ਮੁੰਬਈ(ਬਿਊਰੋ)— ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 12' 'ਚ ਆਏ ਦਿਨ ਘਰਵਾਲੇ ਕਈ ਹੰਗਾਮੇ ਕਰ ਰਹੇ ਹਨ। ਸ਼ੋਅ ਨੂੰ ਸ਼ੁਰੂ ਹੋਏ ਵੀ ਦੋ ਮਹੀਨੇ ਹੋ ਚੁੱਕੇ ਹਨ। ਬੀਤੇ ਦਿਨੀਂ ਵੀਕੈਂਡ ਦਾ ਵਾਰ 'ਚ ਸਲਮਾਨ ਖਾਨ ਨੇ ਮੁਕਾਬਲੇਬਾਜ਼ਾਂ ਤੋਂ ਉਨ੍ਹਾਂ ਦੀਆਂ ਹਫਤੇ ਦੀਆਂ ਗਲਤੀਆਂ ਦਾ ਹਿਸਾਬ ਮੰਗਿਆ ਤੇ ਉਨ੍ਹਾਂ ਨੂੰ ਖਰੀਆਂ ਖੋਟੀਆਂ ਸੁਣਾਈਆਂ। ਸਲਮਾਨ ਨੇ ਸ਼ੁਰੂਆਤ 'ਚ ਹੀ ਐਲਾਨ ਕਰ ਦਿੱਤਾ ਕਿ ਸ਼ਿਵਾਸ਼ੀਸ਼ ਨੇ ਜੋ ਕੀਤਾ, ਉਸ ਨੂੰ ਉਸ ਦਾ ਹਰਜਾਨਾ ਭਰਨਾ ਪਵੇਗਾ। ਭਾਈਜਾਨ ਨੇ ਨੋਟਬੰਦੀ ਤੋਂ ਲੈ ਕੇ ਨਿੱਕ ਜੋਨਸ-ਪ੍ਰਿਯੰਕਾ ਦੇ ਵਿਆਹ ਨੂੰ ਲੈ ਬਹੁਤ ਸਾਰੇ ਝੂਠ ਬੋਲੇ, ਜਿਸ ਤੋਂ ਬਾਅਦ ਸਾਰਿਆਂ ਦੇ ਹੋਸ਼ ਉੱਡ ਗਏ। ਸਲਮਾਨ ਖਾਨ ਨੇ ਕਰਨਵੀਰ ਬੋਹਰਾ ਨੂੰ ਉਸ ਦੀ ਪਤਨੀ ਦੇ ਓਪਨ ਲੈਟਰ ਬਾਰੇ ਦੱਸਿਆ, ਜਿਸ ਤੋਂ ਬਾਅਦ ਕਰਨਵੀਰ ਨੇ ਸਲਮਾਨ ਤੋਂ ਮੁਆਫੀ ਮੰਗੀ।
ਸਲਮਾਨ ਕਰਨਵੀਰ ਨੂੰ ਆਖਦੇ ਹਨ, ''ਜੇਕਰ ਤੁਹਾਨੂੰ ਮੇਰੀ ਕੋਈ ਗੱਲ ਬੁਰੀ ਲੱਗਦੀ ਹੈ ਤਾਂ ਤੁਸੀਂ ਦਸ ਸਕਦੇ ਹੋ।'' ਸਲਮਾਨ ਨੇ ਸ਼੍ਰੀਸੰਤ ਤੇ ਦੀਪਕ ਨਾਲ ਨੌਮੀਨੇਸ਼ਨ ਨੂੰ ਲੈ ਕੇ ਗੱਲ ਸ਼ੁਰੂ ਕੀਤੀ ਅਤੇ ਦੋਵਾਂ ਦਾ ਕਾਫੀ ਮਜ਼ਾਕ ਉਡਾਇਆ। ਇਸੇ ਚਰਚਾ ਦੌਰਾਨ ਸਲਮਾਨ ਨੇ ਅਨੂਪ ਜਲੋਟਾ ਦੀ ਗੱਲ ਛੇੜ ਦਿੱਤੀ, ਜਿਸ ਨਾਲ ਜਸਲੀਨ ਦੇ ਚਿਹਰੇ 'ਤੇ ਮੁਸਕੁਰਾਹਟ ਆ ਜਾਂਦੀ ਹੈ।
