ਮੁੰਬਈ (ਬਿਊਰੋ)— 'ਬਿੱਗ ਬੌਸ' ਵੀਕੈਂਡ ਕਾ ਵਾਰ 'ਚ ਸਲਮਾਨ ਖਾਨ ਦੀ ਐਂਟਰੀ ਇਕ ਵਾਰ ਫਿਰ ਦਬੰਗ ਅੰਦਾਜ਼ 'ਚ ਹੋਈ। ਇਸ ਦੌਰਾਨ ਉਨ੍ਹਾਂ ਘਰ ਵਾਲਿਆਂ ਤੋਂ ਪੂਰੇ ਹਫਤੇ ਦਾ ਹਿਸਾਬ ਮੰਗਿਆ। ਸਲਮਾਨ ਨੇ ਸਭ ਤੋਂ ਪਹਿਲਾਂ ਕਰਨਵੀਰ ਨੂੰ ਕੈਪਟਨ ਬਣਨ ਲਈ ਵਧਾਈ ਦਿੱਤੀ ਪਰ ਇਸ ਤੋਂ ਬਾਅਦ ਦੀਪਿਕਾ ਨੂੰ ਘਰ ਦਾ ਸਭ ਤੋਂ ਵੱਡਾ ਗੁਨਾਹਗਾਰ ਵੀ ਤੈਅ ਕੀਤਾ।
ਦਰਸਅਲ, ਕੈਪਟੈਂਸੀ ਟਾਸਕ ਦੇ ਚਾਰ ਦਾਅਵੇਦਾਰ ਕਰਨਵੀਰ ਬੋਹਰਾ, ਰੋਮਿਲ ਚੌਧਰੀ, ਮੇਗਾ ਅਤੇ ਸੋਮੀ ਵਿਚਕਾਰ ਬੀਤੇ ਦਿਨ ਇਕ ਟਾਸਕ ਕਰਵਾਇਆ ਗਿਆ ਸੀ। ਇਸ ਟਾਸਕ ਦੇ ਸੰਚਾਲਕ ਦੀ ਭੂਮਿਕਾ ਦੀਪਿਕਾ ਕੱਕੜ ਨੇ ਨਿਭਾਈ ਸੀ। ਦੀਪਿਕਾ ਦੀ ਪੂਰੀ ਕੋਸ਼ਿਸ਼ ਰਹੀ ਕਿ ਇਹ ਟਾਸਕ ਉਸ ਦਾ ਖਾਸ ਦੋਸਤ ਕਰਨਵੀਰ ਹੀ ਜਿੱਤੇ ਅਤੇ ਇਸ ਕੋਸ਼ਿਸ਼ 'ਚ ਉਹ ਸਫਲ ਵੀ ਹੋਈ। ਇਸ ਬਾਰੇ ਜਦੋਂ ਕਰਨਵੀਰ ਨੂੰ ਪੁੱਛਿਆ ਗਿਆ ਤਾਂ ਉਨ੍ਹਾਂ ਕਿਹਾ ਕਿ ਦੀਪਿਕਾ ਨੇ ਜੋ ਕੀਤਾ ਹੈ ਉਹ ਸਹੀ ਸੀ ਪਰ ਜਦੋਂ ਦੀਪਿਕਾ ਕੋਲੋਂ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ, ''ਹਾਂ ਮੈਂ ਜੋ ਵੀ ਕੀਤਾ ਉਹ ਸਹੀ ਹੈ। ਇਹ ਸਭ ਸੁਣਨ ਤੋਂ ਬਾਅਦ ਸਲਮਾਨ ਖਾਨ ਨੇ ਕਿਹਾ ਸੁਰਭੀ ਤੁਸੀਂ ਦੱਸੋ ਪੂਰਾ ਸੱਚ ਕੀ ਹੈ।
ਸੁਰਭੀ ਨੇ ਸਿੱਧਾ ਕਹਿ ਦਿੱਤਾ ਕਿ ਸਲਮਾਨ ਭਾਈ ਦੀਪਿਕਾ ਦੇ ਖਰਾਬ ਸੰਚਾਲਨ ਦੀ ਵਜ੍ਹਾ ਨਾਲ ਕਰਨਵੀਰ ਕੈਪਟਨ ਬਣਿਆ ਹੈ। ਦੀਪਿਕਾ ਚਾਹੁੰਦੀ ਸੀ ਕਿ ਉਸ ਦਾ ਦੋਸਤ ਕੈਪਟਨ ਬਣੇ। ਇਸ ਲਈ ਇਹ ਸਭ ਹੋਇਆ। ਇਸ ਗੱਲ ਨੂੰ ਸੁਣਦੇ ਹੀ ਸਲਮਾਨ ਕਹਿੰਦੇ ਹਨ ਕਿ ਜੋ ਸੁਰਭੀ ਨੇ ਜੋ ਕਿਹਾ ਉਹ ਸਭ ਸਹੀ ਹੈ।
ਸਲਮਾਨ ਘਰ ਵਾਲਿਆਂ ਨੂੰ ਇਹ ਵੀ ਕਹਿੰਦੇ ਹਨ ਕਿ ਦੱਸੋ ਦੀਪਿਕਾ ਨੇ ਇਸ ਵਾਰ ਦੇ ਸੰਚਾਲਨ 'ਚ ਕਰਨਵੀਰ ਦਾ ਸਾਥ ਦਿੱਤਾ। ਇਸ ਗੱਲ ਤੋਂ ਕੌਣ-ਕੌਣ ਸਹਿਮਤ ਹੈ। ਪੂਰਾ ਘਰ ਇਸ ਸਵਾਲ ਦੇ ਜਵਾਬ 'ਚ ਦੀਪਿਕਾ ਦਾ ਨਾਂ ਲੈਂਦਾ ਹੈ। ਖੁਦ ਦੀਪਿਕਾ ਵੀ ਆਪਣਾ ਨਾਂ ਘਰ 'ਚ ਸਭ ਤੋਂ ਵੱਡੀ ਗੁਨਾਹਗਾਰ ਹੋਣ ਲਈ ਚੁਣਦੀ ਹੈ। ਇਸ ਤੋਂ ਬਾਅਦ ਦੀਪਿਕਾ ਨੂੰ ਟਾਰਚਰ ਰੂਮ 'ਚ ਭੇਜ ਦਿੱਤਾ ਜਾਂਦਾ ਹੈ।
