ਮੁੰਬਈ(ਬਿਊਰੋ)— ਬਾਲੀਵੁੱਡ ਸੁਪਰਸਟਾਰ ਸਲਮਾਨ ਖਾਨ ਦੇ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' 'ਚ ਭਜਨ ਗਾਇਕ ਅਨੂਪ ਜਲੋਟਾ ਨੇ ਪ੍ਰੇਮਿਕਾ ਜਸਲੀਨ ਮਥਾਰੂ ਨਾਲ ਐਂਟਰੀ ਕਰਕੇ ਖੂਬ ਸੁਰਖੀਆਂ ਬਟੋਰੀਆਂ ਸਨ। 'ਬਿੱਗ ਬੌਸ' ਦੇ ਘਰ 'ਚੋਂ ਬੇਘਰ ਹੋ ਕੇ ਵੀ ਅਨੂਪ ਜਲੋਟਾ ਚਰਚਾ 'ਚ ਹੈ।
ਇਨ੍ਹੀਂ ਦਿਨੀਂ ਅਨੂਪ ਜਲੋਟਾ ਆਪਣੇ ਕਰੀਬੀਆਂ ਨਾਲ ਪਾਰਟੀਆਂ ਕਰਦਾ ਨਜ਼ਰ ਆ ਰਿਹਾ ਹੈ।
ਹਾਲ ਹੀ 'ਚ ਭਜਨ ਗਾਇਕ ਅਨੂਪ ਜਲੋਟਾ ਆਪਣੇ ਘਰ 'ਚ ਦੀਵਾਲੀ ਪਾਰਟੀ ਦਾ ਆਯੋਜਨ ਕੀਤਾ ਸੀ, ਜਿਸ 'ਚ ਕਈ ਨਾਮੀ ਹਸਤੀਆਂ ਨੇ ਸ਼ਿਰਕਤ ਕੀਤੀ।
ਇਸ ਦੀਵਾਲੀ ਪਾਰਟੀ 'ਚ ਪੂਨਮ ਢਿੱਲੋਂ, ਮੋਹਨ ਭੱਟ, ਕੰਨਿਕਾ ਕਪੂਰ ਅਤੇ ਅਸ਼ੋਕ ਖੋਸਲਾ ਸਮੇਤ ਹੋਰ ਸਿਤਾਰੇ ਨਜ਼ਰ ਆਏ।
ਦੱਸ ਦੇਈਏ ਕਿ ਦੀਵਾਲੀ ਪਾਰਟੀ ਦੀਆਂ ਕੁਝ ਤਸਵੀਰਾਂ ਅਨੂਪ ਜਲੋਟਾ ਨੇ ਆਪਣੇ ਆਫੀਸ਼ੀਅਲ ਅਕਾਊਂਟ 'ਤੇ ਵੀ ਸ਼ੇਅਰ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ 'ਚ ਅਨੂਪ ਆਪਣੇ ਕਰੀਬੀ ਦੋਸਤਾਂ ਨਾਲ ਇੰਜੁਆਏ ਕਰਦਾ ਨਜ਼ਰ ਆ ਰਿਹਾ ਹੈ। ਹਾਲਾਂਕਿ ਇਸ ਪਾਰਟੀ 'ਚ ਕਿਤੇ ਵੀ ਅਨੂਪ ਜਲੋਟਾ ਦੀ ਪ੍ਰੇਮਿਕਾ ਜਸਲੀਨ ਨਹੀਂ ਨਜ਼ਰ ਆ ਰਹੀ ਹੈ।