ਨੌਮੀਨੇਸ਼ਨ ਹੀ ਨਹੀਂ ਸਗੋਂ ਸਲਮਾਨ ਖਾਨ ਸ਼੍ਰੀਸੰਤ ਨੂੰ ਵਾਰ-ਵਾਰ ਜੋਲ 'ਚ ਭੇਜਣ ਦੀ ਗੱਲ ਕਰਦੇ ਹਨ। ਸ਼੍ਰੀਸੰਤ ਆਖਦਾ ਹੈ ਕਿ ਸਾਰਿਆਂ ਨੂੰ ਲੱਗਦਾ ਹੈ ਕਿ ਮੈਂ ਗੰਦਾ ਖੇਡ ਰਿਹਾ ਹੈ, ਇਸ ਲਈ ਇਹ ਲੋਕ ਮੈਨੂੰ ਭੇਜ ਦਿੰਦੇ ਹਨ। ਇਸ ਤੋਂ ਬਾਅਦ ਕਰਨਵੀਰ ਬੋਹਰਾ ਰੋਂਦੇ ਹੋਏ ਕੈਮਰੇ 'ਤੇ ਬੋਲਦੇ ਹਨ ਕਿ ਮੈਂ ਆਪਣੀ ਪਤਨੀ ਨਾਲ ਗੱਲ ਕਰਨੀ ਹੈ। ਉਹ 'ਬਿੱਗ ਬੌਸ' ਨੂੰ ਬੇਨਤੀ ਕਰਦਾ ਹੈ ਕਿ ਮੇਰੀ ਗੱਲ ਟੀਜੇ ਨਾਲ ਕਰਵਾਈ ਜਾਵੇ ਤਾਂਕਿ ਉਹ ਇਸ ਮੁੱਦੇ ਨੂੰ ਸਾਫ ਕਰ ਸਕੇ।
ਸਲਮਾਨ ਖਾਨ ਜਸਲੀਨ ਨੂੰ ਸਪੈਸ਼ਲ ਰੂਮ 'ਚ ਭੇਜਦੇ ਹਨ, ਜਿਥੇ ਅਨੂਪ ਜਲੋਟਾ ਉਸ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਅਨੂਪ, ਜਸਲੀਨ ਨੂੰ ਮਿਲਦੇ ਹੀ ਕਹਿੰਦਾ ਕਿ ਤੁਸੀਂ ਬਹੁਤ ਵਧੀਆ ਖੇਡ ਰਹੇ ਹੋ। ਜਦੋਂ ਦੋਵੇਂ ਆਪਸ 'ਚ ਗੱਲ ਕਰ ਰਹੇ ਹੁੰਦੇ ਹਨ ਤਾਂ ਉਦੋਂ ਸਲਮਾਨ ਦੀ ਐਂਟਰੀ ਹੁੰਦੀ ਹੈ। ਸਲਮਾਨ ਖਾਨ ਤੁਰੰਤ ਹੀ ਪੁੱਛਦੇ ਹਨ ਕਿ ਤੁਹਾਡੇ ਦੋਵਾਂ 'ਚ ਕੀ ਰਿਸ਼ਤਾ ਹੈ?
