ਮੁੰਬਈ(ਬਿਊਰੋ)- ਬਿੱਗ ਬੌਸ ਦੇ ਘਰ ’ਚ ਹਰ ਦਿਨ ਕਿਸੇ ਨਾ ਕਿਸੇ ਚੀਜ਼ ’ਤੇ ਲੜਾਈ ਹੁੰਦੀ ਰਹਿੰਦੀ ਹੈ। ਬੀਤੇ ਦਿਨ ਦੇ ਐਪੀਸੋਡ ’ਚ ਸ਼ੇਫਾਲੀ ਬੱਗਾ ਅਤੇ ਸਿਧਾਰਥ ਸ਼ੁਕਲਾ ਵਿਚਾਲੇ ਲੜਾਈ ਵੀ ਦੇਖਣ ਨੂੰ ਮਿਲੀ। ਇਸ ਦੇ ਨਾਲ ਹੀ ਸ਼ੇਫਾਲੀ ਕਾਰਨ ਦੇਵੋਲੀਨਾ ਦੇ ਕਵੀਨ ਨਾ ਬਣਨ ਕਾਰਨ ਸਾਰੇ ਘਰਵਾਲੇ ਉਸ ਨਾਲ ਨਾਰਾਜ਼ ਹੋ ਗਏ ਪਰ ਟਵਿੱਟਰ 'ਤੇ ਸ਼ੇਫਾਲੀ ਬੱਗਾ ਦੀ ਤਾਰੀਫ ਹੋ ਰਹੀ ਹੈ।
ਦਰਅਸਲ, ਬੀਤੇ ਦਿਨ ਦੇ ਐਪੀਸੋਡ ’ਚ ਟੀਮ ਬੀ ਦਾ ਟਾਸਕ ਜਿੱਤਣ ਤੋਂ ਬਾਅਦ ਘਰ ਦੇ ਸਾਰੇ ਲੋਕਾਂ ਨੇ ਦੇਵੋਲੀਨਾ ਨੂੰ ਰਾਣੀ ਬਣਾਉਣ ਦਾ ਫੈਸਲਾ ਕੀਤਾ। ਸ਼ੇਫਾਲੀ ਤੋਂ ਇਲਾਵਾ ਘਰ ਦਾ ਹਰ ਵਿਅਕਤੀ ਇਸ ਨਾਲ ਸਹਿਮਤ ਸੀ। ਸ਼ੇਫਾਲੀ ਦੇ ਦੋਵੋਲੀਨਾ ਦੇ ਰਾਣੀ ਬਣਨ ’ਤੇ ਸਹਿਮਤ ਨਾ ਹੋਣ ਕਾਰਨ ਬਿੱਗ ਬੌਸ ਨੇ ਇਹ ਟਾਸਕ ਰੱਦ ਕਰ ਦਿੱਤਾ। ਇਸ ਤੋਂ ਬਾਅਦ, ਇਸ ਹਫਤੇ ਘਰ ਵਿਚ ਕੋਈ ਰਾਣੀ ਨਹੀਂ ਬਣਾਈ ਗਈ। ਘਰ ਦੇ ਸਾਰੇ ਲੋਕਾਂ ਦੇ ਨਾਰਾਜ਼ ਹੋਣ ਦੇ ਬਾਵਜੂਦ, ਸ਼ੇਫਾਲੀ ਨੂੰ ਟਵਿੱਟਰ ’ਤੇ ਸਕਾਰਾਤਮਕ ਹੁੰਗਾਰਾ ਮਿਲ ਰਿਹਾ ਹੈ। ਲੋਕ ਸ਼ੇਫਾਲੀ ਦੀ ਕਾਫੀ ਤਾਰੀਫ ਕਰ ਰਹੇ ਹਨ।