ਮੁੰਬਈ(ਬਿਊਰੋ)— ਬਾਲੀਵੁੱਡ ਦੇ ਸੁਪਰਸਟਾਰ ਸਲਮਾਨ ਖਾਨ ਦੇ ਸਭ ਤੋਂ ਵਿਵਾਦਤ ਰਿਐਲਿਟੀ ਸ਼ੋਅ 'ਬਿੱਗ ਬੌਸ 12' ਦਾ ਸਭ ਨੂੰ ਬੇਸਬਰੀ ਨਾਲ ਇੰਤਜ਼ਾਰ ਹੈ। ਸ਼ੋਅ ਦੇ ਮੇਕਰਜ਼ ਇਸ ਦੀ ਹਰ ਜਾਣਕਾਰੀ ਫੈਨਜ਼ ਨਾਲ ਸ਼ੇਅਰ ਕਰ ਰਹੇ ਹਨ। ਇਸ ਸ਼ੋਅ ਨੂੰ ਲੈ ਕੇ ਲੋਕਾਂ ਦੀ ਐਕਸਾਈਟਮੈਂਟ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ। ਹਾਲ ਹੀ 'ਚ ਖਬਰ ਆਈ ਹੈ ਕਿ ਇਸ ਸ਼ੋਅ 'ਚ ਪਹਿਲੀ ਐਂਟਰੀ ਸੀਰੀਅਲ 'ਇਸ਼ਕਬਾਜ਼' ਦੀ ਐਕਟਰਸ ਸ਼੍ਰਿਸ਼ਟੀ ਰੋਡੇ ਨੂੰ ਮਿਲੀ ਹੈ। ਜੀ ਹਾਂ ਖਬਰਾਂ ਤਾਂ ਇਹ ਵੀ ਹਨ ਕਿ ਇਸ ਸ਼ੋਅ ਲਈ ਇਸ ਅਦਾਕਾਰਾ ਨੇ ਹਾਮੀ ਵੀ ਭਰ ਦਿੱਤੀ ਹੈ। ਸ਼ੋਅ ਮੇਕਰਜ਼ ਨਾਲ ਸ਼੍ਰਿਸ਼ਟੀ ਨੇ ਕੰਨਟ੍ਰੈਕਟ ਵੀ ਸਾਈਨ ਕਰ ਲਿਆ ਹੈ। ਸ਼ੋਅ ਦੀ ਐਕਸਾਈਟਮੈਂਟ ਵਧਾਉਣ ਲਈ ਮੇਕਰਜ਼ ਉਸ ਦੇ ਮੰਗੇਤਰ ਮਨੀਸ਼ ਨਾਗਦੇਵ ਨਾਲ ਵੀ ਗੱਲ ਕਰ ਰਹੇ ਹਨ। ਦੱਸਣਯੋਗ ਹੈ ਕਿ ਸ਼੍ਰਿਸ਼ਟੀ ਹੁਣ ਤੱਕ 'ਪੁਨਰ ਵਿਵਾਹ' ਤੇ 'ਸਰਸਵਤੀ ਚੰਦਰ' 'ਚ ਵੀ ਨਜ਼ਰ ਆ ਚੁੱਕੀ ਹੈ। ਦੱਸ ਦੇਈਏ ਕਿ ਸ਼੍ਰਿਸ਼ਟੀ ਤੇ ਮਨੀਸ਼ ਦੀ ਮੰਗਣੀ 15 ਫਰਵਰੀ ਨੂੰ ਹੋਈ ਸੀ। ਫਿਲਹਾਲ ਸ਼ੋਅ ਆਪਣੇ ਕੰਸੈਪਟ ਤੇ ਕੰਟੈਸਟੈਂਟਸ ਲਈ ਕਾਫੀ ਸੁਰਖੀਆਂ 'ਚ ਚਲ ਰਿਹਾ ਹੈ। ਇਨ੍ਹਾਂ ਦੇ ਨਾਲ ਹੀ ਸ਼ੋਅ ਲਈ ਸਿਧਾਰਥ ਸਾਗਰ ਤੇ ਉਸ ਦੀ ਗਰਲਫ੍ਰੈਂਡ ਨੂੰ ਵੀ ਮੇਕਰਜ਼ ਅਪ੍ਰੋਚ ਕਰ ਰਹੇ ਹਨ।