਾਉਂਦੀ ਹੈ।
ਉਸ ਨੇ ਕਰਨਵੀਰ ਵੋਹਰਾ 'ਤੇ ਦੋਸ਼ ਲਾਇਆ ਕਿ ਉਹ ਘਰ 'ਚ ਮਨੋਰੰਜਨ ਦੇ ਮਾਮਲੇ 'ਚ ਜ਼ੀਰੋ ਹੈ, ਜਸਲੀਨ 'ਤੇ ਅਨੂਪ ਨਾਲ ਝੂਠੇ ਰਿਸ਼ਤੇ ਦਾ ਦੋਸ਼ ਲਾਇਆ ਤੇ ਉਥੇ ਹੀ ਦੀਪਿਕਾ 'ਤੇ ਦੋਸ਼ ਲਾਇਆ ਕਿ ਉਹ ਘਰ 'ਚ ਸਿਰਫ ਸ਼੍ਰੀਸੰਤ ਨੂੰ ਹੀ ਟਾਰਗੇਟ ਕਰਦੀ ਹੈ।
ਇਸ ਤੋਂ ਬਾਅਦ ਇਸ ਵੀਕੈਂਡ ਦਾ ਵਾਰ 'ਚ ਮਸ਼ਹੂਰ ਗਾਇਕ ਓਦਿਤ ਨਾਰਾਇਣ ਦੇ ਬੇਟੇ ਆਦਿਤਿਆ ਨਾਰਾਇਣ ਵੀ ਦਿਸੇ। ਉਸ ਨੇ ਸ਼ੋਅ 'ਚ ਕਈ ਗੀਤ ਗਾਏ।
ਇਸ ਦੌਰਾਨ ਸਲਮਾਨ ਨੇ ਘਰਵਾਲਿਆਂ ਲਈ ਇਕ ਖੇਡ ਵੀ ਰੱਖੀ, ਜਿਸ 'ਚ ਇਹ ਪਤਾ ਕਰਨਾ ਸੀ ਕਿ ਆਦਿਤਿਆ ਨਾਰਾਇਣ, ਜੋ ਗੀਤ ਗਾਉਣਗੇ ਉਹ ਕਿਹੜੇ ਮੁਕਾਬਲੇਬਾਜ਼ 'ਤੇ ਫਿੱਟ ਬੈਠਦਾ ਹੈ।
ਆਖਿਰ 'ਚ ਸ਼ੋਅ ਮਸ਼ਹੂਰ ਕਾਮੇਡੀਅਨ ਭਾਰਤੀ ਸਿੰਘ ਇਕ ਵਾਰ ਫਿਰ ਨਜ਼ਰ ਆਉਂਦੀ ਹੈ।