ਜਲੰਧਰ (ਬਿਊਰੋ) — ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ' ਦੇ ਸਾਰੇ ਫੈਨਜ਼ ਇਸ ਗੱਲ ਦਾ ਪਤਾ ਹੈ ਕਿ ਆਸੀਮ ਰਿਆਜ਼ ਪੰਜਾਬੀ ਅਦਾਕਾਰਾ ਤੇ ਮਾਡਲ ਸ਼ਹਿਨਾਜ਼ ਕੌਰ ਗਿੱਲ ਨੂੰ ਪਸੰਦ ਨਹੀਂ ਕਰਦਾ ਹੈ। ਆਸੀਮ ਤੇ ਸਿਧਾਰਥ ਦੀ ਲੜਾਈ ਦੀ ਇਕ ਵੱਡੀ ਵਜ੍ਹਾ ਸ਼ਹਾਨਜ਼ ਨਾਲ ਸਿਧਾਰਥ ਦੀ ਦੋਸਤੀ ਨੂੰ ਵੀ ਮੰਨਿਆ ਗਿਆ ਸੀ। ਉਥੇ ਹੀ ਹੁਣ ਸ਼ੋਅ 'ਚ ਸਿਧਾਰਥ ਤੇ ਅਸੀਮ ਦੀ ਲੜਾਈ ਖਤਮ ਹੋਣ ਤੋਂ ਬਾਅਦ ਸ਼ਹਿਨਾਜ਼ ਨਾਲ ਆਸਿਮ ਰਿਆਜ਼ ਦੀ ਬਹਿਸ ਦੇਖਣ ਨੂੰ ਮਿਲੇਗੀ। ਆਪਣੇ ਦੋ ਦੋਸਤਾਂ ਦੀ ਲੜਾਈ 'ਚ ਸਿਧਾਰਥ ਸ਼ੁਕਲਾ ਫਸੇ ਹੋਏ ਨਜ਼ਰ ਆਉਣਗੇ।
ਕਿਉਂ ਹੋਈ ਅਸੀਮ-ਸ਼ਹਿਨਾਜ਼ ਦੀ ਲੜਾਈ?
ਬਿੱਗ ਬੌਸ ਦੇ ਫੈਨ ਕਲੱਬ 'ਤੇ ਜਾਰੀ ਸ਼ੋਅ ਦੇ ਪ੍ਰੋਮੋ ਵੀਡੀਓ 'ਚ ਤੁਸੀਂ ਦੇਖ ਸਕਦੇ ਹੋ ਕਿ 'ਬਿੱਗ ਬੌਸ' ਦਾ ਘਰ ਇਕ ਕਾਲਜ 'ਚ ਬਦਲਿਆ ਜਾਵੇਗਾ। ਸਕੂਲ ਦੀ ਟੀਚਰ ਸ਼ਹਿਨਾਜ਼ ਕੌਰ ਗਿੱਲ ਬਣੀ ਹੈ ਤੇ ਬਾਕੀ ਮੈਂਬਰ ਉਸ ਦੇ ਸਟੂਡੈਂਟ ਬਣੇ ਹਨ। ਟਾਸਕ ਨੂੰ ਐਂਟਰਟੇਨਿੰਗ ਬਣਾਉਣ ਲਈ ਸ਼ਹਿਨਾਜ਼ ਕੌਰ ਗਿੱਲ ਸ਼ਰਾਰਤੀ ਚੀਜਾਂ ਕਰਦੀ ਹੈ। ਸ਼ਹਿਨਾਜ਼ ਮੁਕਾਬਲੇਬਾਜ਼ ਤੋਂ ਘਰ ਦੇ ਲਵ ਟਰੈਗਲ ਬਾਰੇ ਪੁੱਛਦੀ ਹੈ, ਜਿਸ ਦੇ ਜਵਾਬ 'ਚ ਪਾਰਸ ਆਖਦਾ ਹੈ ਕਿ ਉਸ ਦਾ ਸ਼ਹਿਨਾਜ਼ ਤੇ ਸਿਧਾਰਥ ਦਾ ਘਰ 'ਚ ਲਵ ਟ੍ਰੇਐਂਗਲ ਹੈ। ਇਸ ਤੋਂ ਬਾਅਦ ਸ਼ਹਿਨਾਜ਼ ਵਿਸ਼ਾਲ ਆਦਿਤਿਆ ਸਿੰਘ ਤੋਂ ਘਰ ਦੀ ਨੇਗੈਟੀਵਿਟੀ ਬਾਰੇ ਪੁੱਛਦੀ ਹੈ। ਇਸ ਦੇ ਜਵਾਬ 'ਚ ਵਿਸ਼ਾਲ ਆਖਦਾ ਹੈ ਕਿ ਆਸਿਮ, ਸ਼ੇਫਾਲੀ ਤੇ ਆਰਤੀ ਸਿੰਘ ਘਰ ਦੇ ਸਭ ਤੋਂ ਜ਼ਿਆਦਾ ਨੇਗੈਟੀਵਿਟੀ ਫੈਲਾਉਂਦੇ ਹਨ। ਆਸਿਮ ਇਹ ਗੱਲ ਸੁਣ ਕੇ ਕਾਫੀ ਗੁੱਸੇ ਹੋ ਜਾਂਦਾ ਹੈ ਤੇ ਉਹ ਕਲਾਸ ਛੱਡ ਕੇ ਜਾਣ ਲੱਗਦਾ ਹੈ। ਆਸਿਮ ਪਿੱਛੇ ਸ਼ੇਫਾਲੀ ਵੀ ਚਲੀ ਜਾਂਦੀ ਹੈ। ਆਸਿਮ ਨੂੰ ਜਾਂਦਾ ਦੇਖ ਕੇ ਸ਼ਹਿਨਾਜ਼ ਉਸ ਨੂੰ ਟਾਰਗੇਟ ਕਰਦੀ ਹੈ ਤੇ ਇਸੇ ਦੌਰਾਨ ਦੋਵਾਂ ਦੀ ਲੜਾਈ ਹੋ ਜਾਂਦੀ ਹੈ।