ਜਿਥੇ ਜਸਲੀਨ ਮਥਾਰੂ ਨੇ ਕਿਹਾ ਕਿ ਦੋਵਾਂ 'ਚ ਖਾਸ ਰਿਸ਼ਤਾ ਹੈ ਪਰ ਅਨੂਪ ਦੱਸਦਾ ਹੈ ਕਿ ਮੇਰੇ ਦਿਲ 'ਚ ਜਸਲੀਨ ਨੂੰ ਲੈ ਕੇ ਕਿਸੇ ਪ੍ਰਕਾਰ ਦਾ ਰੋਮਾਂਟਿਕ ਵਿਚਾਰ ਨਹੀਂ ਆਉਂਦੇ। ਸਲਮਾਨ ਖਾਨ ਨੇ ਹੁਣ ਸ਼ਿਵਾਸ਼ੀਸ਼ ਦੀ ਕਲਾਸ ਲਾਉਣੀ ਸ਼ੁਰੂ ਕਰ ਦਿੱਤੀ।
ਸਲਮਾਨ ਸ਼ਿਵਾਸ਼ੀਸ਼ ਨੂੰ ਆਖਦੇ ਹਨ ਕਿ ਸ਼੍ਰੀਸੰਤ ਦੇ ਨਕਸ਼ੇ ਕਦਮਾਂ 'ਤੇ ਚੱਲ ਰਹੇ ਹੋ ਪਰ ਉਸ ਨੂੰ ਪਤਾ ਹੈ ਕਿ ਸੀਮਾ ਕਿੱਥੇ ਹੈ? ਸ਼ਿਵਾਸ਼ੀਸ਼ ਆਪਣੀ ਗਲਤੀ ਲਈ ਮੁਆਫੀ ਮੰਗਦਾ ਹੈ ਪਰ ਭਾਈਜਾਨ ਆਖਦੇ ਹਨ ਕਿ ਤੁਹਾਨੂੰ ਇਸ ਦੀ ਕੀਮਤ ਚਕਾਉਣੀ ਪਵੇਗੀ।
ਸਲਮਾਨ ਖਾਨ ਆਖਦੇ ਹਨ ਕਿ ਸ਼ਿਵਾਸ਼ੀਸ਼ ਨੂੰ ਘਰ ਤੋਂ ਨਿਸ਼ਕਾਸਿਤ ਕੀਤਾ ਜਾ ਰਾਹ ਹੈ। ਸ਼ਿਵਾਸ਼ੀਸ਼ ਆਪਣੀ ਗਲਤੀ ਸਵੀਕਾਰ ਕਰਦਾ ਹੈ ਤੇ ਆਖਦਾ ਹੈ ਕਿ ਉਹ ਇਸੇ ਲਾਈਕ ਹੈ। ਸ਼ਿਵਾਸ਼ੀਸ਼ ਸਾਰਿਆਂ ਤੋਂ ਮੁਆਫੀ ਮੰਗ ਕੇ ਘਰ ਤੋਂ ਬਾਹਰ ਨਿਕਲ ਜਾਂਦਾ ਹੈ। ਸ਼ਿਵਾਸ਼ੀਸ਼ ਦੇ ਘਰ ਤੋਂ ਬਾਹਰ ਜਾਂਦੇ ਹੀ ਸ਼੍ਰੀਸੰਤ ਫੁੱਟ-ਫੁੱਟ ਕਰਕੇ ਰੋਣ ਲੱਗ ਜਾਂਦਾ ਹੈ।
ਦੀਪਿਕਾ ਤੇ ਸ੍ਰਿਸ਼ਟੀ ਰੋਂਦੇ ਹੋਏ ਸ਼੍ਰੀਸੰਤ ਨੂੰ ਸਮਝਾਉਂਦੇ ਹਨ ਪਰ ਸ਼੍ਰੀਸੰਤ ਦੀਆਂ ਅੱਖਾਂ ਦੇ ਹੰਝੂ ਨਹੀਂ ਰੁੱਕ ਰਹੇ ਹਨ। ਸ਼ਿਵਾਸ਼ੀ ਦੇ ਐਲੀਮਿਨੇਸ਼ਨ ਤੋਂ ਬਾਅਦ ਘਰ 'ਚ ਫਰਾਹ ਖਾਨ ਦੀ ਐਂਟਰੀ ਹੋਈ, ਜਿਨ੍ਹਾਂ ਨੇ ਦੀਪਕ ਤੇ ਸੋਮੀ ਨੂੰ ਗੀਤ 'ਤੇ ਡਾਂਸ ਕਰਨ ਲਈ ਕਿਹਾ।