ਨਵੀਂ ਦਿੱਲੀ (ਬਿਊਰੋ) : ਰਿਐਲਿਟੀ ਟੀ. ਵੀ. ਸ਼ੋਅ 'ਬਿੱਗ ਬੌਸ 13' ਦੇ ਘਰ 'ਚ ਲਵ, ਰੋਮਾਂਸ ਨਾਲ ਝਗੜਾ ਵੀ ਕਾਫੀ ਦੇਖਣ ਨੂੰ ਮਿਲ ਰਿਹਾ ਹੈ ਪਰ ਕਈ ਵਾਰ ਇਹ ਝਗੜੇ ਕੰਟੈਸਟੈਂਟ ਨੂੰ ਭਾਰੀ ਵੀ ਪੈ ਗਏ ਹਨ। ਜੀ ਹਾਂ, ਇਸ ਵਾਰ ਇਹ ਝਗੜਾ ਮਧੁਰਿਮਾ ਤੁੱਲੀ ਨੂੰ ਭਾਰੀ ਪੈ ਗਿਆ ਹੈ ਕਿਉਂਕਿ ਖਬਰਾਂ ਆ ਰਹੀਆਂ ਹਨ ਕਿ ਵਿਸ਼ਾਲ ਤੇ ਮਧੁਰਿਮਾ ਵਿਚਕਾਰ ਹੋਏ ਝਗੜੇ ਕਾਰਨ ਉਸ ਨੂੰ ਘਰੋਂ ਬੇਘਰ ਕਰ ਦਿੱਤਾ ਗਿਆ ਹੈ।
ਹਾਲਾਂਕਿ 'ਵੀਕੈਂਡ ਕਾ ਵਾਰ' 'ਚ ਇਸ ਦਾ ਅਧਿਕਾਰਤ ਐਲਾਨ ਹੋਵੇਗਾ।
ਸਪੌਟਬੁਆਏ ਦੀ ਖਬਰ ਮੁਤਾਬਕ, ਇਸ ਹਫਤੇ ਮਧੁਰਿਮਾ ਤੁੱਲੀ ਦਾ ਘਰ 'ਚ ਸਫਰ ਖਤਮ ਹੋ ਸਕਦਾ ਹੈ। ਹਾਲਾਂਕਿ ਕਿਹਾ ਜਾ ਰਿਹਾ ਹੈ ਕਿ ਉਨ੍ਹਾਂ ਨੂੰ ਘੱਟ ਵੋਟਾਂ ਮਿਲਣ ਕਾਰਨ ਘਰੋਂ ਬੇਘਰ ਕੀਤਾ ਗਿਆ ਹੈ ਅਤੇ ਉਹ ਪਹਿਲਾਂ ਵੀ ਵੋਟਿੰਗ 'ਚ ਡੇਂਜਰ ਜ਼ੋਨ 'ਚ ਹੀ ਸਨ। ਅਜਿਹੇ ਵਿਚ ਮਧੁਰਿਮਾ ਦਾ ਬਾਹਰ ਹੋਣਾ ਜ਼ਿਆਦਾ ਹੈਰਾਨ ਕਰਨ ਵਾਲਾ ਨਹੀਂ ਹੈ।
ਦੱਸ ਦੇਈਏ ਕਿ ਮਧੁਰਿਮਾ ਨੇ ਸ਼ੋਅ 'ਚ 'ਵਾਈਲਡ ਕਾਰਡ ਐਂਟਰੀ' ਲਈ ਸੀ ਤੇ ਸੁਰਖੀਆਂ 'ਚ ਰਹੀ ਸੀ। ਪਹਿਲਾਂ ਵ ਮਧੁਰਿਮਾ ਦੀ ਸ਼ੇਫਾਲੀ ਜਰੀਵਾਲਾ, ਮਾਹਿਰਾ ਸ਼ਰਮਾ, ਸ਼ਹਿਨਾਜ਼ ਗਿੱਲ ਤੇ ਆਰਤੀ ਸਿੰਘ ਨਾਲ ਬਹਿਸ ਹੋ ਚੁੱਕੀ ਹੈ। ਹਾਲਾਂਕਿ ਇਸ ਹਫਤੇ ਮਧੁਰਿਮਾ ਨੇ ਹੱਦ ਕਰ ਦਿੱਤੀ ਸੀ ਤੇ ਵਿਸ਼ਾਲ ਨੂੰ ਫ੍ਰਾਈ ਪੈਨ ਨਾਲ ਮਾਰਦੀ ਹੋਈ ਨਜ਼ਰ ਆ ਰਹੀ ਸੀ।