ਮੁੰਬਈ (ਬਿਊਰੋ)— ਇਸ ਹਫਤੇ 'ਵੀਕੈਂਡ ਕਾ ਵਾਰ' ਦਾ ਪਹਿਲਾ ਐਪੀਸੋਡ ਕਾਫੀ ਧਮਾਕੇਦਾਰ ਸੀ। ਸ਼ੋਅ ਦੀ ਸ਼ੁਰੂਆਤ 'ਚ ਹੀ ਕਾਫੀ ਡਰਾਮਾ ਦੇਖਣ ਨੂੰ ਮਿਲਿਆ।
ਇਕ ਪਾਸੇ ਜਿੱਥੇ ਸਲਮਾਨ ਨੇ ਸ਼ਿਵਾਸ਼ੀਸ਼ ਤੋਂ ਨਾਗਿਨ ਡਾਂਸ ਕਰਵਾਇਆ ਤਾਂ ਉੱਥੇ ਹੀ ਦੀਪਕ ਠਾਕੁਰ ਦੇ ਹੱਥਾਂ 'ਤੇ ਵੈਕਸਿੰਗ ਕੀਤੀ ਗਈ।
ਸਲਮਾਨ ਨੇ ਸ਼੍ਰੀਸੰਥ ਅਤੇ ਕਰਨਵੀਰ ਬੋਹਰਾ ਨੂੰ ਸੁਲਤਾਨੀ ਅਖਾੜੇ 'ਚ ਬੁਲਾਇਆ, ਜਿਸ ਦੌਰਾਨ ਦੋਹਾਂ ਵਿਚਕਾਰ ਜ਼ਬਰਦਸਤ ਮੁਕਾਬਲਾ ਦੇਖਣ ਨੂੰ ਮਿਲਿਆ। ਅੰਤ ਸੁਲਤਾਨੀ ਅਖਾੜੇ 'ਚ ਸ਼੍ਰੀਸੰਥ, ਕਰਨਵੀਰ ਨੂੰ ਹਰਾ ਕੇ ਜਿੱਤ ਹਾਸਲ ਕਰਦਾ ਹੈ।
ਇਸ ਤੋਂ ਬਾਅਦ ਸਲਮਾਨ ਨੇ ਰੋਮਿਲ ਚੌਧਰੀ ਨੂੰ ਸਰਪ੍ਰਾਈਜ਼ ਦਿੱਤਾ। ਰੋਮਿਲ ਦੇ ਸਾਹਮਣੇ ਸਲਮਾਨ ਨੇ ਉਸ ਦੇ ਬੇਟੇ ਦੀ ਵੀਡੀਓ ਚਲਾਈ, ਜਿਸ ਨੂੰ ਦੇਖ ਰੋਮਿਲ ਭਾਵੁਕ ਹੋ ਗਿਆ। ਘਰ 'ਚ ਰੋਮਿਲ ਦੀ ਉਸ ਦੀ ਪਤਨੀ ਤੇ ਬੇਟੇ ਨਾਲ ਮੁਲਾਕਾਤ ਕਰਵਾਈ ਗਈ। ਇਸ ਤੋਂ ਬਾਅਦ ਸਲਮਾਨ ਨੇ ਇਹ ਐਲਾਨ ਕੀਤਾ ਕਿ ਇਸ ਹਫਤੇ ਘਰ 'ਚ ਕੋਈ ਬੇਘਰ ਨਹੀਂ ਹੋਵੇਗਾ।
ਰੋਮਿਲ ਨੂੰ ਪਰਿਵਾਰ ਨਾਲ ਮਿਲਾਉਣ ਤੋਂ ਬਾਅਦ ਬਿੱਗ ਬੌਸ ਕਰਨਵੀਰ ਤੋਂ ਕਾਲਕੋਠੜੀ ਦੀ ਸਜ਼ਾ ਲਈ ਨਾਂ ਦੀ ਮੰਗ ਕਰਦੇ ਹਨ। ਜਿਸ ਤੋਂ ਬਾਅਦ ਕਰਨਵੀਰ ਨੇ ਸ਼੍ਰੀਸੰਤ, ਰੋਹਿਤ ਅਤੇ ਦੀਪਕ ਦਾ ਨਾਂ ਲਿਆ। ਆਪਣਾ ਨਾਂ ਸੁਣ ਸ਼੍ਰੀਸੰਥ ਭੜਕ ਜਾਂਦਾ ਹੈ ਅਤੇ ਕਾਲਕੋਠੜੀ 'ਚ ਜਾਣ ਤੋਂ ਇਲਕਾਰ ਕਰ ਦਿੰਦਾ ਹੈ। ਹਾਲਾਂਕਿ ਬਾਅਦ 'ਚ ਉਹ ਆਪਣੇ ਆਪ ਹੀ ਕਾਲਕੋਠੜੀ 'ਚ ਚਲਾ ਜਾਂਦਾ ਹੈ।
